فوجی ٹرائل کی تفصیلات،سپریم کورٹ نے اٹارنی جنرل کو مزید مہلت دیدی، کوئی کیسے کہہ سکتا ہے کہ میرا فیصلہ ضمیر کے مطابق نہیں تھا، چیف جسٹس، فیصلہ کرنے والے کئی پارٹی سربراہ ارکان پارلیمنٹ بننے کے اہل ہی نہیں ہیں،جسٹس جواد ایس خواجہ، 63اے کے ڈرسے ارکان پارلیمنٹ نے پارٹی قیاد ت کے فیصلے کوتسلیم کیا،جسٹس آصف سعید ، سندھ ہائی کورٹ بار کے وکیل کے دلائل مکمل،آج عاصمہ جہانگیر دلائل دیں گی
اسلام آباد(اُردو پوائنٹ اخبارآن لائن۔18 جون۔2015ء )سپریم کورٹ نے فوجی عدالتوں کے خلاف مقدمے میں سپریم کورٹ نے اٹارنی جنرل پاکستان کوسزایافتہ افراد کے فوجی ٹرائل کی تفصیلات جمع کروانے کے لیے مزید مہلت دے دی ،اٹارنی جنرل بدھ کوریکارڈجمع کروانے میں کامیاب نہ ہوسکے،عدالت نے اٹارنی جنرلسے پوچھا کہ پارلیمنٹ نے اکیسویں ترمیم کی منظوری کتنی اکثریت سے دی ،چیف جسٹس ناصرالملک نے کہاہے کہ کوئی کیسے کہہ سکتا ہے کہ میرا فیصلہ ضمیر کے مطابق نہیں تھاجبکہ جسٹس جواد ایس خواجہ نے ریمارکس دیے کہ یہ سنجیدہ معاملہ ہے فیصلہ کرنے والے کئی پارٹی سربراہ ایسے بھی ہی جو ارکان پارلیمنٹ بننے کے اہل ہی نہیں ہیں ، جسٹس آصف سعید خان کھوسہ نے ریمارکس دیے ہیں کہ 63اے کے ڈرسے ارکان پارلیمنٹ نے پارٹی قیاد ت کے فیصلے کوتسلیم کیاحالانکہ چارایسی سیاسی جماعتیں ہیں کہ جن پارٹی قیادت تواسمبلی میں موجود نہیں لیکن ترمیم میں انھوں نے بھی ساتھ دیا،کسی کے دل ودماغ میں کیاہے اس کاہم کیسے جان سکتے ہیں جسٹس ثاقب نثا نے کہا ہے کہ یہ فیصلہ عدالت نے کرنا ہے کہ آئین کا بنیادی ڈھانچہ ہے کہ نہیں اگر مان لیا جائے کہ آئین کا بنیادی ڈھانچہ ہے تو پھر راستے کھلے ہیں،انھوں نے یہ ریمارکس بدھ کے روزدیے ہیں چیف جسٹس کی سربراہی میں سترہ رکنی فل کورٹ بنچ نے کیس کی سماعت کی ۔
(جاری ہے)
مزید متعلقہ خبریں پڑھئیے :
متعلقہ عنوان :
