ایئر ایشیا پرواز کا ’ڈھانچہ نظر‘ آ گیا ہے: حکام
بند کریں
تازہ ترین ایڈ یشن کے لیے ابھی کلک کریں
جمعرات جنوری

تلاش کیجئے

ایئر ایشیا پرواز کا ’ڈھانچہ نظر‘ آ گیا ہے: حکام

سنگاپور (اُردو پوائنٹ اخبارآن لائن۔15جنوری۔2015ء ) حادثے کا شکار ایئر ایشیا کی پرواز کیو زیڈ 8501 کا ڈھانچہ جاوا سمندر میں نظر آ گیا ہے۔سنگا پور کے وزیرِ دفاع اینگ ہین نے اپنے فیس بک پر حادثے کا شکار ایئر ایشیا کی پرواز کی تصاویر کو پوسٹ کیا ہے۔انھوں نے کہا کہ یہ تصاویر اس بات کی تصدیق کرتی ہیں کہ یہ ایئر ایشیا کی پرواز کیو زیڈ 8501 ہی کی ہیں۔انڈونیشیا کی سرچ اینڈ ریسکیو ایجنسی کے سربراہ کا کہنا ہے کہ انھیں شبہ ہے کہ جاوا سمندر میں نظر آنے والا ڈھانچہ ایئر ایشیا کی پرواز کیو زیڈ 8501 کا ہی ہے تاہم وہ اس کی تصدیق کا انتظار کر رہے ہیں۔

ایئر ایشیا کا یہ جہاز جس پر 162 افراد سوار تھے، گذشتہ ماہ 28 دسمبر کو انڈونیشیا کے شہر سورابایا سے سنگاپور جاتے ہوئے خراب موسم میں گر گیا تھا۔اگرچہ حادثے کا شکار طیارے سے درجنوں لاشیں مل چکی ہیں تاہم یہ خیال ظاہر کیا جا رہا ہے کہ اس میں ابھی بھی متعدد مسافروں اور عملے کے ارکان موجود ہیں اور اسی لیے اس کا ڈھانچہ ملنے کو اہم پیش رفت قرار دیا جا رہا ہے۔

15-01-2015 :تاریخ اشاعت