حکومتی اوچھے ہتھکنڈوں سے گھبرانے والے نہیں ، انقلاب مارچ ضرور آئے گا،چوہدری شجاعت حسین، ملک میں کہیں جمہوریت نظر نہیں آتی ایسا لگتا ہے کہ حکمران ملک میں سول مارشل لاء لگا رہے ہیں، آزادی مارچ اور انقلاب مارچ سے گھبرا کر جس طرح حکومت نے ماڈل ٹاؤن کا محاصرہ کیا ہے اس سے لگتا ہے کہ وہ علاقہ جلیانوالہ ٹاؤن ہے، پریس کانفرنس
لاہور(اُردو پوائنٹ اخبار آن لائن۔8اگست۔2014ء)مسلم لیگ (ق) کے صدر چوہدری شجاعت حسین نے کہا ہے کہ اس ملک میں کہیں جمہوریت نظر نہیں آتی ایسا لگتا ہے کہ حکمران ملک میں سول مارشل لاء لگا رہے ہیں حکومتی اوچھے ہتھکنڈوں سے ہم نہیں گھبراتے، انقلاب مارچ ضرور آئے گا، آزادی مارچ اور انقلاب مارچ سے گھبرا کر جس طرح حکومت نے ماڈل ٹاؤن کا محاصرہ کیا ہے اس سے لگتا ہے کہ وہ علاقہ جلیانوالہ ٹاؤن ہے ، ڈاکٹر علامہ طاہر القادری کے خلاف مقدمے کی شدید مذمت کرتے ہیں، 245 کے تحت اسلام آباد میں وزیراعظم ہاؤس سمیت دیگر عمارتوں کے لئے فوج کو بلانا غلط ہے، فوج ملک کی چوکیدار ہے، وزیراعظم ہاؤس کی چوکیدار نہیں، حکومتی حرکات سے لگتا ہے کہ ان کا آخری وقت آنے والا ہے، پرویز مشرف بہت جلد باہر چلے جائیں گے، یہ بات انہوں نے گزشتہ روز اپنی رہائش گاہ پر کی جانے والی پریس کانفرنس میں کیا، انہوں نے کہا کہ یوم شہداء اور انقلاب مارچ سے حکومت اس قدر بوکھلا گئی ہے کہ اس نے منہاج القرآن کے محاصرہ کے لئے پورے ماڈل ٹاؤن کو محصور کر کے رکھ دیا ہے، ایسا لگتا ہے کہ یہ علاقہ ماڈل ٹاؤن نہیں بلکہ جلیانوالہ ٹاؤن ہے،
اگر حکومت اسی انداز میں چلتی رہی جس طرح کی وہ حرکتیں کررہی ہے تو پھر یوم شہداء ماڈل ٹاؤن نہیں بلکہ جاتی عمرہ میں منایا جائے گا، ملک میں جمہوریت نام کی کوئی چیز نہیں ہے، جہاں لوگوں کو انصاف کے حصول میں دشواریوں کا سامنا ہو۔
(جاری ہے)
مزید متعلقہ خبریں پڑھئیے :
متعلقہ عنوان :
