پاکستانی شاہینوں کی شاندار باؤلنگ ، کینگروز پہلی اننگز میں 303رنز بنا کر پویلین لوٹ گئے ،پاکستان نے دوسری اننگز پر جارحانہ آغاز کیا ، بغیر کسی نقصان کے 38رنز بنا کر 189کی برتری حاصل کرلی ، احمد شہزاد 22، اظہر علی 16رنز بنا کر کریز پر موجود ، پاکستان کی پہلے ٹیسٹ میں پوزیشن مضبوط ،پہلا ٹیسٹ میچ جیتنے کا سنہری موقع ، یاسر شاہ 3، راحت علی، ذوالفقار بابر 2,2وکٹیں لے اڑے ، عمران خان اور پروفیسر نے ایک ایک کھلاڑی کو آؤٹ کیا ، آسٹریلیا کی جانب سے ڈیوڈ وانر کی شاندار سنچری ،133رنز بنا کر آؤٹ ہوئے ، پہلے ٹیسٹ میں تیسری سنچری ،پاکستان کی جانب سے یونس خان اور سرفراز نے شاندار سنچریاں سکور کیں ، آسٹریلوی کپتان کلارک صرف 2رنز بنا سکے ، راجرز ،38، مچل جانسن 37اور مچل مارش 27رنز بنا کر نمایاں رہے
دبئی(اُردو پوائنٹ اخبار آن لائن۔24اکتوبر۔2014ء) پاکستان کی عمدہ بولنگ، آسٹریلیا کی پوری ٹیم پہلی اننگز میں 303رنز بنا کر پویلین لوٹ گئی،گرین شرٹس کا دوسری اننگز میں جارحانہ آغاز دن کے اختتام تک بغیر کسی نقصان کے 38رنز بنا کر 189رنز کی برتری حاصل کرلی ، اظہر علی 16اور احمد شہزاد 22رنز بنا کر کریز پر موجود پاکستان کو پہلی اننگز میں 189رنز کی برتری پاکستانی بولرز کی عمدہ بولنگ کے باعث آسٹریلوی کھلاڑی جم کر کھیلنے میں ناکام رہے ہیں،ڈیوڈ وارنر نے جارحانہ بلے بازی کا انداز برقرار رکھا اور سنچری مکمل کی، لیگ اسپنر یاسر شاہ 3وکٹیں لے اڑے ، راحت علی 2،محمد حفیظ 1، عمران خان 1،ذوالفقار بابر نے 2 کھلاڑیوں کو آؤٹ کیا ، ۔
جمعے کو کھیل کے آغاز پر آسٹریلیا کی جانب سے افتتاحی بلے بازوں ڈیوڈ وارنر اور کرس راجرز نے 113 رنز سے اننگز دوبارہ شروع کی اور سکور 128 تک پہنچا دیا۔(جاری ہے)
اس موقع پر فاسٹ بولر راحت علی نے راجرز کو بولڈ کر کے پاکستان کو پہلی کامیابی دلوا دی جنھوں نے 38 رنز بنائے۔راجرز کی جگہ آنے والے ایلکس ڈولن زیادہ پراعتماد نہ دکھائی دیے اور 37 گیندوں پر صرف پانچ رنز بنانے کے بعد راحت علی کی تھرو پر رن آوٴٹ ہوگئے۔
کپتان مائیکل کلارک صرف دو رنز بنا سکے اور ذوالفقار بابر کی گیند پر اظہر علی کے ہاتھوں کیچ ہوگئے۔سمتھ اور وارنر کے درمیان چوتھی وکٹ کے لیے 48 رنز کی شراکت ہوئی جس کا خاتمہ اپنا پہلا ٹیسٹ کھیلنے والے سپنر یاسر شاہ نے کیا۔سمتھ نے 22 رنز بنائے اور وہ ٹیسٹ کرکٹ میں یاسر کی پہلی وکٹ بنے۔آسٹریلیا کی پانچویں وکٹ کھانے کے وقفے کے فوراً بعد گریجب یاسر شاہ نے ہی سنچری بنانے والے ڈیوڈ وارنر کو بولڈ کر دیا۔
کرس راجرز راحت علی کی پہلی وکٹ بنیہیڈن نے جو محتاط انداز سے کھیل رہے تھے ان کو پہلا ٹیسٹ کھیلنے والے عمران خان نے 22 رنز پر بولڈ کیا۔مارش نے محتاط کھیل پیش کیا اور 27 رنز پر ذوالفقار بابر کے ہاتھوں آوٴٹ ہوئے۔133 رنز بنانے والے وارنر نے ٹیسٹ کرکٹ میں اپنی نویں سنچری آٹھ چوکوں اور ایک چھکے کی مدد سے مکمل کی کینگروز کی نویں وکٹ مچل جانسن کی گری جو 37رنز بنا کر راحت علی کا شکار بنے ، آخری آؤٹ ہونے والے کھلاڑی اوکیفی تھے جو 6رنز بنا کر یاسر شاہ کا شکار بنے۔ پاکستان نے دوسری اننگز کا جارحانہ آغاز کرتے ہوئے دن کے اختتام پر بغیر کسی نقصان کے 38رنز بنا کر اظہر علی کے 16اور احمد شہزاد کے 22رنز کی بدولت 189کی برتری حاصل کرکے پوزیشن مضبوط کرلی ۔اس سے قبل میچ کے دوسرے دن پاکستانی ٹیم وکٹ کیپر بلے باز سرفراز احمد کی عمدہ سنچری کی بدولت 454 رنز کے اچھے مجموعے تک پہنچنے میں کامیاب رہی۔سرفراز احمد نے جارحانہ انداز میں کھیلتے ہوئے 80 گیندوں پر اپنی سنچری مکمل کی۔پاکستان کی جانب سے لیگ سپنر یاسر شاہ اور فاسٹ بولر عمران خان اپنا پہلا ٹیسٹ کھیل رہے ہیں جبکہ آسٹریلیا کی جانب سے لیفٹ آرم سپنر سٹیو اوکیف اور بیٹسمین مچل مارش کا یہ پہلا ٹیسٹ ہے۔پاکستان اور آسٹریلیا کے درمیان کھیلے گئے آخری 14 میں سے 13 ٹیسٹ میچ آسٹریلیا نے جیتے ہیں۔آسٹریلوی ٹیم دبئی میں پہلی بار ٹیسٹ میچ کھیل رہی ہے۔ اس سے قبل آسٹریلیا نے پاکستان کے خلاف سنہ 2002 میں شارجہ میں دو ٹیسٹ میچ کھیلے تھے جو اس نے جیتے تھے۔مزید متعلقہ خبریں پڑھئیے :
