سابق سربراہ آئی ایس آئی جنرل ظہیرالاسلام فوجی اورسول قیادت کوہٹاکراقتدارپرقبضہ کرناچاہتے تھے ،سینیٹرمشاہداللہ،دھرنے کے دوران ملنے والی اطلاعات خوفناک تھیں ،آئی بی نے ظہیرالاسلام کی سازش پر پانی پھیردیا،وفاقی وزیرکابرطانوی نشریاتی ادارے کوانٹرویو،مشاہداللہ کی باتوں کاحقائق سے کوئی تعلق نہیں،ٹیپ بنی نہ کسی نے سنی یا سنائی گئی، ترجمان وزیراعظم ہاوٴس اورسینیٹرپرویزرشید کی تردید،وزیراعظم نے بیان پروفاقی وزیر سے وضاحت طلب کرلی ،نہ ایسی کوئی ٹیپ سنی اورنہ ہی مجھے اس کاعلم ہے ،سینیٹرمشاہداللہ،،ٹیپ ریکارڈنگ سے متعلق خبریں بے بنیاداورحقیقت سے بہت دورہیں ، آئی ایس پی آر
ہفتہ 15 اگست 2015 08:59
اسلام آباد(اُردو پوائنٹ اخبارآن لائن۔15 اگست۔2015ء)وفاقی وزیرسینیٹرمشاہداللہ خان نے دعویٰ کیاہے کہ تحریک انصاف کے دھرنے کے وقت ملنے والی اطلاعات خوفناک تھیں، سابق سربراہ آئی ایس آئی جنرل ظہیرالاسلام عباسی فوجی اورسول قیادت کوہٹاکرملک کے اقتدارپرقبضہ کرناچاہتے تھے جبکہ وزیراعظم ہاوٴس کے ترجمان اوروفاقی وزیراطلاعات سینیٹرپرویزرشیدنے اس خبرکی تردیدکرتے ہوئے کہاہے کہ سینیٹرمشاہداللہ کی باتیں من گھڑت ہیں ایسی کسی ٹیپ کاکوئی وجودنہیں،وزیراعظم نے سینیٹرمشاہداللہ سے بیان کی وضاحت طلب کرلی ہے ۔
تفصیلات کے مطابق برطانوی خبررساں ادارے کودیئے گئے انٹرویو میں انہوں نے کہاکہ کہ 28 اگست کی شام وزیر اعظم نواز شریف نے بری فوج کے سربراہ جنرل راحیل شریف سے ملاقات کے دوران یہ آڈیو ٹیپ انھیں سنائی۔(جاری ہے)
وفاقی وزیر نے کہا: ’جنرل راحیل شریف یہ ٹیپ سن کر حیران رہ گئے۔ انھوں نے اسی وقت جنرل ظہیر الاسلام عباسی کو اسی میٹنگ میں وزیر اعظم کے سامنے طلب کر کے وہی ٹیپ دوبارہ چلوائی اور ان سے پوچھا کہ کیا یہ آواز آپ ہی کی ہے اور جنرل عباسی کی جانب سے اس تصدیق کے بعد کہ یہ آواز انہی کی ہے، جنرل راحیل نے جنرل عباسی کو میٹنگ سے چلے جانے کو کہا۔
‘مشاہد اللہ خان نے کہا کہ یہ ٹیپ اور اس کے علاوہ بھی اس وقت حکومت کو مختلف ذرائع سے جو اطلاعات مل رہی تھیں وہ بہت خوفناک تھیں اور اس وقت تیار ہونے والی سازش کے نتیجے میں بہت تباہی ہونی تھی۔’اس ٹیپ میں کھلی سازش تیار کی جا رہی تھی کہ کیا کرنا ہے، کیسے کرنا ہے، وزیراعظم ہاوٴس پر قبضے کی بھی بات کی گئی تھی، یعنی اس سب کے نتیجے میں بہت ہی زیادہ بگاڑ تھا۔ اس وقت کچھ بھی ہو سکتا تھا۔‘مشاہد اللہ کے بقول اس وقت جو سازش تیار کی جا رہی تھی اس کا نشانہ صرف سول حکومت یا وزیراعظم نواز شریف نہیں تھے بلکہ یہ سازش بری فوج کے سربراہ کے خلاف بھی تھی۔’اس سازش کا ایک حصہ یہ بھی تھا کہ وزیراعظم نواز شریف اور جنرل راحیل شریف کے درمیان اتنی خلیج اور اختلافات پیدا کر دیے جائیں کہ نواز شریف کو مجبور کر دیا جائے کہ وہ جنرل راحیل کے خلاف کوئی ایکشن لیں اور جب وہ ایکشن لیں تو اس وقت کچھ لوگ اس وقت حرکت میں آئیں اور اقتدار پر قابض ہو جائیں۔ہمیں پتہ تھا کہ لندن میں طاہر القادری اور عمران خان کے درمیان ہونے والی ملاقات میں آئی ایس آئی کے کچھ لوگ بھی موجود تھے: وفاقی وزیراس سوال پر کہ جب اسلام آباد میں اتنی سنگین سازش تیار ہو رہی تھی اور اس پر عمل کرنے کی کوشش ہو رہی تھی عین اس وقت وزیراعظم نواز شریف اچانک وزیراعظم ہاوٴس چھوڑ کر اپنے اہل خانہ سمیت لاہور کیوں چلے گئے؟مشاہد اللہ نے کہا کہ وزیراعظم کو ایوان وزیراعظم سے باہر نکالنے کا فیصلہ بھی ایک سازش سے بچنے کے لیے کیا گیا تھا۔اس کی تفصیل بتاتے ہوئے مشاہد اللہ نے کہا کہ 31 اگست کے روز انٹیلی جنس بیورو اور بعض دیگر ذرائع سے حکومت کو خبر ملی کہ اسلحے سے بھری دو گاڑیاں وزیراعظم ہاوٴس کی طرف آ رہی ہیں۔ اس وقت تک پی ٹی وی پر قبضہ ہو چکا تھا اور لوگ سیکریٹریٹ اور وزیراعظم ہاوٴس کی طرف بڑھ رہے تھے۔’ایسے میں حکومت کے پاس اس کے علاوہ کوئی راستہ نہیں تھا کہ وزیراعظم کو وہاں سے نکال کر محفوظ مقام پر منتقل کر دیا جائے۔ بعد میں ہمیں معلوم ہوا کہ فوج ہی کے ایک افسر نے دو گاڑیوں کو پکڑا جو وزیراعظم ہاوٴس جانے کی کوشش کر رہی تھیں۔ ان گاڑیوں میں پچیس پچیس کلاشنکوف تھیں۔‘اس سوال پر کہ یہ بندوقیں کس نے اور کہاں استعمال کرنی تھیں، مشاہد اللہ خان نے کہا: ’جب میں نے اس بارے میں دریافت کیا تو مجھے بتایا گیا کہ ان کے کچھ لوگ وہاں (وزیراعظم ہاوٴس) پہلے ہی پہنچ چکے تھے جنہوں نے ان کلاشنکوفوں کو استعمال کرنا تھا۔ بس یہ اسلحہ اندر لانے کی دیر تھی۔‘جب ان سے پوچھا گیا کہ ایک طرف آپ بعض فوجی جرنیلوں پر حکومت کے خلاف سازش کا الزام لگا رہے ہیں اور دوسری طرف وزیراعظم ہاوٴس اور دیگر اہم عمارات کی حفاظت کی ذمہ داری بھی فوج ہی کو دے دی گئی، مشاہد اللہ نے کہا کہ فوج بطور ادارہ حکومت کے خلاف اس سازش میں شامل نہیں تھی۔’بعض بہت موثر اور سینئر جرنیل اس سازش میں ملوث تھے، جن میں لیفٹینٹ جنرل ظہیرالاسلام بھی شامل ہیں لیکن جنرل راحیل اور پاکستانی فوج ایک ادارے کے طور پر اس سازش میں شامل نہیں تھی۔‘مشاہد اللہ نے کہا کہ اگر جنرل راحیل حکومت ختم کرنے کی خواہش رکھتے تو پھر دھرنوں وغیرہ کی ضرورت ہی نہیں پیش آنی تھی۔اس سوال پر کہ حکومت کو اس دھرنے کی آڑ میں ہونے والی اس مبینہ سازش کا علم کب ہوا، تو مشاہداللہ خان نے کہا کہ حکومت کو پہلے دن سے اس سازش کا علم تھا۔’ہمیں پتہ تھا کہ لندن میں طاہر القادری اور عمران خان کے درمیان ہونے والی ملاقات میں آئی ایس آئی کے کچھ لوگ بھی موجود تھے۔ ہم یہ بھی جانتے تھے کہ اس ملاقات میں کیا کچھ طے ہوا کہ کس نے لاہور سے کب چلنا ہے، کہاں پہنچنا ہے، کیا کرنا ہے۔‘انھوں نے کہا کہ حکومت نے پہلے دن ہی سے یہ تہیہ کر رکھا تھا کہ کسی بھی قیمت پر ان لوگوں کے خلاف طاقت استعمال نہیں کرنی کیونکہ بعض طاقتیں یہی چاہتی تھیں کہ حکومت طاقت استعمال کرے اور ان کی سازش پر عمل کا راستہ ہموار ہو جائے۔اس مبینہ سازش میں ملوث ہونے پر آئی ایس آئی کے سابق سربراہ جنرل ریٹائرڈ ظہیر الاسلام عباسی کے خلاف کارروائی کے امکانات کے بارے میں ایک سوال پر مشاہد اللہ نے کہا کہ پاکستان میں جمہوریت ابھی اتنی طاقتور نہیں کہ اس طرح کی کارروائی کر سکے۔’گو کہ ہماری حکومت نے جنرل مشرف کے خلاف مقدمہ تو درج کیا لیکن ہم ان کے خلاف بھی اس طرح کی کارروائی نہیں کر سکے جیسا کہ کی جانی چاہیے تھی۔ وزیراعظم کی ساری توجہ ملکی استحکام اور اسے آگے لے جانے پر مرکوز ہے۔ ایسے موقع پر وہ اس قسم کی انکوائری یا کارروائی کا فیصلہ نہیں کرنا چاہتے۔‘دوسری جانب وزیراعظم ہاوٴس کے ترجمان کاکہناہے کہ سینیٹرمشاہداللہ کے بیان میں کوئی حقیقت نہیں ہے ،ایسی کسی ٹیپ کاکوئی وجودنہیں جس کاوہ ذکرکررہے ہیں ،وزیراعظم نے مشاہداللہ سے ان کے بیان پروضاحت طلب کرلی ہے ۔وزیراطلاعات سینیٹرپرویزرشیدنے نجی ٹی وی سے گفتگوکرتے ہوئے کہاکہ مشاہداللہ کی باتیں 100فیصدمن گھڑت ہیں ،جن کاحقیقت سے کوئی تعلق نہیں ہے ،معلوم نہیں انہوں نے یہ باتیں کہاں سے سنی اورکیوں کہیں؟نہ ہی ایسی کوئی ٹیپ بنی نہ ہی کسی نے سنی اورنہ ہی کسی کوسنائی گئی ہے ،جس ٹیپ کاذکرکیاجارہاہے اس کاحقیقت سے کوئی تعلق نہیں ،دھرنوں کے وقت میں وزیراعظم کے ساتھ ہوتاتھااورمجھے تمام حقائق کاعلم ہے ،میں نے ایسے کسی ٹیپ کاذکرنہیں سنااورنہ ہی اس کاحقیقت سے کوئی تعلق ہے ۔انہوں نے کہاکہ وزیراعظم نے مشاہداللہ سے ان کے بیان پروضاحت طلب کرلی ہے اورجوبھی وضاحت دیں گے اسے قوم کے سامنے لایاجائیگا۔ادھروفاقی وزیر ماحولیاتی تبدیلی سینیٹرمشاہداللہ نے نجی ٹی وی سے گفتگوکرتے ہوئے برطانوی نشریاتی ادارے کے الزامات کی تردیدکرتے ہوئے کہاہے کہ انہوں نے نہ کوئی ایسی ٹیپ سنی اورنہ ہی اس کاعلم ہے ،نشریاتی ادارے نے ان کی کچھ باتیں ایڈٹ کرلیں اورکچھ نشرکردیں۔انہوں نے کہاکہ برطانوی ادارے نے میرے ساتھ یہ باتیں منسوب کرکے میرے لئے پریشانی کھڑی کردی ہے ،میں نے ایسی کوئی بات نہیں کی ۔میں نے صرف یہ کہاتھاکہ اس وقت اس طرح کی ٹیپ کے بارے میں مختلف باتیں ہورہی تھیں ۔میں نے سرکاری طورپرنہ کوئی ٹیپ سنی ہے اورنہ ہی مجھے اس کاعلم ہے اورنہ ہی میں نے برطانوی ادارے کوانٹرویومیں ایسی کوئی بات کی ہے ۔یہ باتیں سیناگزٹ کی طرح چل رہی ہیں ۔انہوں نے کہاکہ میں نے کہاتھاکہ لوگ اس طرح کی باتیں کررہے ہیں ۔دھرڈی جی آئی ایس پی آر میجرجنرل عاصم سلیم باجوہ نے کہاہے کہ ٹیپ ریکارڈنگ سے متعلق خبریں بے بنیاداورحقیقت سے بہت دورہیں ، ان خبروں کاحقیقت سے کوئی تعلق نہیں ہے ۔ اپنے ٹویٹ پیغام میں انہوں نے کہاکہ ایسے بیانات غیرذمہ دارانہ ہیں ،آڈیوٹیپ کاسچائی سے دوردورتک کوئی تعلق نہیںمزید متعلقہ خبریں پڑھئیے :
متعلقہ عنوان :
ہفتہ 15 اگست 2015 کی مزید خبریں
-
بھارتی کھلاڑی اجنکیا راہانے نے سری لنکا کے خلاف پہلے ٹیسٹ میچ میں ایک منفرد عالمی ریکارڈ اپنے نام کر لیا، بطور فیلڈر آٹھ کیچ پکڑ کر کسی بھی فیلڈر کی جانب سے ایک ٹیسٹ میچ میں سب سے زیادہ کیچ لینے نیا ... مزید
-
سابق سربراہ آئی ایس آئی جنرل ظہیرالاسلام فوجی اورسول قیادت کوہٹاکراقتدارپرقبضہ کرناچاہتے تھے ،سینیٹرمشاہداللہ،دھرنے کے دوران ملنے والی اطلاعات خوفناک تھیں ،آئی بی نے ظہیرالاسلام کی سازش پر پانی ... مزید
-
خطے میں امن چاہتے ہیں لیکن سلامتی کی قیمت پر نہیں،ممنون حسین، بھارت سمیت تمام پڑوسی ممالک کے ساتھ اچھے تعلقات کے خواہاں ہیں، دہشت گردی کے خلاف جنگ میں پوری قوم پاک فوج کے ساتھ کندھے سے کندھا ملا کر ... مزید
-
پاکستان بھر میں 69 واں یوم آزاد انتہائی جوش و خروش سے منایا گیا،نماز فجر کے ملک کی ترقی اور استحکام کیلئے خصوصی دعائیں ،شہداء کیلئے قرآن خوانی کا اہتمام کیا گیا،واہگہ بارڈر پر قومی پرچم اتارنے کی ... مزید
-
پشاور سکول میں پھولوں کو مسلنے والوں کے کیفر کردارتک پہنچے پر خوشی ہوئی؛وزیر اعظم نواز شریف ، مجرمانہ اور منافقانہ کارروائیوں کا پاکستان سے عنقریب خاتمہ ہوگا اور باہمی تعاون سے ملکی وسائل حل کرنے ... مزید
-
پاکستانی سرمایہ کار سن لیں! توانائی منصوبوں میں سرمایہ کاری نہ کرنے پر قوم تمہاری یہ دولت چھین لے گی، وزیراعلیٰ،2017 تک پاکستان میں وافر بجلی ہوگی، لوڈشیڈنگ بے معنی ہو جائے گی:شہبازشریف،قصور واقعہ ... مزید
-
تحریک انصاف میں آمریت نہیں قبضہ گروپ ہے ،جسٹس وجیہہ الدین،قبضہ گروپ نے پارٹی کو ٹیک اوور کرلیا ہے،کارکنوں کو قیادت تک رسائی نہیں ،ناراض رہنما تحریک انصاف کا پریس کانفرنس سے خطاب
-
رواں مالی سال ملکی زرمبادلہ کے ذخائر 20 ارب ڈالرتک پہنچ جائیں گے؛وزیر خزانہ اسحاق ڈار ،بے نظیر انکم سپورٹ پروگرام کے تحت سالانہ امداد بارہ ہزار سے اٹھارہ ہزار روپے تک بڑھا دی گئی؛ بے نظیر انکم سپورٹ ... مزید
-
یوم آزادی کے موقع پر بھارتی فوج کی نیزہ پیر سیکٹر میں بلااشتعال گولہ باری و فائرنگ، ایک خاتون شہید، تین افراد شدید زخمی ،پاک فوج کی بھرپور جوابی کارروائی
-
پاکستان کا سمجھوتہ ایکسپریس کے مرکزی ملزم کی رہائی پر بھارت سے شدید احتجاج ، بھارتی ڈپٹی ہائی کمشنر دفتر خارجہ طلب ، ملزمان کیخلاف کارروائی عمل میں نہ لانے پر شدید تشویش کا اظہار
-
گزشتہ سال بڑی کامیابیوں نے قوم کا سر فخر سے بلند کردیا، آج پاکستان کے تمام علاقوں میں قومی پرچم لہرا رہا ہے؛وزیر اطلاعات پرویز رشید
-
شایدایم کیوایم نے کراچی میں امن قائم ہونے پراستعفے دیئے ،ریحام خان،یہ بات سمجھ سے بالاترہے کہ ایم کیوایم نے استعفے کیوں دیئے؟،بیان
-
دھرنے میں کسی سازش میں تحریک انصاف یاکوئی اورملوث ہوتواسے سزادی جائے ،اسد عمر،دھرنوں میں کئی غلطیاں ہوئیں، سول نافرمانی کی کال درست نہیں تھی ،رہنما پی ٹی آئی کی نجی ٹی وی سے گفتگو
-
عراقی حکومت خفیہ حراستی مراکز بند کرے، اقوام متحدہ
-
آسٹریا کے سب سے بڑے مہاجر کیمپ کی صورتحال ناگفتہ بہ ہے، ایمنسٹی
-
جنوبی سوڈان : امن بات چیت روک دی گئی
-
برازیل : تین گھنٹوں میں سترہ افراد قتل
-
سعودی فوج نے حوثیوں کے سرحد پار حملوں کا توڑ کر لیا
-
کویت میں تین دہشت گرد گرفتار، بھاری مقدار میں اسلحہ برآمد
-
لیبیا میں داعش کے گڑھ میں 100 افراد ہلاک، رپورٹ
-
فضائی آلودگی کے سبب چین میں روزانہ چار ہزار افراد ہلاک ہوتے ہیں، اسٹڈی
-
امریکہ نے پیرس کے میوزیم سے 14 قبل چوری ہونے والی پِکاسو کی آئل پینٹنگ فرانس کو واپس کر دی
-
پیراگوائے ، ریپ کا شکار ایک 11 سالہ لڑکی نے استقاطِ حمل کی اجازت نہ ملنے کے بعد ایک بچی کو جنم دیدیا
-
راولپنڈی،شمس آبادمیں پٹرول پمپ پرآتشزدگی ، 4افرادجھلس کرجاں بحق،4گاڑیاں اور2موٹرسائیکلیں بھی تباہ ہوگئیں
-
تربت،کالعدم تنظیموں کے 42فراریوں نے ہتھیارڈال کرپاکستان سے وفاداری کاحلف اٹھالیا
-
مسلم لیگ (ن) کے پنجاب اسمبلی کے ٹکٹ ہولڈر سید فیصل شاہ سمیت 23سابق ناظمین اورکونسلرزکا تحر یک انصاف میں شمولیت کا اعلان، پوری قوم افواج پاکستان کو سلام پیش کرتی ہے اور دہشت گردی کے خلاف جنگ میں انکے ... مزید
-
حقیقی آزادی کیلئے ظلم پر مبنی نظام کا خاتمہ ناگزیر ہے‘ ڈاکٹر طاہر القادری ،عوامی تحریک کی طرف سے یوم آزادی اور انقلاب مارچ کی پہلی سالگرہ پر کیک کاٹے گئے ،انقلاب مارچ کی سالگرہ کا کیک شہیدہ تنزیلہ ... مزید
-
کراچی آپریشن کے نتیجے میں شہریوں کو امن میسر ہے ،رینجرز،یوم آزادی پر سخت سیکورٹی کے باعث عوام بے خوف ہوکر گھروں سے نکلے اور پر امن طریقے سے آزادی کا جشن منایا،ترجمان
-
اسلام آباد ،وزیر داخلہ چوہدری نثار کا کراچی میں نادرا دفاتر سے متعلق عوامی شکایات اور بے ضابطگیوں کا سخت نوٹس ،ڈی جی نادرا سندھ کو کراچی بھر میں قائم دفاتر کا فوری دورہ اور عوامی مشکلات کا فوری ازالہ ... مزید
-
وفاقی وزراء اور سیاسی رہنماء پر ممکنہ حملے کی خبروں بے بنیاد اور من گھڑت ہیں ،وزارت داخلہ
-
اسلام آباد،وزیر خزانہ اسحاق ڈار کی مولانا فضل الرحمان سے انکے گھر میں ملاقات ،ملاقات میں ملک کی سیاسی صورت حال خصوصاً ایم کیو ایم کے استعفوں سے درپیش حالات کا تفصیلی جائزہ لیا
-
کوئٹہ،نامعلوم مسلح افراد کا پولیس وین پرحملہ ،ایس ایچ او سمیت 3اہلکارجاں بحق ،تین زخمی جبکہ پانچ اہلکارلاپتہ
-
اسلام آباد ،نامزد چیف جسٹس جواد ایس خواجہ نے اگلے ہفتے لاپتہ افراد کے مقدمے کو بھی کازلسٹ کا حصہ بنادیا
-
”بجلی نہیں ، گیس نہیں اے پیارے وطن تجھے سلام “، نوجوان لڑکی نے اپنی قمیض پر انوکھا نعرہ لکھوا کر ایکسپریس وے پر اپنے پیچھے سینکڑوں گاڑیوں و موٹر سائیکل سواروں کی لائنیں لگوادیں
-
بنوں،چیک پوسٹ پر دہشت گردوں کا حملہ، جوابی کارروائی میں8 ہلاک ہوگئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.