گلوکارہ سلمیٰ آغا کو لائف ٹائم بھارتی ویزا جاری ہوگا

منگل 31 مئی 2016 09:58

نئی دہلی(اُردو پوائنٹ اخبارآن لائن۔31 مئی۔2016ء)بھارتی فلموں میں اپنی اداکاری اور آواز کا جادو جگانے والی گلوکارہ سلمیٰ آغا کو بھارت کا لائف ٹائم ویزا دیا جا رہا ہے۔ سلمیٰ آغا کو اوورسیز سٹیزن آف انڈیا (او سی آئی) کا بھی کارڈ جاری کی جائے گا۔ غیر ملکی خبر رساں ادارے کے مطابق سلمیٰ آغا نے بھارتی ویزا اور او سی آئی کارڈ کیلئے بھارتی حکومت کو درخواست دی تھی۔

(جاری ہے)

لائف ٹائم ویزا کے حصول کے بعد سلمیٰ آغا جب چاہیں بغیر کسی رکاوٹ کے بھارت کا سفر کر سکیں گی۔ بھارت کی وزارت داخلہ نے تصدیق کی ہے کہ سلمیٰ آغا کی درخواست کے بعد انھیں لائف ٹائم ویزا اور او سی آئی کارڈ جاری کیا جا رہا ہے۔ واضح رہے کہ سلمیٰ آغا کی پیدائش پاکستان میں ہوئی تھی۔ انہوں نے بھارتی فلموں میں اپنی اداکاری اور آواز کا جادو بھی جگایا تھا۔ 1982ء میں ریلیز فلم نکاح میں گانے پر انھیں فلم فیئر ایوارڈ دیا گیا تھا۔گلوکارہ سلمیٰ آغا اس وقت برطانوی شہریت کی حامل ہیں۔ ان کے بزرگوں کا تعلق بھارت سے تھا۔

Facebook Twitter Google + Share on Whatsapp

گلوکارہ سلمیٰ آغا کو لائف ٹائم بھارتی ویزا جاری ہوگا

منگل 31 مئی 2016 کی مزید خبریں