بنگلہ دیش : آسمانی بجلی نے قہر ڈھا دیا ، 50افراد ہلاک
ہلاک شدگان میں زیادہ تر کھیتوں میں کام کرنے والے کسان شامل بڑے پیمانے پرہونے والی موسمیاتی تبدیلیاں اس کی وجہ ہیں، ماہرین
ڈھاکا(اُردو پوائنٹ اخبارآن لائن۔15 مئی۔2016ء) بنگلا دیش میں گزشتہ 2 روز کے دوران آسمانی بجلی گرنے سے 50 افراد ہلاک ہوگئے۔غیرملکی میڈیا کے مطابق بنگلا دیش میں گزشتہ 2 روز کے دوران آسمانی بجلی گرنے کے واقعات ہوئے جن میں خواتین اور بچوں سمیت مجموعی طور پر 50 افراد ہلاک ہوگئے۔ غیر ملکی خبررساں ادارے کے مطابق ہلاک ہونے والوں میں زیادہ ترکسان ہیں جو اپنے کھیتوں میں کام کررہے تھے کہ اس دوران آسمانی بجلی کا نشانہ بن گئے جب کہ مرنے والوں میں خواتین اور بچے بھی شامل ہیں۔
میڈیا رپورٹس کے مطابق آسمانی بجلی گرنے سے سب سے زیادہ ہلاکتیں شمال مغربی پابنا اورراجشاہی میں ہوئی ہیں جہاں 10 افراد لقمہ اجل بنے۔ اس کے علاوہ ڈھاکا میں بھی فٹبال کھیلتے 2 بچے آسمانی بجلی کی زد میں آکرجان سے ہاتھ دھو یٹھے۔(جاری ہے)
رپورٹس کے مطابق رواں سال مارچ سے لے کراب تک 90 افراد آسمانی بجلی گرنے کے واقعات میں ہلاک ہوچکے ہیں جبکہ گزشتہ سال بھی اس طرح کے واقعات میں 51 افراد ہلاک ہوئے تھے۔واضح رہے کہ بنگلا دیش میں آسمانی بجلی گرنے کے واقعات پیش آتے رہتے ہیں تاہم اس سال اس سے سب سے زیدہ ہلاکتیں ہوئی ہیں جس پرماہرین کا کہنا ہے کہ بڑے پیمانے پرہونے والی موسمیاتی تبدیلیاں اس کی وجہ ہیں۔ برازیل کی کابینہ میں تمام مرد ہیں کوئی خاتون نہیں : جیلما روسیف
مزید متعلقہ خبریں پڑھئیے :
