آپریشن ضرب عضب کے ڈیڑ ھ سال مکمل ، 183خطرناک دہشتگردوں سمیت مجموعی طورپر 3400 دہشت گرد ہلاک ،21193 دہشتگردوں کو گرفتار ، ان کے 837 ٹھکانے تباہ ہوئے، فوج، ایف سی اور رینجرز کے488جوانوں نے جام شہادت نوش کیا،1914 زخمی ہوئے،اب تک 11فوجی عدالتوں میں 142کیسز بھیجے گئے ،55مقدمات کا فیصلہ سنایا گیا،87مقدمات زیرسماعت ہیں، فوجی عدالتوں نے 31دہشت گردوں کو سزائیں سنائیں،دہشت گردوں کی کمر توڑ دی ہے، پاک افغان بارڈر کے قریب دہشت گردوں کے آخری ٹھکانوں کو کلیئر کیا جارہاہے،ڈی جی آئی ایس پی آر لیفٹیننٹ جنرل عاصم سلیم باجوہ کی آپریشن ضرب عضب میں 18ماہ کے دوران حاصل کامیابیوں بارے تفصیلات
راولپنڈی(اُردو پوائنٹ اخبارآن لائن۔13دسمبر۔2015ء) پاک فوج کے شعبہ تعلقات عامہ (آئی ایس پی آر ) کے ڈائریکٹر جنرل لیفٹیننٹ جنرل عاصم سلیم باجوہ نے کہاہے کہ دہشتگردوں کے خلاف جاری آپریشن ضرب عضب سے گزشتہ ڈیڑھ سال کے دوران شاندار کامیابیاں ملیں، پاک افغان بارڈر کے قریب دہشت گردوں کے آخری ٹھکانوں کو کلیئر کیا جارہاہے، آپریشن ضرب عضب میں مجموعی طورپر 3400 دہشت گرد مارے گئے،گزشتہ 18ما ہ میں183انتہائی خطرناک دہشت گردوں کوہلاک،21193کو گرفتار کیا گیا،آپریشن میں دہشت گردوں کے837 ٹھکانے تباہ کئے، بھاری مقدار میں اسلحہ و گولہ بارود بھی برآمد کیاگیا ،دہشت گردوں کے خلاف جاری آپریشن میں پاک فوج ایف سی اور رینجرز کے488جوانوں نے جام شہادت نوش کیا،1914جوان زخمی ہوئے،اب تک 11فوجی عدالتوں میں 142کیسز بھیجے گئے ،55مقدمات کا فیصلہ سنایا گیا،87مقدمات زیرسماعت ہیں، فوجی عدالتوں نے 31دہشت گردوں کو سزائیں سنائیں،دہشت گردوں کی کمر توڑ دی ہے۔
(جاری ہے)
مزید متعلقہ خبریں پڑھئیے :
