ہوا،شمسی توانائی سے 3ہزار میگاواٹ بجلی پیدا کرنے کی منصوبہ بندی ، پاکستان میں متبادل توانائی کے شعبے میں سرمایہ کاری کے وسیع مواقع موجود ہیں،جرمن سفیر

پیر 7 مارچ 2016 09:21

اسلام آباد (اُردو پوائنٹ اخبارآن لائن۔ 7مارچ۔2016ء)پاکستان نے 2018تک ہوا اور شمسی توانائی سے 3ہزار میگاواٹ بجلی پیدا کرنے کی منصوبہ بندی کر لی ، جرمن سفیر کا کہنا ہے کہ پاکستان میں متبادل توانائی کے شعبے میں سرمایہ کاری کے وسیع مواقع موجود ہیں۔

(جاری ہے)

جرمنی متبادل توانائی کے فروغ کے لیے پاکستان کو ہر ممکن تعاون فراہم کرے گا،پاک جرمن ری نیو ایبل انرجی فورم جلد قائم ہو جائے گا، جرمن سفیرنے اسلام آباد میں ہونے والے بین الاقوامی توانائی کانفرنس میں خطا ب کرتے ہو ئے کہا کہ پاکستان میں متبادل توانائی کی بہت صلاحیت موجود ہے، پاکستان میں بہترین ونڈ کوریڈور ہے پاکستان میں شمسی توانائی سے بجلی پیدا کرنے کے بھی وسیع مواقع موجود ہیں۔

متبادل توانائی ترقیاتی بورڈ کے سربراہ امجد اعوان نے کہا کہ ہوا اور شمسی توانائی سے مزید بجلی حاصل کرنے کی منصوبہ بندی کر لی ہے۔ہمارا جو ٹارگٹ اس وقت 2018تک یا اس سے پہلے 3000میگاواٹ کا ہے دونوں ونڈ اور سولر کو ملا کر۔پاکستان میں اس وقت ہوا سے300 میگاواٹ بجلی پیدا کرنے کے 6 منصوبے اور شمسی توانائی سے 100 میگاواٹ بجلی پیدا کرنے کا ایک منصوبہ کام کر رہا ہے۔