وزیراعلی خیبر پختون خوا کی عالمی برادری سے آئی ڈی پیز کی امداد کی اپیل،آئی ڈی پیز کی دیکھ بھال کیلئے 500 ایف سی اہلکاروں کی فوری ضرورت ہے، پرویز خٹک

جمعہ 11 جولائی 2014 05:35

پشاور(اُردو پوائنٹ اخبار آن لائن۔11جولائی۔2014ء) وزیراعلی خیبر پختون خوا پرویز خٹک نے عالمی برادری سے شمالی وزیرستان کے آئی ڈی پیز کے لئے امداد کی اپیل کر دی ہے۔ تفصیلا ت کے مطابق وزیراعلی خیبر پختون خوا نے عالمی اداروں سے اپیل کی کہ شمالی وزیرستان سے نقل مکانی کر کے آنے والے آئی ڈی پیز کی انسانی بنیادوں پر مدد کی جائے۔ ان کا کہنا تھا کہ اتنی بڑی تعداد میں آئی ڈی پیز کے آنے کے باعث صورت حال تشویشناک ہے،

مقامی نتظیمیں بھی ترجیحی بنیادوں پر تعاون کریں۔

(جاری ہے)

پرویز خٹک کا کہنا تھا کہ آئی ڈی پیز کی دیکھ بھال کے لئے پولیس اور ایف سی اہلکاروں کی تعداد بہت کم ہے، آئی ڈی پیز کی دیکھ بھال کے لئے 500 ایف سی اہلکاروں کی فوری ضرورت ہے۔ اس کے علاوہ وزیراعلیٰ خیبر پختون خوا نے پشاور کے علاقے چمکنی میں نامعلوم ملزمان کی فائرنگ سے جاں بحق ہونے والے پولیس اہلکاروں کی پرزور الفاظ میں مذمت کرتے ہوئے ان کے کے لئے شہدا پیکج سے امداد کا اعلان بھی کیا۔واضح رہے کہ پاک فوج کی جانب سے شمالی وزیرستان میں گزشتہ ماہ سے شروع کئے گئے آپریشن ضرب عضب کے باعث 8 لاکھ سے زائد افراد خیبر پختون خوا کے مختلف شہروں میں پناہ لئے ہوئے ہیں

متعلقہ عنوان :