مشترکہ مفادات کونسل کا اجلا س آ ج ہو گا ،اجلاس میں مردم شماری،، اقتصادی راہداری، انسداد دہشت گردی، نیشنل ایکشن پلان ، انرجی بحران، نیشنل فنانس کمیشن ایوارڈ، بجلی گیس لوڈ شیڈنگ اور دیگر معاملات پر غور کیا جا ئے گا
اسلام آباد (اُردو پوائنٹ اخبارآن لائن۔ 29فروری۔2016ء) مشترکہ مفادات کونسل کا اجلاس آج ( پیر) کو اسلام آباد میں ہو گا وزیر اعلی پنجاب محمد شہباز شریف ، وزیر اعلی خیبرپختونخوا پرویز خٹک ، وزیر اعلی بلوچستان نواب ثناء اللہ زہری ، وزیر اعلی سندھ سید قائم علی شاہ اور تین نامزد وفاقی وزراء شریک ہوں گے ساڑھے گیارہ ماہ بعد ہونے والے مشترکہ مفادات کونسل کے اجلاس میں مرکزی و صوبائی قیادت اکٹھی ہوں گی اور اہم قومی معاملات پر مشاورت کی جائے گی میڈیا رپورٹس کے مطابق مشترکہ مفادات کونسل کے اس اجلاس میں قومی مردم شماری و خانہ شماری میں ممکنہ رکاوٹوں کو دور کرنے کے لئے صوبے اپنی اپنی تجاویز سے مرکز کو آگاہ کریں گے سندھ اس بارے میں دو مرحلوں میں مردم شماری کروانے اور نگرانی کا اختیار صوبوں کے سپرد کرنے کی تجاویز پیش کرے گا اس ضمن میں ملک کی تمام جماعتوں نے وزیر اعلی سندھ کو اس بارے میں مکمل اختیارات دیا ہے جبکہ تیل ، گیس اور بجلی سے متعلق زیر التواء معاملات پر بھی غور کیا جائے گا پانی کی تقسیم جنریشن پاور پالیسی 2014 سمیت دیگر امور پر بھی بات چیت ہو گی رپورٹ کے مطابق اجلاس سے قبل وزیر اعظم محمد نواز شریف اور وزیر اعلی سندھ کے درمیان ملاقات بھی ہو گی تاکہ اجلاس کے معاملات کو خوش اسلوبی سے نمٹایا جا سکے ، واضع رہے کہ مردم شماری کے معاملہ پر سندھ اور وفاق میں اختلافات سامنے آ چکے ہیں۔
(جاری ہے)
مزید متعلقہ خبریں پڑھئیے :
متعلقہ عنوان :
