اسلام آباد میں سیاسی تھیٹر سے پاکستان پر بیرونی سرمایہ کاروں کا اعتماد خراب ہوا ہے جسے بحال کرنے میں حکومت کو ایک عرصہ د رکار ہوگا، خرم دستگیر خان ، عمران خان مسلم لیگ ن کی قیادت بارے ٹیکس نہ دینے کی فرضی کہانیاں پھیلاتے تھے آج پوری قوم کو سول نافرمانی اور ٹیکس ادا نہ کرنے کی ترغیب دے رہے ہیں جس سے ملک کا بے تحاشہ نقصان ہو رہا ہے،چند ہزار کا مجمع اکٹھا کر کے وزیر اعظم کو استعفے پر مجبور نہیں کیا جاسکتا ،جائز مطالبات تسلیم کر لینے کے باوجود دھرنے والوں کی ضد اور ہٹ دھرمی سے ثابت ہو گیا دھرنے والوں کا مقصد انتخابی اصلاحات نہیں بلکہ منتخب حکومت کو گرانا تھا، بیان
اسلام آباد(اُردو پوائنٹ اخبار آن لائن۔31اگست۔2014ء)وفاقی وزیرتجارت انجینئر خرم دستگیر خان نے کہا ہے کہ اسلام آباد میں لگے سیاسی تھیٹر کی وجہ سے پاکستان پر بیرونی سرمایہ کاروں کا اعتماد خراب ہوا ہے جسے بحال کرنے میں حکومت کو ایک عرصہ د رکار ہوگا، تحریک انصاف کے سربراہ جو مسلم لیگ ن کی قیادت کے بارے میں ٹیکس نہ دینے کی فرضی کہانیاں پھیلاتے تھے آج پوری قوم کو سول نافرمانی اور ٹیکس ادا نہ کرنے کی ترغیب دے رہے ہیں جس سے ملک کا بے تحاشہ نقصان ہو رہا ہے،چند ہزار کا مجمع اکٹھا کر کے وزیر اعظم کو استعفے پر مجبور نہیں کیا جاسکتا ،جائز مطالبات تسلیم کر لینے کے باوجود دھرنے والوں کی ضد اور ہٹ دھرمی سے ثابت ہو گیا کہ دھرنے والوں کا مقصد انتخابی اصلاحات نہیں بلکہ منتخب حکومت کو گرانا تھا، معاشی استحکام کے لئے کی جانے والی 14 ما ہ کی حکومتی کاوشوں کو دھرنا سیاست نے 14دن میں شدید نقصان پہنچادیاہے،ڈالر کی قیمت بڑھنے سے ملکی قرضوں میں 350ارب کا اضافہ ہوچکا،سٹاک مارکیٹ میں 450ارب روپے ڈوب گئے۔
(جاری ہے)
لیکن افسوس کی بات یہ ہے کہ ہوس اقتدار میں مبتلا ایک گروہ سے حکومت کی یہ کامیابیاں ہضم نہیں ہو سکیں اور وہ ملکی ترقی کی راہ میں رکاوٹ بن کر حائل ہو گیاعوام نے دیکھ لیا کہ تحریک انصاف کے سربراہ جو مسلم لیگ ن کی قیادت کے بارے میں ٹیکس نہ دینے کی فرضی کہانیاں پھیلاتے تھے آج پوری قوم کو سول نافرمانی اور ٹیکس ادا نہ کرنے کی ترغیب دے رہے ہیں جس سے ملک کا بے تحاشہ نقصان ہو رہا ہے،انہوں نے مزید کہا کہ اسلام آباد میں جاری دھرنا سیاست سے ملک میں جاری توانائی کے منصوبوں کی تکمیل میں شدید رکاوٹ کھڑی ہوگئی ہے اور دھرنے دینے والے اقتدار کی ہوس کو پورا کرنے کے لئے پاکستان کے معاشی مستقبل اور ہماری آنے والی نسلوں کی خوشحالی کے ساتھ گھناؤنا کھیل کھیل رہے ہیں،وفاقی وزیر کا کہنا تھا کہ حکومت کی اب بھی کوشش ہے کہ دھرنا دینے والوں کے ساتھ تما م معاملات خوش اسلوبی سے طے پا جائیں اور دھرنے کے شرکا ء کسی قسم کے نقصان کا سامناکئے بغیرصحیح سلامت اپنے گھروں کو واپس جائیں۔
مزید متعلقہ خبریں پڑھئیے :
متعلقہ عنوان :
