آرمی ہاؤس پہنچا توکئی حیرتوں کا سامنا کرنا پڑا،پہلے سیدھامشرف سے ملاقات کرا دی جاتی تھی استعفیٰ طلب کرنے کے روز دفتر جانے نہ دیا اور کہا گیا کہ مہمان خانہ میں بیٹھیں جب صدر فارغ ہوں گے بلا لیں گے،جسٹس افتخارچوہدری، مشرف نے پاؤں کی ٹھوکر سے مہمان خان کا دروازہ کھولا،جنرل کیانی خاموش رہے،میجر جنرل ندیم اعجاز نے واپسی پر کہا ”Sorry Sir مجھے علم ہے یہ کوئی اچھا وقت نہیں“،سابق چیف جسٹس کے اپنی زیرتکمیل کتاب میں انکشافات
اسلام آباد (اُردو پوائنٹ اخبار آن لائن۔29ستمبر۔2014ء)جب آرمی ہاؤس پہنچا توکئی حیرتوں کا سامنا کرنا پڑا۔پہلے صدر مملکت ملاقات کے لئے بلاتے تو سیدھا ملاقات کرا دی جاتی تھی مگر جس روز استعفیٰ طلب کرنے کے لئے بلایا گیا تو دفتر جانے نہ دیا اور کہا گیا کہ مہمان خانہ میں بیٹھیں جب صدر فارغ ہوں گے بلا لیں گے،سابق صدر پرویز مشرف نے پاؤں کی ٹھوکر سے مہمان خان کا دروازہ کھولا۔
سابق آرمی چیف جنرل (ر) پرویز کیانی ملاقات کے دوران خاموش رہے۔میجر جنرل ندیم اعجاز نے واپسی پر میری کار کا دروازہ کھولا اور کہا کہSorry Sir مجھے علم ہے کہ یہ کوئی اچھا وقت نہیں۔یہ انکشافات سابق چیف جسٹس پاکستان افتخار محمد چوہدری کی جانب سے زیر تکمیل کتاب کے پرویز مشرف باب میں کئے گئے ہیں۔باخبر ذرائع کے مطابق زیر تکمیل کتاب میں سابق چیف جسٹس نے اہم انکشافات کئے ہیںان کا کہنا ہے کہ جب سابق صدر پرویز مشرف نے بلایا تو مجھے معلوم نہیں تھا کہ آج کیا ہونے والا ہے ؟کیونکہ میں جب بھی صدر مشرف سے ملنے جاتا تو میری ٹائمنگ ایسی ہوتی تھی کہ جونہی میں دفتر کے قریب پہچتا مجھے صدر صاحب کا سٹاف استقبال کرتا اور پھر مجھے سیدھا دفتر لے جایا جاتا تھا مگر اس روز مجھے حیرت ہوئی کہ مجھے براہ راست دفتر لے جانے کی بجائے مہمان خان میں بٹھایا گیا اور کہا گیا کہ صدر صاحب مصروف ہیں فارغ ہو کر ملاقات کریں گے۔
(جاری ہے)
مزید متعلقہ خبریں پڑھئیے :
متعلقہ عنوان :
