پاکستان کے ساتھ مذاکرات کے آغاز میں کوئی جلدی نہیں ، سشما سوراج ،ہمسائیہ ملک فائرنگ کی آڑ میں دراندازی کو فروغ دے رہا ہے،بھارت پرامن ملک ہے ، خطے میں امن کا ماحول دیکھنا چاہتے ہیں ،بھارتی وزیر خارجہ کی میڈیا سے گفتگو
نئی دہلی(اُردو پوائنٹ اخبار آن لائن۔29 اگست۔2014ء) بھارتی وزیر خارجہ سشما سوراج نے کہا ہے کہ پاکستان کے ساتھ مذاکرات کے آغاز میں کوئی جلدی نہیں ، ہمسائیہ ملک فائرنگ کی آڑ میں دراندازی کو فروغ دے رہا ہے ۔ بھارتی میڈیا کے مطابق صحافیوں سے بات چیت کرتے ہوئے بھارتی وزیر خارجہ نے کہا کہ پاکستان فائرنگ کی آڑ میں دراندازوں کو بھارت کے ایک حصے میں دھکیلنے کی کوششیں کررہا ہے تاہم بھارت بھرپور طریقے سے صورتحال سے نمٹ رہا ہے ۔
(جاری ہے)
انہوں نے کہا کہ پاکستان کے ساتھ بھارت کومذاکرات شروع کرنے کی کوئی جلدی نہیں ۔ انہوں نے کہا کہ پاکستان پر منحصر ہے کہ وہ مذاکرات کیلئے سازگار ماحول فراہم کرے ورنہ دہشتگردی کے ہوتے ہوئے مذاکرات کا سلسلہ دنیا کی آنکھوں میں جھول دھونکنے کے مترادف ہے ۔ انہوں نے کہا کہ بھارت ایک پرامن ملک ہے اور وہ خطے میں امن کا ماحول دیکھنا چاہتا ہے تاہم ہمارا پڑوسی ملک اس قسم کی حرکتیں کررہا ہے کہ تعلقات میں تلخیاں پیدا ہورہی ہیں ۔
مزید متعلقہ خبریں پڑھئیے :
