برطانیہ، یورپی یونین سے نکلا توتقریباً ڈیڑھ سو ارب ڈالر کا ہوگا،یورپی یونین سے اخراج کا فیصلہ کیا تو نہ صرف روزگار کے قریب ایک ملین مواقع خطرے میں پڑ جائیں گے، برطانوی صنعتی ادارہ

جمعہ 25 مارچ 2016 10:40

لندن (اُردو پوائنٹ اخبارآن لائن۔ 25مارچ۔2016ء) برطانیہ، یورپی یونین سے نکلا توتقریباً ڈیڑھ سو ارب ڈالر کا ہوگا۔برطانوی صنعتی اداروں کی نمائندہ تنظیم نے کہا ہے کہ برطانیہ نے اگر یورپی یونین سے اخراج کا فیصلہ کیا تو نہ صرف روزگار کے قریب ایک ملین مواقع خطرے میں پڑ جائیں گے بلکہ لندن کو قریب ڈیڑھ سو ارب ڈالر کا نقصان بھی ہو گا۔

(جاری ہے)

کنفیڈریشن آف برٹش انڈسٹریز نے اپنی رپورٹ میں کہا ہے کہ برطانیہ کے یورپی یونین سے ممکنہ اخراج، جسے ایگزٹ برٹش کہا جا رہا ہے، کی صورت میں ملکی معیشت کو شدید دھچکا پہنچے گا۔

برطانوی اقتصادیات کے لیے یہ جھٹکا اتنا شدید ہو گا کہ اس کی وجہ سے روزگار کیتقریباً ایک ملین تک مواقع خطرے میں پڑ جائیں گے۔سی بی آئی کے مطابق مالی نقصان کی مالیت 2020 تک 100 بلین پاؤنڈ کے برابر پہنچ جائے گی۔ یہ مالیاتی حجم 128 بلین یورو یا 145 بلین امریکی ڈالر کے برابر بنتا ہے۔