نیب ایگزیکٹو بورڈ کا اجلاس، ناجائز ذرائع سے اثاثے بنانے کے مبینہ الزامات پر سابق صوبائی وزیربلوچستان حاجی محمد نواز کاکڑ،سابق سیکرٹری صحت خیبر پختونخواسید سہیل الطاف اور دیگر کے خلاف بدعنوانی کا ریفرنس دائر کرنے کا فیصلہ ، دھوکہ دہی کے الزام میں سی ڈی اے افسران ، اوگرا حکام کے خلاف خلاف قانون سی این جی کے لائسنس جاری کرنے پر انکوائری کی منظوری، نیب زیرو ٹالریننس پالیسی پر عمل کرتے ہوئے کرپشن کے خاتمے کیلئے پرعزم ہے، بدعنوانی کے خاتمے کیلئے ہماری پالیسی 2016میں بھی جاری رہے گی،چیئرمین نیب قمر زمان چوہدری
اسلام آباد (اُردو پوائنٹ اخبارآن لائن۔ 6اپریل۔2016ء)قومی احتساب بیورو (نیب ) کے ایگزیکٹو بورڈ نے ناجائز ذرائع سے اثاثے بنانے کے مبینہ الزامات پر سابق صوبائی وزیربلوچستان ڈویلپمنٹ اتھارٹی کوئٹہ حاجی محمد نواز کاکڑ،سابق سیکرٹری صحت خیبر پختونخواسید سہیل الطاف اور دیگر کے خلاف بدعنوانی کا ریفرنس دائر کرنے ،جکارتہ میں پاکستانی سفارتخانے کی عمارت کی فروخت میں مبینہ خرد برد پروزارت خارجہ کے حکام ، اشتہارات کی مد میں فنڈز میں خردبرد اور بدعنوانی کے الزام میں محکمہ اطلاعات و آثار قدیمہ سندھ کے افسران و دیگرکے خلاف انوسٹی گیشن،پلاٹوں کی غیر قانونی الاٹمنٹ پرفیڈرل گورنمنٹ ایمپلائز ہاؤسنگ فاؤنڈیشن کی انتظامیہ، 2ارب روپے کی اراضی دھوکہ دہی سے الاٹ کرنے کے الزام میں سی ڈی اے کے افسران ، اوگرا حکام کے خلاف خلاف قانون سی این جی کے لائسنس جاری کرنے پر انکوائری کی منظوری دی گئی اختیارات کے ناجائز استعمال اور بدعنوانی کے مبینہ الزامات پر سابق سیکرٹری صحت خیبر پختونخواسید سہیل الطاف اور دیگر کے خلاف بدعنوانی کا ریفرنس دائر کرنے، ، ٹوکیو میں پاکستانی سفارتخانہ کی عمارت کی فروخت میں مبینہ خرد برد پروزارت خارجہ کے حکام کے خلاف انکوائری اورسندھ پولیس میں غیرقانونی بھرتیوں پر سندھ پولیس کے حکام کے خلاف انکوائری کرنے کا فیصلہ کیا ہے ، قومی احتساب بیورو (نیب ) کے ایگزیکٹو بورڈ کا اجلاس چیئرمین نیب قمر زمان چوہدری کی زیر صدارت نیب ہیڈ کورارٹر میں ہو ا،اجلاس میں سابق سیکرٹری صحت خیبر پختونخواسید سہیل الطاف اور دیگر کے خلاف بدعنوانی کاریفرنس دائر کرنے کا فیصلہ کیا گیا ملزمان پر اختیارات کے ناجائز استعمال اور بدعنوانی کا الزام ہے ،جس سے قومی خزانے کو15.756ملین روپے کا نقصان ہوا ،اجلاس میں وزارت خارجہ کے حکام ا ور دیگر کے خلاف انوسٹی گیشن کا فیصلہ کیا گیاملزمان پر بدعنوانی اورجکارتہ میں پاکستانی سفارتخانے کی عمارت کی فروخت میں مبینہ خرد برد کا الزام ہے،جس سے قومی خزانے کو لاکھوں روپے کا نقصان ہوا ،ایگزیکٹو بورڈ نے سندھ کے محکمہ اطلاعات اورآثار قدیمہ کے افسران ا ور دیگر کے خلاف تحقیقات کا فیصلہ کیاگیاملزمان پر اشتہارات کی مد میں فنڈز میں خردبرد اور بدعنوانی کا الزام ہے،اسی مقدمے میں میسرز ژی نائن کمیونیکیشن پرائیویٹ لیمیٹیڈکی 374,546,739اورمیسرزانسائنک پرائیویٹ لیمیٹیڈکی 83,643,668روپے رضاکارانہ واپسی کی درخواست منظور کر لی ایگزیکٹو بورڈ نے بلوچستان کے سابق صوبائی وزیربلوچستان ڈویلپمنٹ اتھارٹی کوئٹہ حاجی محمد نواز کاکڑاور دیگر کے خلاف انکوائری کی منظوری دی ملزمان پر ناجائز ذرائع سے اثاثے بنانے اور بدعنوانی کا الزام ہے ،اجلاس میں فیڈرل گورنمنٹ ایمپلائز ہاؤسنگ فاؤنڈیشن کی انتظامیہ اور دیگرکے خلاف انکوائری کی منظوری دی گئی،ملزمان پرفیڈرل گورنمنٹ ایمپلائز ہاؤسنگ فاؤنڈیشن کے کوٹہ بالخصوص ہارڈشپ اور پروفیشنل کوٹہ سے پلاٹوں کی غیر قانونی الاٹمنٹ کا الزام ہے۔
(جاری ہے)
مزید متعلقہ خبریں پڑھئیے :
متعلقہ عنوان :
