ملتان میں ناراض شائقین کرکٹ نے قومی ٹیم کا علامتی جنازہ نکال ڈالا،مشتعل شائقین ..
بند کریں
تازہ ترین ایڈ یشن کے لیے ابھی کلک کریں
اتوار فروری

ملتان

تلاش کیجئے

ملتان میں ناراض شائقین کرکٹ نے قومی ٹیم کا علامتی جنازہ نکال ڈالا،مشتعل شائقین نے کرکٹ کا علامتی جنازہ نکالتے ہوئے سینئیر کھلاڑیوں اور پی سی بی حکام کے خلاف نعرے بازی کی، سابق کرکٹرز نے بیٹنگ ، باؤلنگ اور فیلڈنگ میں ناقص کارکردگی اور پی سی بی کی غلط فہمیوں کو ذمہ دار ٹھہرا دیا

ملتان(اُردو پوائنٹ اخبارآن لائن۔ 22فروری۔2015ء) ورلڈ کپ میں قومی کرکٹ ٹیم کی عبرتناک شکست پر دل گرفتہ شائقین نے کرکٹ کا علامتی جنازہ نکالا اور نجم سیٹھی کا پتلا نذر آتش کرکے اپنی بھڑاس نکالی۔ملتان کے علاقے فاروق آباد میں شائقین نے کرکٹ کا علامتی جنازہ نکالتے ہوئے سینئیر کھلاڑیوں اور پی سی بی حکام کے خلاف نعرے بازی کی، انہوں نے کہا کہ ملک کے لاکھوں شائقین نے رات جاگ کر اس امید پر میچ دیکھا کہ ٹیم بھارت سے ہار کے بعد جیت کے سفر پر گامزن ہوکر قوم کو فتح کا تحفہ دے گی لیکن کوئی بھی کھلاڑی توقعات پر پورا نہ اترا۔

اس موقع پر مشتعل افراد نے پی سی بی کی گورنگ باڈی کے سربراہ نجم سیٹھی کا پتلا بھی نذر آتش کیا۔ پاکستان کی شکست پر سابق کپتان عامر سہیل نے پی سی بی کو آڑے ہاتھوں لیا۔ بورڈ میں موجود کئی مستقل چہروں کو عامر سہیل نے کمیشن مافیا قرار دے دیا، میڈیا رپورٹس کے مطابق پاکستان کرکٹ ٹیم کی بدترین کارکردگی پر سابق کرکٹر عامر سہیل کا کہنا تھا کہ پاکستان کرکٹ بورڈ میں آپریشن کلین اپ کی ضرورت ہے، جو ڈسپلن کی خلاف ورزی کرے اسے باہر نکال دیا جائے، انہوں نے کہا کہ ٹیم میں کوئی چیک اینڈ بیلنس نہیں، ٹیم بڑے ناموں سے نہیں جیتتی، پی سی بی کو مافیا چلا رہا ہے۔

ان کا کہنا تھا کہ جب تک مافیا ہے پاکستانی عوام آنسو بہاتے رہیں گے، پی سی بی میں کمیشن کھانے والوں کا قبضہ ہے، 18سال سے پی سی بی پر مافیا کا قبضہ ہے، انتخاب عالم،سبحان احمد ، ہارون رشید بورڈ میں کمیشن کھاتے ہیں، انہوں نے وزیراعظم میاں محمد نواز شریف سے اپیل کرتے ہوئے کہا کہ وزیراعظم نواز شریف کرکٹ بورڈسے گند صاف کریں۔ سابق کرکٹرز نے ورلڈ کپ میں ویسٹ انڈیز کے ہاتھوں پاکستان کی بری طرح شکست کو بیٹنگ ، باؤلنگ اور فیلڈنگ میں ناقص کارکردگی اور پی سی بی کی غلط فہمیوں کو ذمہ دار ٹھہرا دیا جبک ٹیم میں گروپ بندی اور تنازعات بھی ٹیم کی کارکردگی پر اثر انداز ہورہے ہیں ۔



اس خبر کی تفصیل پڑھنے کیلئے یہاں پر کلک کیجئے

22-02-2015 :تاریخ اشاعت

:متعلقہ عنوان