آرمی چیف کا پاک افغان بارڈر پر اگلے مورچوں کا دورہ ،جوانوں اور افسروں کو گلے لگایا،جنرل راحیل شریف کا دہشت گردوں کے خلاف کارروائیوں پر اطمینان کا اظہار ، افسروں اور جوانوں پیشہ ورانہ عزم کو خراج تحسین پیش کیا،باڑہ میں قائم اصلاحی مرکز کا دورہ کیا،قبائلی عمائدین سے ملاقات،تعاون کو سراہا ،آئی ایس پی آر،دہشت گردوں کی کمر توڑ دی ،دوبارہ پاؤں جمانے نہیں دینگے،پوری قوم کے تعاون سے جنگ جیتیں گے، سہولت کاروں اور مالی معاونوں کو انصاف کے کٹہرے میں لائیں گے،آرمی چیف کا جوانوں سے خطاب
راولپنڈی(اُردو پوائنٹ اخبارآن لائن۔20 جون۔2015ء)آرمی چیف جنرل راحیل شریف نے کہا ہے کہ دہشت گردوں کی کمر توڑ دی گئی ہے، پوری قوم کے تعاون سے دہشت گردی کیخلاف جنگ میں کامیابی حاصل کریں گے،دہشت گردوں کے سہولت کاروں اور مالی معاونوں کو انصاف کے کٹہرے میں لائیں گے۔آئی ایس پی آر کے ترجمان عاصم سلیم باجوہ کے مطابق آرمی چیف دورہ روس مکمل کر کے وطن واپس پہنچے اور فوراً خیبر ایجنسی کا دورہ کیا ہے اور پورا دن جوانوں کے ساتھ گزارا ہے ،آرمی چیف نے سب سے پہلے پاک افغان بارڈر کے قریب باورد کے علاقے کا دورہ کیا اورافسروں اور جوانوں کے حوصلے بلند رکھنے کیلئے اگلے مورچوں کا دورہ کیا اور جوانوں کو گلے لگایا ،آرمی چیف کو پاک افغان بارڈر پر دہشت گردوں کے خلاف آپریشن اورکامیبوں بارے تفصیلی بریفنگ دی گئی ،آرمی چیف نے دہشت گردوں کے خلاف کارروائیوں پر اطمینان کا اظہار کیا ۔
(جاری ہے)
مزید متعلقہ خبریں پڑھئیے :
متعلقہ عنوان :
