احمد اوغلو کی جگہ بنالی یلدرم ترکی کے نئے وزیراعظم نامزد

اوغلو نے صدر رجب طیب اردگان کے ساتھ اختلافات کے باعث اپنے عہدے سے استعفیٰ دیا تھا

جمعہ 20 مئی 2016 09:41

انقرہ(اُردو پوائنٹ اخبارآن لائن۔20 مئی۔2016ء) احمد اوغلو کی جگہ بنالی یلدرم ترکی کے نئے وزیراعظم نامزد،سابق وزیراعظم احمد اوغلو نے صدر رجب طیب اردگان کے ساتھ اختلافات کے باعث اپنے عہدے سے استعفیٰ دیا تھا۔ حال ہی میں ترک وزیراعظم کے عہدے سے مستعفی ہونے والے احمد اوغلو کی جگہ وزیر ٹرانسپورٹ بنالی یلدرم کو نیا وزیراعظم نامزد کردیا گیا ہے۔

(جاری ہے)

غیر ملکی خبر رساں ادارے کے مطابق ترکی کی حکمران جماعت جسٹس اینڈ ڈویلمپنٹ پارٹی نے احمد اوغلو کی جگہ وزیر ٹرانسپورٹ بنالی یلدرم کو پارٹی کا نیا چیرمین منتخب کردیا ہے جو ملک کے نئے وزیراعظم بھی ہوں گے۔اے کے پی پارٹی کا چیرمین بننے اور وزیراعظم نامزد ہونے کے بعد بنالی یلدرم کا کہنا تھا کہ اپنی جماعت کے تمام ساتھیوں کو ساتھ لے کر آگے چلوں گا اور صدارتی نظام کو مضبوط کریں گے۔واضح رہے کہ چند روز قبل ترکی کے وزیراعظم احمد اوغلو نے ملک میں صدارتی نظام کی مضبوطی کے حوالے سے صدر رجب طیب اردگان کے ساتھ اختلافات کے باعث اپنے عہدے سے استعفیٰ دے دیا تھا۔

متعلقہ عنوان :