پاکستانی ڈراموں کی شمع بجھ گئی ، معروف ادیبہ اور ڈرامہ نگار فاطمہ ثریا بجیا طویل علالت کے بعد کراچی میں انتقال کرگئیں، نماز جنازہ اور تدفین آج ہوگی ،صدر ، وزیراعظم اور سیاسی رہنماؤں کا گہرے دکھ اور افسوس کا اظہار
کراچی(اُردو پوائنٹ اخبارآن لائن۔ 11فروری۔2016ء) پاکستان کے ڈراموں کی شمع بجھ گئی ، معروف ادیبہ اور ڈرامہ نگار فاطمہ ثریا بجیا طویل علالت کے بعد کراچی میں انتقال کرگئیں ان کی نماز جنازہ اور تدفین آج جمعرات کو ہوگی ۔ صدر مملکت ممنون حسین ، وزیراعظم نواز شریف اور سیاسی رہنماؤں نے ان کے انتقال پر گہرے دکھ اور افسوس کا اظہار کیا ۔ تفصیلات کے مطابق معروف ادیبہ اور ڈرامہ نگار فاطمہ ثریا بجیا طویل علالت کے بعد بدھ کے روز کراچی میں انتقال کرگئیں فاطمہ ثریا بجیا یکم ستمبر 1930ء کو بھارتی ریاست حیدر آباد دکن کے ضلع کرناٹک میں پیدا ہوئیں اور تقسیم ہند کے فوراً بعد وہ اپنے خاندان کے ساتھ پاکستان آگئیں فاطمہ ثریا بجیا کا ادبی دنیا سماجی اور فلاحی کاموں میں ایک نام تھا انہوں نے کئی ڈرامے لکھے اور ٹیلی ویژن ریڈیو اور سٹیج پر کام کیا ان کا پہلا ڈرامہ شمع بہت مشہور ہوا فاطمہ ثریا بجیا کو 1997ء میں تمغہ حسن کارکردگی ،2012ء میں ہلال امتیاز اور مختلف اوقات میں دیگر کئی انعامات سے نوازا گیا ان میں جاپان کا اعلیٰ سول ایوارڈ بھی شامل ہے معروف اداکار انور مقصود ، احمد مقصود ان کے بھائی ہیں سارہ نقوی بھی ان کے خاندان سے ہیں فاطمہ ثریا بیجا کچھ عرصہ سے علیل تھیں اور بہت کمزور اور حواس کھو بیٹھی تھیں ان کی نماز جنازہ جمعرات کے روز کراچی میں ادا کی جائے گی جہاں پر آبائی قبرستان میں ان کی تدفین ہوگی فاطمہ ثریا بجیا کے انتقال پر صدر مملکت اور وزیراعظم نے گہرے دکھ اور افسوس کا اظہار کیا اور ان کی خدمات کو سراہا وزیر داخلہ چوہدری نثار علی خان ، گورنر اور وزرائے اعلیٰ وفاقی وزراء سیاسی رہنماؤں اداکاروں ، فنکاروں اور ہر شعبہ ہائے زندگی سے تعلق رکھے والے لوگوں نے ان کے انتقال پر گہرے دکھ اور افسوس کااظہار کیا ہے ۔
(جاری ہے)
مزید متعلقہ خبریں پڑھئیے :
