چین نے افغان حکومت اور طالبان کے درمیان تعطل کا شکار مذاکرات میں تعاون کی پیشکش کردی ، افغان حکومت اور طالبان کے درمیان ہونے والے امن مذاکرات کی حمایت کرتے ہیں اور چین ہمیشہ افغانستان کے مصالحتی عمل کی حمایت کرتا رہا ہے، ترجمان چینی وزارت خارجہ

اتوار 16 اگست 2015 09:49

بیجنگ(اُردو پوائنٹ اخبارآن لائن۔16 اگست۔2015ء) چین نے افغان حکومت اور افغان طالبان کے درمیان تعطل کا شکار ہونے والے مذاکرات میں تعاون کی پیشکش کی ہے۔چینی وزارت خارجہ کے ترجمان کا کہنا ہے کہ افغان حکومت اور طالبان کے درمیان ہونے والے امن مذاکرات کی حمایت کرتے ہیں اور چین ہمیشہ افغانستان کے مصالحتی عمل کی حمایت کرتا رہا ہے جب کہ افغان امن مذاکرات میں پاکستان کا اہم کردار ہے جو قابل تحسین ہے۔

(جاری ہے)

ان کا کہنا تھا کہ امید ہے سب فریق افغانستان میں دیرپا امن کے لئے کام کرتے رہیں گے جب کہ چین افغانستان میں قیام امن کے لئے تعاون کرنے کو تیار ہے اور سمجھتے ہیں کہ امن مذاکرات ہی افغان مسئلے کا بہترین حل ہے۔واضح رہے کہ افغان حکومت اور افغان طالبان کے درمیان مذاکرات کا پہلا دور پاکستان کے شہر مری میں ہوا تاہم افغان طالبان کے امیر ملا عمر کے انتقال کی خبرمنظرعام پر آنے اور نئے امیر کے انتخاب کے معاملے پر طالبان کے درمیان دھڑے بندی کے بعد مذاکراتی عمل تعطل کا شکار ہوگیا۔