بھارت میں غیر معینہ مدت تک رہنے کی اجازت ملنے پر پاکستانی عوام خوش نہیں ،میرے پتلے جلا رہے ہیں،عدنا ن سمیع ،میں بہت خوش ہوں کہ آخر کار میں نے اپنا گھر تلاش کرلیا ہے،بھارتی حکومت کا شکریہ ادا کرتا ہوں،فی الوقت میرا تعلق کسی بھی ملک سے نہیں کیوں کہ میری پاکستانی شہریت ختم کی جاچکی ہے،انٹر و یو
ممبئی (اُردو پوائنٹ اخبارآن لائن۔9 اگست۔2015ء)گلوکار عدنان سمیع نے کہا ہے کہ انھیں بھارت میں غیر معینہ مدت تک رہنے کی اجازت ملنے پر پاکستانی عوام خوش نہیں یں اور وہ ان کے پتلے جلا رہے ہیں۔بھارتی میڈیا کے مطابق عدنان سمیع،جنھیں حال ہی ہندوستان میں انسانی ہمدردی کی بناء پر غیر معینہ مدت تک رہنے کی اجازت ملی ہے، کا کہنا ہے کہ "میں بہت خوش ہوں کہ آخر کار میں نے اپنا گھر تلاش کرلیا ہے". بھارتی میڈیا رپورٹ کے مطابق عدنان نے اپنی درخواست پر غور کرنے پر بھارتی حکومت کا شکریہ ادا کیا ہے، ساتھ ہی ان کا کہنا ہے کہ وہ اس بات کے منتظر ہیں کہ کب حکومت انھیں اس ملک کی مستقل شہریت دے گی. "فی الوقت میرا تعلق کسی بھی ملک سے نہیں ہے کیوں کہ میری پاکستانی شہریت ختم کی جاچکی ہے".عدنان سمیع کا مزید کہنا تھا کہ ہندوستان میں ملنے والی محبت، خلوص اور گرم جوشی کی ہی وجہ سے انھوں نے اس ملک کا انتخاب کیا اور پوری دنیا میں لوگ انھیں ہندوستانی آرٹسٹ کے طور پر جانتے ہیں."میں کسی اور ملک بھی جاسکتا تھا جہاں مجھے شہریت حاصل کرنے کے لیے اتنے مسائل کا سامنا نہیں کرنا پڑتا لیکن میرا دل ہمیشہ سے ہندوستان میں ہی رہا ہے". 1969 میں لندن میں پیدا ہونے والے عدنان سمیع پاکستانی سفارت کار ارشد سمیع اور ہندوستانی نژاد نورین خان کے بیٹے ہیں۔
(جاری ہے)
مزید متعلقہ خبریں پڑھئیے :
