عمران خان کے مطالبے کے مطابق عدالتی کمیشن کے قیام کے اعلان کے بعد لانگ مارچ اوردھرنوں کا کوئی جواز نہیں ،ٹیکنوکریٹ حکومت کے قیام کے مطالبے سے بلی تھیلے سے باہر آگئی، عمران قادری گٹھ جوڑ بے نقاب ہوگیا ہے:شہبازشریف،عمران خان ضدی بچے کی طرح میں نہ مانوں کی رٹ چھوڑ دیں،قوم کی قسمت سے نہ کھیلیں،کسی کو ملک کے روشن مستقبل کو تاریک نہیں کرنے دیں گے،عمران خان نے وزیراعظم کی عدالتی کمیشن کی پیشکش کو ٹھکرا کر تاریخ کا سب سے بڑا یو ٹرن لیا ہے ،وہ موقف بدلنے اورجھوٹ بولنے کے بادشاہ ہیں،اگر ملک عدم استحکام کا شکار ہوا تو تمام تر ذمہ داری عمران اورقادری پر ہوگی ،تاریخ اور قوم انہیں کبھی معاف نہیں کرے گی،بانیان پاکستان اور شہدا تحریک پاکستان کی روحوں کو تڑپانے سے بچانے کیلئے سول ملٹری ریلیشن شپ انتہائی بہترین ہونا چاہیے،وزیراعلیٰ محمد شہباز شریف کا نجی ٹی وی چینلز کو انٹرویو
جمعرات 14 اگست 2014 08:57
لاہور(اُردو پوائنٹ اخبار آن لائن۔14اگست۔2014ء)وزیراعلیٰ پنجاب محمد شہبازشریف نے کہا ہے کہ وزیراعظم محمد نواز شریف نے وسیع تر قومی مفا د کے پیش نظر انتخابات کی تحقیقات کے حوالے سے سپریم کورٹ کے3 ججوں پر مشتمل کمیشن کے قیام کا اعلان کیا ہے اور آج ہی اس ضمن میں سپریم کورٹ کو کمیشن کی تشکیل کے حوالے سے خط بھی لکھ دیا ہے ۔لانگ مارچ کرنے والوں کا بھی یہی مطالبہ تھاکہ انتخابات کی تحقیقات کے لئے سپریم کورٹ کا کمیشن تشکیل دے جائے ۔
عمران خان نے عدالتی کمیشن بنانے کی پیشکش کو ٹھکرا کر تاریخ کا سب سے بڑا یو ٹرن لیا ہے ۔یوٹرن لینے کے بادشاہ عمران خان کی جانب سے ”ٹیکنوکریٹ حکومت“ کے قیام کے مطالبے سے ان کے ”تھیلے کی بلی“ باہر آگئی ہے ۔آئین اورقانون میں ”ٹیکنوکریٹ حکومت“کی کوئی گنجائش نہیں،ایسی حکومت کے قیام کے مطالبے سے عمران خان کی منفی سوچ اورغیر جمہوری طرز عمل پوری قوم نے دیکھ لیا ہے۔(جاری ہے)
وزیراعلیٰ محمد شہباز شریف نے کہا کہ عمران خان نے قوم سے جھوٹ نہ بولنے کا وعدہ کیا تھا لیکن وہ یو ٹرن لینے اورجھوٹ بولنے کے ریکارڈ قائم کررہے ہیں ۔
انہوں نے اپنے حالیہ ٹی وی انٹرویو میں کہا کہ انہیں چیف جسٹس سپریم کورٹ ناصر الملک پر پورا اعتماد ہے لہذا انتخابات میں دھاندلی کی تحقیقات کے لئے عدالتی کمیشن بنایا جائے اور ایسے ہی ریمارکس انہوں نے سابق چیف جسٹس افتخار چوہدری کے بارے میں بھی دےئے تھے ۔عمران خان کے دوغلے پن کی یہ بھی واضح مثال ہے کہ وہ پاکستان کے امن کو تباہ کرنے والے اور چالیس ہزار معصوم شہریوں اورپاک افواج کے افسروں اورجوانوں کے قاتلوں سے مذاکرات کے حامی ہیں۔لیکن سیاسی معاملے پرعوام کی منتخب حکومت سے بات چیت سے انکاری ہیں ،یہ وہی عمران خان ہیں جنہوں نے کہا تھا کہ افواج پاکستان دہشت گردوں کا مقابلہ کرنے کی صلاحیت نہیں رکھتی لیکن افواج پاکستان نے دہشت گردوں کے خلاف بہادری اورجرات سے کارروائیاں کی ہیں اور بے مثال کامیابیاں حاصل کی ہیں جس پر پوری قوم کو فخر ہے ۔انہوں نے کہا کہ وزیراعظم نے ملک کے مستقبل کو محفوظ کرنے کیلئے عدالتی کمیشن کے قیام کا بہت بڑا قدم اٹھایاہے لیکن لانگ مارچ کرنے والوں نے اسے مسترد کرنے اور ”ٹیکنوکریٹ“ کی غیر آئینی اور غیر قانونی حکومت کے قیام کامطالبے سے ان کی منفی سوچ سامنے آگئی ہے ۔ عمران خان نے چند دن پہلے اعلان کیا تھا کہ وہ پریس کانفرنس کے ذریعے ان لوگوں کے نام بتائیں گے جنہوں نے انتخابات میں دھاندلی کرائی لیکن انہوں نے اس حوالے سے بھی غلط بیانی کی ۔جسٹس رمدے جو انتخابات سے پہلے ریٹائرڈ ہوچکے تھے اورالیکشن سے 6ماہ قبل سرکاری رہائشگاہ بھی خالی کرکے پرائیویٹ گھر شفٹ ہوگئے تھے ۔عمران خان نے بے بنیاد الزام لگاتے ہوئے جسٹس رمدے کی سرکاری رہائش گاہ پر ریٹرننگ افسروں کے کھانے اورسابق چیف جسٹس کے خطاب کے بارے میں جھوٹ بولا۔الیکشن کمیشن کے ممبر جسٹس ریاض کیانی کے بارے میں کہا کہ وہ اتفاق فاوٴنڈری لیگل ایڈوائزر ہیں اس میں کوئی صداقت نہیں بلکہ میں تو زندگی میں کبھی ان سے ملا بھی نہیں ۔اسی طرح انہوں نے یہ دروغ گوئی بھی کی کہ وزیراعظم محمد نواز شریف نے سرکاری خرچ پر عمرہ ادا کیا ہے حالانکہ وزیراعظم نے اپنا اوراہل خانہ کا خرچہ خود اٹھایا ۔انہوں نے ایک اورجھوٹ بولا کہ پنجاب حکومت نے لاہور میٹروبس منصوبے پر 70ارب روپے خرچ کیے ہیں میں چیلنج کرتا ہوں کہ اس منصوبے پر70تو کیا35ارب روپے بھی خرچ ہوئے ہوں تو میں ذمہ داری قبول کرتے ہوئے استعفیٰ دے دوں گا۔میں عمران خان کو دعوت دیتا ہوں کہ وہ اس منصوبے کا جہاں سے مرضی آڈٹ کروالیں ہمیں کوئی اعتراض نہیں حالانکہ تحریک انصاف کی حکومت نے پشاور میں میٹروبس کے منصوبے کی فزیبلٹی تیار کروائی توپشاور کے میٹرومنصوبے کی لاگت 45ارب روپے بنی۔عمران خان کو مشورہ دیتا ہوں کہ وہ قوم کی قسمت سے نہ کھیلیں ،جھوٹ اورغلط بیانی سے قوم کو گمراہ نہ کریں۔ انقلاب مارچ سے ناکام واپس لوٹنے والوں کو ماردینے ،پولیس پر تشدد کرنے اورفرائض ادا کرنے والے پولیس اہلکاروں کے گھروں میں جتھوں کی صورت میں گھس جانے کا حکم دینے والا نام نہاد انقلابی قادری بھی عمران کے ساتھ مل گیا ہے ۔جب کوئی سرعام قتل ،تشدد اورقانون نافذ کرنے والے اداروں کے اہلکاروں پر حملہ آور ہونے کا حکم دے تو ایسے شخص کو کسی صورت عوام کے جان و مال سے کھیلنے کی اجازت نہیں دی جاسکتی۔عوام کے جان و مال کی حفاظت ہماری ذمہ داری ہے اور ہم اپنی یہ ذمہ داری پوری طرح نبھائیں گے اور کسی کوبھی ملک و قوم کی قسمت سے کھیلنے نہیں دیں گے۔انہوں نے کہا کہ تحریک انصاف نے انتخابات کے حوالے سے 59 عذرداریاں جمع کرائی جن میں سے 30پٹیشنز کے فیصلے ہوچکے ہیں۔ایک سوال کے جواب میں انہوں نے کہاکہ ہمارے خاندان میں صرف وزیراعظم محمد نوازشریف ،میں اور میرا بیٹا حمزہ شہباز سیاست میں ہے، میرا دوسرابیٹا سیاست میں نہیں ہے جبکہ عمران خان نے انتخابات میں اپنے خاندان کے افراد میں ٹکٹیں تقسیم کیں۔قبضہ گروپ ،قرضے معاف کرانے والے ان کی پارٹی میں موجود ہیں انہیں اپنی پارٹی کی تطہیر کرنی چاہیے۔
عمران خان کی جماعت کے ایک رہنما ء جہانگیر ترین نے بھی قرضے معاف کرائے ہیں۔ماڈل ٹاوٴن کے واقعہ کے حوالے سے انہوں نے کہا کہ اس واقعہ میں قیمتی انسانی جانوں کے ضیاع پر دلی دکھ اورافسوس ہوا ہے اورغمزدہ خاندانوں سے دلی ہمدردی ہے ۔واقعہ کے فوراً بعد میں نے تمام ضروری اقدامات اٹھائے ۔یقین دلاتا ہوں کہ اس معاملے میں مکمل انصاف ہوگااور انصاف ہوتا ہوا بھی نظر آئے گا۔میں پہلے بھی کہہ چکا ہوں کہ اگر شفاف تحقیقات کے نتیجے میں ثابت ہوجائے کہ میں نے بلواسطہ یا بلا واسطہ گولی چلانے کا حکم دیا تو ذمہ داری قبول کر کے فی الفور مستعفیٰ ہوجاوٴں گا۔انہوں نے کہا کہ اس افسوسناک واقعہ کی آڑ میں نام نہاد انقلابی نے اپنے کارکنوں کو تشدد پر اکسایا،قصاص لینے کے نعرے لگائے جس کے نتیجے میں پولیس اہلکار شہید ہوئے اور سینکڑوں زخمی ہوئے یہ کہاں کا انصاف ہے کہ شکایت کنندہ خود قاضی بن جائے اور فیصلے کرنے لگے۔انہوں نے کہا کہ جب بھی ڈینگی،سیلاب ،زلزلہ یا کوئی اور قدرتی آفت نے ملک کوآگھیرا تو یہ نام نہاد عوام کے مسیحا سیر و سیاحت کیلئے لندن اورکینیڈا کی سرد فضاوٴں میں چلے گئے جبکہ خادم پنجاب عوام کی تکالیف میں دن رات ان کے ساتھ رہا ۔باتیں کرنا آسان اورکام کرنا مشکل ہے۔ دہشت گردی کے خلاف جنگ کے نتیجے میں لاکھوں متاثرہ خاندان خیبر پختونخواہ میں آئے ہیں جہاں عمران خان کی جماعت تحریک انصاف کی حکومت ہے ۔عمران خان کو چاہیے تھا کہ وہ اور ان کی حکومت آئی ڈی پیز کی مدد کرتے ۔پنجاب حکومت متاثرہ خاندانوں میں امدادی اشیاء کے علاوہ 35کروڑ روپے کی نقد مالی امداد تقسیم کرچکی ہے اور35کروڑ روپے کی دوسری قسط اسی ماہ متاثرہ خاندانوں میں تقسیم کردی جائے گی۔وزیراعلیٰ محمد شہبازشریف نے پلڈاٹ کے حالیہ سروے پر تبصرہ کرتے ہوئے کہا کہ سروے کے مطابق ملک کے 63فیصد عوام نے 2013ء کے انتخابات کو صاف اورشفاف قراردیتے ہوئے ان پر بھر پور اعتماد کا اظہارکیا ہے۔
16 جولائی سے16اگست 2014ء تک ہونے والا یہ سروے صرف کسی ایک علاقے پر محیط نہیں بلکہ ملک کے شہروں، دیہاتوں اورقصبوں میں کیا گیاہے ۔عمران خان کو ڈیڑھ سال کے بعدانتخابات میں دھاندلی کا کیسے خیال آیاقوم جاننا چاہتی ہے۔ انہوں نے کہا کہ عمران خان کے انتخابات میں دھاندلی کے شور شرابے اور”ٹیکنوکریٹ حکومت “کے قیام کے غیر آئینی و غیر قانونی مطالبے سے پاکستان کو تباہ کرنے اور جمہوریت کو پٹری سے اتارنے کی سازش عیاں ہوگئی ہے ۔ہم جمہوری نظام، جمہوریت اور اظہار رائے کی آزادی پر یقین رکھتے ہیں لیکن اس کی آڑ میں کسی کو عوام کے جان ومال سے کھیلنے کی اجازت نہیں دی جاسکتی۔آئین اور قانون کے مطابق شہریوں کے جان ومال کی حفاظت کے لئے ہر ضروری قدم اٹھایا جائے گا۔پاکستان کا دوست ملک چین ملک سے اندھیرے دور کرنے کیلئے 10ہزار 400میگاواٹ بجلی کے منصوبے لگانے پر 15ارب ڈالر کی سرمایہ کاری کررہا ہے ۔ملک میں بڑے بڑے ترقیاتی منصوبے تیزی سے مکمل کیے جارہے ہیں۔معاشی و تجارتی سرگرمیوں اوربیرونی سرمایہ کاری کے فروغ کیلئے اقدامات اٹھائے جارہے ہیں ۔ان حالات میں لانگ مارچ اورانقلاب مارچ کا مقصدصرف اور صرف ملک کی ترقی کا راستہ روکنا اوراسے مزید اندھیروں میں دھکیلنا ہی دکھائی دیتا ہے۔اگر انقلاب پاکستان کی ترقی اورخوشحالی کیلئے ہو تو ہم 100فیصد اس کے ساتھ ہیں لیکن اگرلانگ مارچ اورانقلاب مارچ کی آڑ میں ملک کی ترقی کاراستہ روکا جائے تو یہ کسی صورت بھی مناسب اورجائز نہیں ۔ملک کے 18کروڑ باشعور عوام ایسے مارچ کو مسترد کردیں گے۔عدلیہ کی بحالی کے لانگ مارچ کے حوالے سے پوچھے گئے سوال کے جواب میں کہاکہ عدلیہ بحالی کے لانگ مارچ میں وکلاء ،مزدوروں ،سیاسی کارکنوں ،عمران خان کی اپنی جماعت اور معاشرے کے تمام طبقات نے حصہ لیا تھا۔ وہ آزاد عدلیہ کیلئے لانگ مارچ تھا جبکہ عمران اور قادری پاکستان کو تباہ کرنے اورملک کو اندھیروں میں دھکیلنے اورترقیاتی منصوبوں کو تباہ کرنے کے مارچ کررہے ہیں ۔دوست ممالک بھی پاکستان میں افراتفری اور محاذ آرائی سے پریشان ہیں ،ان حالات میں دشمن تو کیا دوست بھی پاکستان میں سرمایہ کاری کیلئے نہیں آئے گا۔عمران خان کہتے ہیں کہ نوازشریف نے عدالتی کمیشن کے قیام میں بہت دیر کردی ہے ،لیکن میں کہتا ہوں کہ قوم کے دکھوں اورمایوسیوں کو خوشیوں میں بدلنے کیلئے آخری لمحہ بھی بڑا قیمتی ہوتا ہے،اس لیے عمران اسے قیمتی جانیں اورقوم پررحم کریں اور صبر سے کام لیں۔
عمران نے قوم کے خلاف سازش کا جو جال بنا ہے ،اس سے دکھائی دیتا ہے کہ وہ قوم کو سزا دیناچاہتے ہیں ۔انہوں نے کہا کہ ملک کو مشکلات سے نکالنے کیلئے وزیراعظم، صدر،وزراء ،فوج ،عدلیہ،اشرافیہ اورمعاشرے کے ہر طبقے کو اپنی ذمہ داری نبھانا ہوگی۔اگر خدانخواستہ غیر ذمہ دارانہ رویوں کی وجہ سے ملک کو خطرات لاحق ہوئے تو سب کی سیاست اورادارے خطرے میں پڑ جائیں گے اورتاریخ معاف نہیں کرے گی۔ایک سوال کے جواب میں انہوں نے کہا کہ پاکستان میں 4مارشل لاز آئے،وطن عزیز دوحصوں میں تقسیم ہوا۔بچے کچھے پاکستان کو مضبوط اورمستحکم بنانے کیلئے ہم سب کو اپنا کردارادا کرنا ہے ۔بانیان پاکستان اور شہدا تحریک پاکستان کی روحوں کو تڑپانے سے بچانے کیلئے سول ملٹری ریلیشن شپ انتہائی بہترین ہونا چاہیے۔ان ریلیشن شپ میں کسی بداعتمادی کا شائبہ تک نہیں ہونا چاہیے۔اہم قومی معاملات میں عسکری و سیاسی قیادت کو ایک صفحے پر ہونا چاہیے اوراسی طرح پاکستان ترقی کرسکتا ہے۔ موجودہ حالات کسی قسم کی محازآرائی کے متحمل نہیں ہوسکتے۔انہوں نے کہا کہ جاوید ہاشمی نے جمہوریت کے استحکام کی بات کی ہے جو ہماری سوچ کی عکاس ہے ۔انہوں نے کہا کہ جمہوریت کے خلاف کوئی سازش کامیاب نہیں ہونے دیں گے ہم بھی یہی کہتے ہیں ۔مشرف کے بارے پوچھے گئے سوال کے جواب میں انہوں نے کہا کہ مشرف کا معاملہ عدالت میں ہے اور میں نے مشرف کے حوالے سے کسی سے کوئی وعدہ نہیں کیا۔امیر جماعت سلامی سراج الحق صورتحال کو بہتر بنانے کے حوالے سے مثبت کردارادا کررہے ہیں ۔انہوں نے کہا کہ قوم اپنا 68واں یوم آزادی منا رہی ہے ۔یوم آزادی کے موقع پر قوم کو فیصلہ کرنا ہے کہ انہیں پاکستان کو مضبوط سے مضبوط تر کرنا ہے یا اسے تباہی کے دہانے تک پہنچانا ہے ۔انہوں نے کہاکہ انشاء اللہ تعالیٰ 14اگست بخیر وخوبی گزرے گااور ہم اسے قائداوراقبال کے تصورات کے مطابق صحیح معنوں میں اسلامی فلاحی ریاست بنائیں گے۔مزید متعلقہ خبریں پڑھئیے :
متعلقہ عنوان :
جمعرات 14 اگست 2014 کی مزید خبریں
-
پاکستان اور سری لنکا کیخلاف دوسرا اور آخری ٹیسٹ آج کولمبو میں کھیلا جائے گا ، دو میچوں کی سیریز میں میزبان ٹیم کو 1-0کی ناقابل شکست برتری حاصل ہے ، اعتماد سے عاری پاکستانی کرکٹ ٹیم کو ٹیسٹ رینکنگ میں ... مزید
-
پاکستان کیخلاف آج کے ٹیسٹ کے ساتھ ہی کرکٹ لیجنڈ مہیلا جے وردھنے کے 17سالہ ٹیسٹ کیریئر کا اختتام ہوجائیگا ، شاندار بیٹنگ اور دلکش اسٹروکس کیلئے عالمی شہرت یافتہ جے وردھنے نے ٹی 20 ورلڈ میں ٹیم کے عالمی ... مزید
-
کچھ عناصر کھوکھلے نعروں سے ملک کو تباہی کی طرف لے جا رہے ہیں ،وزیر اعظم ، بے یقینی کی فضا پیدا کر کے ملک کی معیشت ،سیاسی استحکام،اور علامی ساکھ کو نقصان پہنچانے کی کوشش کی جا رہی ہے،آئین کے تحفظ کو ... مزید
-
صدر ممنون حسین کا14اگست کوجشن آزادی کے موقع پرقیدیوں کیلئے 90روزکی خصوصی رعایت کااعلان،خطرناک جرائم جیسے قتل ،دہشتگردی ،جاسوسی ،بغاوت اورریاست مخالف سرگرمیوں میں ملوث قیدیوں کواس معافی کی رعایت ... مزید
-
وزیراعظم آ ج زیارت ریزیڈنسی کا افتتاح کریں گے،زیارت ریذیڈنسی کے افتتاح پرتمام قومی اورصوبائی قیادت وزیراعظم کے ہمراہ ہوگی
-
اسلام آباد پولیس کسی قسم کی سیاسی مداخلت سے بالاتر ہے،چوہدری نثار،کسی پر تشدد ہجوم کو دھاوا بولنے کی اجازت دے دی گئی تو پھر ہر چند مہینے بعد کوئی اورگروہ آجائے گا،پولیس دربار سے خطاب
-
عوامی تحریک کے انقلاب مارچ کو روکنے کے لیے ماڈل ٹاؤن اور فیصل ٹاؤن کے اردگرد مزید کنٹینرز لگا کر پورے علاقے کو سیل کر دیا گیا
-
انقلاب اور آزادی مارچ میں شرکت سے روکنے کیلئے پاکستان عوامی تحریک اور تحریک انصاف کے کارکنوں کیخلاف پنجاب بھر میں کریک ڈاوٴن جاری
-
حکومت پنجاب نے گلو بٹ کی رہائی کے خلاف سپریم کورٹ میں اپیل دائر کر دی
-
نجم سیٹھی کی جانب سے عمران خان کیخلاف دائر ایک ارب روپے کے ہرجانے کی درخواست کی سماعت23اگست تک ملتوی
-
حکومت پنجاب نے ڈاکٹر طاہر القادری کی سکیورٹی کو ناکافی قرار د یدیا،پنجاب پولیس کی سکیورٹی کی فراہمی کی پیش کش
-
ملک میں ابتر سیاسی صورتحال‘ آزادی و انقلاب مارچ‘ چیف جسٹس آف پاکستان جسٹس ناصرالملک نے تمام ججز کو اسلام آباد پرنسپل سیٹ پر طلب کرلیا‘ 22 اگست کو مختلف مقدمات کی سماعت کیلئے 6 بنچ قائم کردئیے گئے
-
نوشہرہ کے علاقے منی خیل میں موبائل کی مس کال سے بنی والی محبت کا خوب ناک انجام ناجائز تعلقات کا شبہ
-
بھارت نے درمیانے فاصلے تک مار کرنے والے آکاش میزائل کا کامیاب تجربہ کرلیا
-
عراق کے وزیراعظم نوری المالکی نے اقتدار چھوڑنے سے انکار کردیا، میری جگہ حیدر العبادی کی وزارت عظمیٰ کے عہدے کے لیے نامزدگی آئِین کی خلاف وزری ، اس کی کوئی اہمیت نہیں؛نوری المالکی
-
چین حکومت نے ماحولیاتی آلودگی کو کم کرنے کیلئے عوام سے پیدل چلنے اور سائیکلوں پر سفر کرنے کی اپیل کردی
-
نائیجیریا ،ای سی او ڈبلیو اے ایس کا اہلکار ایبولاسے ہلاک
-
شمالی غزہ، اسرائیلی میزائل ناکارہ بناتے ہوئے غیر ملکی صحافی سمیت پانچ افراد ہلاک
-
چینی صنعتی پیداوار میں جولائی میں9.0فیصد اضافہ ریکارڈ کیا گیا،سرکاری اعلان
-
بنگلہ دیش نے گزشتہ ہفتے ڈوبنے والی کشتی کے مالک کو گرفتار کرلیا
-
داعش بدعنوان انتہا پسند گروہ ہے، مفتی اعظم مصر
-
چین ، اہلیہ کے مبینہ ناجائز تعلقات پر چھ لوگوں کو قتل کرنے والے شخص کو عدالت نے سزائے موت سنا دی
-
پارلیمنٹ ہاوٴس کے احاطے میں یوم آزادی کے موقع پرمرکزی تقریب کاانعقاد،وزیر اعظم مہمان خصوصی تھے ،مسلح افواج کے چاک و چوبند دستوں کی مشترکہ آزادی پریڈ،قومی پرچم کو سلامی دی،وزیر اعظم نے گارڈ آف آنر ... مزید
-
پاکستان ہماری رگوں میں لہوکی طرح دوڑتاہے ، اس کی حفاظت کیلئے خون کے آخری قطرے تک بھی نچھاورکردیں گے ،وزیراعظم ،دہشتگردی کے خلاف پرعزم ہیں ،قوم اپنی مسلح افواج کی صلاحیتوں پرمکمل اعتمادرکھتی ہے ... مزید
-
شریف برادران کی بادشاہت ختم اور عوام کو حقیقی آزادی دلا کر رہیں گے،عمران خان، صورتحال کچھ بھی ہو آج صبح 10 بجے آزادی مارچ کیلئے نکلیں گے،لاہور ہائی کورٹ کے فیصلے نے ثابت کردیا ہے کہ پنجاب حکومت غیر ... مزید
-
وفاقی حکومت نے عمران خان کے الزامات کی تحقیقات کے لئے تین رکنی جوڈیشل کمیشن کے قیام کیلئے سپریم کورٹ کو خط لکھ دیا ،کمیشن 90 روز میں تحقیقات مکمل کرے، وفاقی حکومت کا خط مل گیا ہے جو چیف جسٹس آف پاکستان ... مزید
-
حکومت نے آزادی مارچ کو اسلام آباد میں داخلے کی اجازت دیدی، انتظامیہ کو کنٹینرز ہٹانے کا حکم،وزیراعظم کے زیر صدارت مسلم لیگ (ن) کے اہم ترین اجلاس میں پاکستان تحریک انصاف کے آزادی مارچ کو اسلام آباد ... مزید
-
اسلام آباد میں بلا اجازت سیاسی جلسے و مارچ پر پابندی،کسی کو ضلعی انتظامیہ کی اجازت کے بغیر جلسے کی اجازت نہیں دی جائے گی ،وفاقی حکومت ، لانگ و آزادی مارچ یا نام نہاد انقلاب کی آڑ میں ملک کا امن خراب ... مزید
-
لاہور ہائیکورٹ نے تحریک انصاف اور پاکستان عوامی تحریک کو اسلام آباد میں کسی بھی غیر آئینی آزادی مارچ اور انقلاب مارچ یا دھرنے کے انعقاد سے روک دیا ، ملک کی غیر یقینی صورتحال ، ملک میں انتشار اور یوم ... مزید
-
باغی مان گیا،جاویدہاشمی نے لانگ مارچ میں شرکت کااعلان کردیا، عمران خان نے میرے تحفظات دورکردیئے ،اب میں کلیئرہوں ،صدر پی ٹی آئی
-
شہباز شریف اور چوہدری نثار کی آرمی چیف سے ملاقات،موجودہ ملکی سیاسی صورتحال پر تبادلہ خیال
-
صدر مملکت کا وزیراعظم کی ایڈوائس پر 50شخصیات کی مختلف شعبوں میں خدمات کے اعتراف میں انہیں صدارتی تمغہ حُسن کارکردگی دینے کا اعلان،درجنوں شخصیات کو ستارہ جرات،ستارہ امتیاز،تمغہ امتیاز،ستارہ قائداعظم ... مزید
-
عمران خان کے مطالبے کے مطابق عدالتی کمیشن کے قیام کے اعلان کے بعد لانگ مارچ اوردھرنوں کا کوئی جواز نہیں ،ٹیکنوکریٹ حکومت کے قیام کے مطالبے سے بلی تھیلے سے باہر آگئی، عمران قادری گٹھ جوڑ بے نقاب ہوگیا ... مزید
-
ٹیکنو کریٹ حکومت کا مطالبہ کر کے عمران خان نے اپنی جماعت سمیت تمام سیاسی رہنماؤں کے منہ پر طمانچہ رسید کیا ہے،قوم اپنے منتخب نمائندوں پر عدم اعتماد کرنے والے عمران خان پر عدم اعتماد کردے گی،رانا ... مزید
-
احتجاج عوام کابنیادی حق ہے ،عدلیہ کوسیاست میں شامل نہیں ہوناچاہئے،آصف زرداری
-
چیئرمین نیب قمر زمان چوہدری کی زیر صدارت نیب کے ایگزیکٹو بورڈ کا اجلاس ، بورڈ کا بلوچستان کوسٹل ڈویلپمنٹ اتھارٹی کے سابق ڈی جی محمد اعظم پٹھان کیخلاف ریفرنس دائر کرنے کا فیصلہ ، دو کیسوں کی تحقیقات ... مزید
-
مفتی اعظم پاکستان مولانا تقی عثمانی کا سراج الحق کو فون ، سیاسی مسئلے کا پرامن حل نکالنے کے لیے علما ء کرام کی خدمات کی پیشکش،مخالفت برائے مخالفت کی سیاست سے بالا تر ہوکر ملک کو مشکلات سے نکالنے کی ... مزید
-
موجودہ بجٹ امیروں یا ایلیٹ کا نہیں بلکہ 18 کروڑ غریبوں کا ہے، وزیر خزانہ سینیٹراسحاق ڈار نے پاکستان تحر یک انصاف کے وائٹ پیپر کو سختی سے مستردکر دیا ، عمران خان کا وائٹ پیپر جھوٹ کا پلندہ ہے، گردشی ... مزید
-
وزیراعظم نواز شریف (آج) بنوں میں آئی ڈی پیز اور فوجی جوانوں کیساتھ جشن آزادی منا ئیں گے،وزیراعظم آئی ڈی پیز کیمپ میں پرچم کشائی بھی کریں گے
-
بھارتی الزامات افسو سنا ک ، پاک فو ج اپنی سرحدوں کی حفاظت اور جارحیت کو روکنے کے لیے ہر وقت تیار ہے،پاکستان،پاک بھارت الزامات کی بجائے مذاکرات سے معاملات حل کریں، خطے میں امن و استحکام دونو ں مما ... مزید
-
لاہور ہائیکورٹ کا پنجاب بھر سے کنٹینرز اور رکاو ٹیں ہٹانے کا حکم ، سکیورٹی کے نا م پر شہریوں کے بنیادی آئینی حقوق سلب کرنے کی اجازت نہیں دی جاسکتی‘ عدا لتی ریما رکس ، فل بنچ میں آئی جی کی سر زنش آپ ... مزید
-
پاکستانی قوم اپنا 68واں جشن آزادی آ ج جو ش و خروش اور ملی جذبہ کے ساتھ منائے گی، وفاقی دارالحکومت ،آزاد کشمیر ، سمیت ملک بھر کے تمام چھوٹے بڑے شہروں میں رنگا رنگ تقریبات منعقد ہوں گی دن کا آغاز مساجد ... مزید
-
قوم آئین ،جمہوریت اورقانون کی حکمرانی کا پرچم بلند رکھنے کا عزم کرے،صدر،وزیراعظم،مسلح افواج اور قانون نافذ کرنے والے اداروں کے بہادر اور جرات مند اہلکاروں کو خراج عقیدت پیش کریں،یوم آزادی پر پیغامات ... مزید
-
کسی غیر قانونی اور غیر آئینی اقدام کی روک تھام اور شہریوں کے تحفظ کے لئے دائر آئینی درخواست کی سماعت کے لئے چیف جسٹس کی سربراہی میں پانچ رکنی لارجر بنچ تشکیل
-
آزادی اور انقلاب مارچ‘ مختلف شہروں میں موبائل فون سروس بند کرنے کی تیاری،حکومت نے مختلف شہروں میں موبائل سروس بند کرنے کیلئے بھی کمر کس لی ،سلام آباد کے ریڈ زون میں تو موبائل سروس غیر معینہ مدت کیلئے ... مزید
-
حکومت پنجاب کا عوامی تحریک کے انقلاب مارچ کو ماڈل ٹاؤن تک محدود کرنے کا فیصلہ
-
سپریم کورٹ کراچی رجسٹری نے وزیر اعظم کے خلاف توہین عدالت کی درخواست مسترد کر دی
-
فریقین مل بیٹھ کر جلد مسئلہ حل کریں تاکہ قوم سکھ کا سانس لے ، سراج الحق،مسئلہ کو طریقہ سے حل نہیں کیا گیا تو لانگ مارچ کہیں ڈبل مارچ نہ بن جائے،وزیراعلیٰ سے کہا ہے کہ عمران خان کو عزت سے اسلام آباد ... مزید
-
پاکستان عوامی تحریک اورتحریک انصاف کے مارچ کی راہ میں کھڑی کی گئی تمام رکاوٹیں فی الفور ختم کی جائیں،الطاف حسین ، لاہور ، اسلام آباداورراولپنڈی سمیت مختلف شہروں میں کھڑے کئے گئے تمام کنٹینرز ، ٹرالرز ... مزید
-
تمام سیا سی جماعتوں کو جوش کے ساتھ ساتھ ہوش سے کام لینا ہو گا ورنہ ملک کسی بڑے بحران کی طرف چلا جا ئے گا ،مولانافضل الرحمن ،مڈ ٹرم انتخا با ت مسائل کا حل نہیں ہیں حکومت بھی عوام کے مسائل کے حل کے لیئے ... مزید
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.