شہبازشریف سے مختلف اضلاع سے تعلق رکھنے والے اراکین قومی و صوبائی اسمبلی کی ملاقات،قومی معیشت کو مضبوط بنیادوں پر استوار کرنے کیلئے دہشت گردی کا خاتمہ ناگزیرہے،وزیراعلیٰ پنجاب
لاہور(اُردو پوائنٹ اخبارآن لائن۔ 21فروری۔2015ء) وزیراعلیٰ پنجاب محمد شہبازشریف نے کہا ہے کہ دہشت گردی ،انتہا پسندی اور فرقہ واریت ملک کے امن اور ترقی کیلئے زہر قاتل ہے-قومی معیشت کو مضبوط بنیادوں پر استوار کرنے کیلئے دہشت گردی کا خاتمہ ناگزیرہے-انہوں نے کہا کہ سفاک درندوں نے بے گناہ پاکستانیوں کا خون بہایا ہے-چھپ کر وار کرنے والے بزدل دشمن کا عبرتناک انجام قریب ہے-دہشت گردی کے عفریت سے چھٹکارے کیلئے نیشنل ایکشن پلان پر پوری طرح عملدرآمد کیاجارہاہے-وزیراعلیٰ نے کہا کہ نیشنل ایکشن پلان پر موثر عملدرآمد سے ہی پاکستان کی دھرتی دہشت گردی کی لعنت سے پاک ہوگی-نیشنل ایکشن پلان ملک سے دہشت گردی کے خاتمہ کے قومی عزم کا عکاس ہے-پاکستان کے 18کروڑ بہادر عوام دہشت گردی کے خاتمہ کیلئے پرعزم ہیں-وہ آج یہاں مختلف اضلاع سے تعلق رکھنے والے اراکین اسمبلی سے گفتگو کررہے تھے۔
(جاری ہے)
مزید متعلقہ خبریں پڑھئیے :
متعلقہ عنوان :
