ڈاکٹر طاہر القادری کو سیاسی کلب میں شمولیت پر خوش آمدید کہتے ہیں، عمران خان اپنے کزن ڈاکٹر طاہرالقادری کے فیصلے کی پیروی کرتے ہوئے دھرنا ختم کرنے کا اعلان کردیں ،رحمان ملک ،حکومت دھرنے سے پہنچنے والے نقصانات کی تفصیلات سے قوم کو آگاہ کرے،حکومتی رہنماؤں اور وزراء کو اس موقع پر ان پر تنقید کرنے کی بجائے ان کے بڑے دل و حوصلہ اور سیاسی دھرے میں شمولیت پر ان کی حوصلہ افزائی کرنا چاہئے، میڈیا پر پابندی کے خلاف ہیں اگر حکومت کسی پر پابندیاں لگانا چاہتی ہے تو سب پر لگائے امتیازی سلوک نہ کرے،پی ٹی آئی اور عوامی تحریک کے کارکنوں کوفوری رہا کرے ، تھرڈ ایمپائر آصف علی زرداری تھے اگر لاہور نہ جاتے تو حالات کوئی اور رخ اختیار کرسکتے تھے ، سینٹ سے خطاب اور پارلیمنٹ ہاؤس کے باہر میڈیا سے گفتگو
اسلام آباد(اُردو پوائنٹ اخبار آن لائن۔23اکتوبر۔2014ء )سابق وفاقی وزیرداخلہ سینیٹر رحمان ملک نے کہاہے کہ عمران خان اپنے کزن ڈاکٹر طاہرالقادری کے فیصلے کی پیروی کرتے ہوئے دھرنا ختم کرنے کا اعلان کردیں ،حکومت دھرنے سے پہنچنے والے نقصانات کی تفصیلات سے قوم کو آگاہ کرے،ایم کیوایم کو منانے کیلئے الطاف حسین کو کوئی ٹیلی فون نہیں کیا ،تھرڈ ایمپائر آصف علی زرداری تھے اگر وہ لاہور نہ جاتے تو حالات کوئی اور رخ اختیار کرسکتے تھے ،میڈیا پر پابندی کے خلاف ہیں اگر حکومت پابندی لگانا چاہتی ہے تو سب پر لگادے امتیازی سلوک نہ کرے حکومت پی ٹی آئی اور عوامی تحریک کے کارکنوں کوفوری رہا کرے ،بدھ کے روز پارلیمنٹ ہاوس کے باہرمیڈیاسے بات چیت اور بعد ازاں سینیٹ کے اجلاس کے دوران ایوان کے اندر خطاب کرتے ہوئے پاکستان پیپلز پارٹی کے سینئر راہنماء اور سابق وفاقی وزیر داخلہ سینیٹر رحمان ملک نے پاکستان میں موجود ہندؤ برادری کو دیوالی کے تہوار پر مبارکباد دیتے ہوئے حکومت پر زور دیا کہ وہ ملک بھر میں اقلیتوں کے حقوق کے تحفظ کو یقینی بنائے اور ان کا بھر پور خیال رکھتے ہوئے ان کو آسانیاں فراہم کرے۔
(جاری ہے)
انہوں نے کہا کہ سندھ میں ایم کیوایم اور پیپلزپارٹی کا اکٹھا رہنا صوبے اور وفاق کے مفاد میں ہے دونوں جانب کی قیادت سے گزارش ہے کہ وہ ماضی پر مٹی ڈالیں اور آگے بڑھیں ۔
انہوں نے وضاحت کرتے ہوئے کہا کہ میں اس سلسلے میں ایم کیوایم کے قائد الطاف حسین کو ئی کال نہیں کی اگرثابت ہوجائے تو میں استعفٰی دینے کو تیار ہوں ،انہوں نے کہا کہ یہ نہیں ہوسکتا کہ الطاف بھائی کو فون کروں اور وہ میرا فون سننے سے انکار کردیں ۔سینیٹر رحمان ملک نے کہا کہ تھرڈ ایمپائراور کوئی نہیں صرف آصف علی زرداری ہیں اگر وہ لاہور نہ جاتے تو آج حالات کوئی اور رخ اختیارکرچکے ہوتے اور ان سارے حالات کی بہتری کا سارا کریڈٹ بھی آصف علی زرداری کو جاتا ہے،انہوں نے کہا کہ آصف علی زرداری نے ہمیشہ مفاہمت کی سیاست کو فروغ دیا ہے اور ملک کی بقاء بھی مفاہمت میں پوشیدہ ہے ،رحمان ملک نے میڈیاپر پابندی کی مذمت کرتے ہوئے کہا کہ حکومت کسی اگرپابندیاں لگانا چاہتی ہے تو سب پر لگائے امتیازی سلوک نہ کرے ،سینیٹر رحمان ملک نے حکومت سے اپیل کی ہے وہ پاکستان عوامی تحریک اور پی ٹی آئی کے گرفتار ارکان فوری طور پررہا کرے ۔مزید متعلقہ خبریں پڑھئیے :
