18سال بعد پاکستان میں میگا ایونٹ منعقد ہورہا ہے، کبڈی ورلڈ کپ کے سیمی فائنلز لاہور میں ہونگے، عثمان انور،یہ پاکستان کیلئے اعزاز ہے،کبڈی ورلڈ کپ کے 5ویں ایڈیشن کے مردوں اور خواتین کے مقابلوں کی میزبانی لاہور کریگا، 1996ء میں کرکٹ ورلڈ کپ کا سیمی فائنل ہوا تھا، مردوں کے مقابلوں میں 10جبکہ خواتیں کے مقابلوں میں 8ممالک حصہ لیں گے، ورلڈ کبڈی لیگ کے سیمی فائنل اور فائنل بھی لاہور میں ہونگے، ڈی جی سپورٹس پنجاب کی گفتگو
لاہور(اُردو پوائنٹ اخبارآن لائن۔3ستمبر۔2014ء) ڈائریکٹر جنرل سپورٹس پنجاب عثمان انور نے کہا ہے کہ کبڈی ورلڈ کپ2014ء کے مردوں و خواتین کے سیمی فائنلز لاہور میں منعقد ہوں گے، کبڈی ورلڈ کپ 5سے 15دسمبر تک ہوگا جبکہ ورلڈ کبڈی لیگ کے سیمی فائنل اور فائنل بھی لاہور میں ہی ہوں گے، یہ سپورٹس بورڈ پنجاب کی بہت بڑی کامیابی ہے،1996کے بعد اب پاکستان میں میگا ایونٹس منعقد ہورہے ہیں، ان خیالات کا اظہار انہوں نے نیشنل ہاکی سٹیڈیم میں صحافیوں سے گفتگو کرتے ہوئے کیا، ڈی جی سپورٹس پنجاب عثمان انور نے کہا کہ کبڈی ورلڈ کپ2014ء کے 5ویں ایڈیشن کا آغاز 5دسمبر2014ء سے ہوگا جس کے مقابلے 15دسمبر تک جاری رہیں گے، ہمارے لئے خوشی کی بات ہے کہ کبڈی ورلڈ کپ کے مردوں اور خواتین کے سیمی فائنلز لاہور میں ہوں گے، یہ پاکستان کیلئے بھی اعزاز کی بات ہے کہ میگا ایونٹ کی میزبانی اس کے حصہ میں آئی ہے، انہوں نے بتایا کہ بھارتی پنجاب کے ڈپٹی وزیراعلیٰ سکھبیر سنگھ بادل نے یہ فیصلہ سپورٹس بورڈ پنجاب کی درخواست پر کیا ہے، ڈی جی سپورٹس پنجاب عثمان انور نے بتایا کہ کبڈی ورلڈ کپ میں مردوں کے مقابلوں میں 10ممالک کی ٹیمیں حصہ لیں گی، جن میں پاکستان، بھارت، ارجنٹائن، امریکہ، برطانیہ، سکاٹ لینڈ، کینیڈا، سرے لیون، سپین اور ڈنمارک شامل ہیں،جبکہ خواتین کے مقابلوں میں 8ممالک کی ٹیمیں حصہ لیں گی، ان میں پاکستان، بھارت، نیوزی لینڈ، کینیا، برطانیہ، ملائیشیا، ڈنمارک اور میکسیکو شامل ہیں۔
(جاری ہے)
مزید متعلقہ خبریں پڑھئیے :
