افغانستان میں پاکستانی طالبان کے لیے رمین تنگ ، امریکی ڈرون کے ساتھ ساتھ مقامی لوگوں کے حملے بھی شروع ہو گئے، صوبائی گورنر

ہفتہ 6 دسمبر 2014 07:09

کابل(اُردو پوائنٹ اخبارآن لائن۔6دسمبر۔2014ء) افغان صوبے کنڑ کے گورنر نے کہا ہے کہ ایک ضلع میں مقامی لوگوں نے فوج اور پولیس کی مدد سے پاکستان طالبان کو اپنے علاقے سے باہر دھکیلنے کے سلسلے کو شروع کر دیا ہے۔ پاکستانی طالبان کو امریکی ڈرون حملوں کا بھی سامنا ہے۔ افغانستان میں پناہ لینے والے پاکستانی طالبان کے مقامی قبائلیوں کے ساتھ تعلقات مسلسل خراب ہوتے جا رہے ہیں۔

اِس مسئلے کو بھی افغان فورسز موٴثر انداز میں استعمال کر رہی ہیں۔ افغان سکیورٹی حلقے تواتر سے خراب ہوتے تعلقات کو ہوا بھی دے رہے ہیں۔ بی بی سی کے مطابق گورنر شجاع اْلمْلک جلالہ کا کہنا ہے کہ اْن کے صوبے کے ایک ضلع دانگام میں گیارہ بارہ روز قبل مقامی افراد نے پاکستانی طالبان کے خلاف عملی اقدام کرتے ہوئے ایک طرح کی بغاوت پیدا کر دی۔

(جاری ہے)

گورنر شجاع اْلمْلک جلالہ کا مزید کہنا تھا کہ دانگام کے قریبی دیہات کے باسیوں کو افغان پولیس اور فوج کی حمایت بھی حاصل ہے اور انہوں نے پاکستانی طالبان کو علاقے سے باہر نکال دینے کے عمل کا آغاز کیا ہے۔ پاکستانی طالبان کو اپنے ملک میں فوج کے شروع کردہ آپریشن ضربِ عضب کا بھی سامنا ہے،گورنر کے مطابق دیہاتیوں نے شکایت کی ہے کہ انہیں پاکستانی طالبان کی جانب سے خطرات کا سامنا تھا اور یہ عسکریت پسند افغان فوج پر بھی حملوں سے گریز نہیں کرتے تھے۔

شجاع اْلمْلک جلالہ کا یہ بھی کہنا تھا کہ مقامی سینئر افراد کا واضح طور پر کہنا ہے کہ اچھے اور بْرے پاکستانی طالبان میں کوئی فرق نہیں ہے اور اسی باعث اِن کو نکال باہر کرنے کی مہم کو شروع کیا گیا ہے۔پاکستانی طالبان کے ایک کمانڈر نے اِس صورت حال کی تصدیق کرتے ہوئے کہا کہ افغان فوج نے چند پاکستانی طالبان کو حراست میں بھی لے لیا ہے۔ عسکریت پسند کمانڈر کے ایک ساتھی کا کہنا تھا کہ ماضی میں افغان فوج اْن علاقوں کو نظر انداز کرتی تھی جہاں انہوں نے ڈیرہ لگایا ہوتا تھا اور وہ انہیں خوراک دینے سے بھی نہیں کتراتے تھے لیکن اب وہ اْن کے لیے مشکلات پیدا کر رہے ہیں۔

دوسری جانب پاکستانی طالبان کو اپنے ملک میں فوج کے شروع کردہ آپریشن ضربِ عضب کا بھی سامنا ہے۔دفاعی امور کے بین الاقوامی میگزین جین کے دہشت گردی اور مزحمت کے شعبے کے سربراہ میتھیو ہین مین کا کہنا ہے کہ گزشتہ ایک دو ماہ کے دوران افغانستان میں امریکی ڈرون حملوں میں اضافہ ریکارڈ کیا گیا ہے۔ کْل 56 ڈرون حملے گئے اور ان میں سے 30 صرف ستمبر میں ہوئے تھے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی ..

جمعرات 25 اپریل 2024 - 22:52

گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت

جمعرات 25 اپریل 2024 - 22:49

مریم نواز کے بعد نوازشریف کی بھی پولیس وردی میں تصویر وائرل

جمعرات 25 اپریل 2024 - 22:39

ایران کے صدر کا دورہ پاکستان بہت بڑی پیشرفت تھی،خواجہ آصف

جمعرات 25 اپریل 2024 - 21:55

مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب

جمعرات 25 اپریل 2024 - 21:46

سپریم کورٹ کا کراچی میں رینجرز ہیڈ کوارٹرزسمیت تمام عمارتوں کے باہر سے رکاوٹیں ہٹانے کا حکم

جمعرات 25 اپریل 2024 - 21:06

افغانستان میں پاکستانی طالبان کے لیے رمین تنگ ، امریکی ڈرون کے ساتھ ساتھ مقامی لوگوں کے حملے بھی شروع ہو گئے، صوبائی گورنر

مزید متعلقہ خبریں پڑھئیے‎ :

متعلقہ عنوان :

ہفتہ 6 دسمبر 2014 کی مزید خبریں