سندھ اور پنجاب میں بلدیاتی انتخابات کا شیڈول مؤخر ، دوبارہ اجراء سپریم کورٹ کے فیصلے سے مشروط ،سپریم کورٹ بلدیاتی انتخابات کے سلسلے میں آج سماعت کرے گی،الیکشن کمیشن کا اعلامیہ
اسلام آباد(اُردو پوائنٹ اخبارآن لائن۔29 جولائی۔2015ء)الیکشن کمیشن آف پاکستان نے سندھ اور پنجاب میں بلدیاتی انتخابات کا شیڈول مؤخر کرتے ہوئے اس کا دوبارہ اجراء سپریم کورٹ کے فیصلے سے مشروط کردیا ہے،سپریم کورٹ بلدیاتی انتخابات کے سلسلے میں آج (بدھ کو )سماعت کرے گی،الیکشن کمیشن سے جاری ہونے والے اعلامیے کے مطابق دونوں صوبوں میں سپریم کورٹ نے 20ستمبر کو بلدیاتی انتخابات کرانے کے احکامات جاری کئے تھے اور اس سلسلے میں28جولائی کو الیکشن کا شیڈول جاری کرنے کا حکم دیا تھا تاہم دونوں صوبوں نے بلدیاتی انتخابات کے سلسلے میں موجودہ سیلاب کی صورتحال اور جج سیزن کے باعث انتخابات ستمبر میں کرانے سے معذوری ظاہر کی تھی اور اس سلسلے میں سپریم کورٹ سے بھی رجوع کیا ہے،پنجاب کے سینئر وزیر رانا ثناء اللہ نے کہا ہے کہ حکومت پنجاب20ستمبر کو الیکشن کرانے کیلئے تیار ہے،چونکہ اس سلسلے میں الیکشن کمیشن نے سپریم کورٹ سے رجوع کیا ہے اور سیلابی صورتحال کے پیش نظر انتخابات آگے بڑھانے کی استدعا کی ہے۔
(جاری ہے)
مزید متعلقہ خبریں پڑھئیے :
