سپریم کورٹ ، عدلیہ مخالف پروگرام چلانے پر نجی ٹی وی کے سی ای او اور اینکر پرسن کو توہین عدالت کے نوٹسز جاری ،وزیراعظم کو طلب کریں گے اور ان سے پوچھیں گے ، پیمرا اتنا غیر موثر کیوں ہے ،جسٹس اعجاز چوہدری کے ریمارکس
اسلام آباد (اُردو پوائنٹ اخبارآن لائن۔10ستمبر۔2014ء) سپریم کورٹ آف پاکستان نے عدلیہ مخالف پروگرام چلانے پر نجی ٹی وی چینل کے سی ای او اور اینکر پرسن کو توہین عدالت کے نوٹسز جاری کردیئے ہیں اور ان سے جواب طلب کیا ہے۔ جسٹس اعجاز چوہدری نے ریمارکس دیتے ہوئے کہا ہے کہ وزیراعظم کو طلب کریں گے اور ان سے پوچھیں گے کہ پیمرا اتنا غیر موثر کیوں ہے قائم مقام چیئرمین کی عمر 64 سال ہے اگلے سال وہ ریٹائر ہوجائیں گے‘ چینل مادر پدر آزاد ہیں یہ پیمرا کا کام تھا کہ وہ عدلیہ مخالف پروگرام ہونے سے روکتے۔
جسٹس اعجاز چوہدری کا مزید کہنا تھا نجی ٹی وی چینل کے تحت چلنے والے پروگرام کا سکرپٹ پڑھا تو پتہ چلا کہ اس میں عدالت کے خلاف توہین آمیز زبان استعمال کی گئی۔ یہ ریمارکس انہوں نے منگل کے روز دیئے ہیں جبکہ جسٹس اعجاز افضل خان کی سربراہی میں جسٹس اعجاز چوہدری اور جسٹس مشیر عالم پر مشتمل تین رکنی بنچ نے سماعت شروع کی تو اس دوران عدالت کے رو برو نجی ٹی وی چینل پر چلائے جانے والے پروگرام کا ٹرانسکرپٹ پیش کیا گیا جس کا کچھ دیر ججوں نے مطالعہ کیا اور بعد ازاں اس پر برہمی کا اظہار کیا۔
(جاری ہے)
مزید متعلقہ خبریں پڑھئیے :
متعلقہ عنوان :
