آئی ڈی پیز کے مسئلہ پر نواز حکومت نے وفاق کا کردار ادا نہیں کیا: چودھری شجاعت حسین/پرویزالٰہی ،چاروں صوبوں کو ایک پلیٹ فارم پر نہیں لیا، شمالی وزیرستان کی بجائے اسے ماڈل ٹاؤن آپریشن میں دلچسپی تھی ،مسلم لیگی دل کھول کر امداد دیں، ہر ضلع میں ریلیف کیمپ لگائیں امدادی سامان فوج کے حوالے کیا جائے۔ اعلیٰ سطحی اجلاس سے خطا ب
لاہور(اُردو پوائنٹ اخبارآن لائن۔27جون۔2014ء)پاکستان مسلم لیگ کے صدر و سابق وزیراعظم سینیٹر چودھری شجاعت حسین اور سینئر مرکزی رہنما و سابق نائب وزیراعظم چودھری پرویزالٰہی نے کہا ہے کہ شمالی وزیرستان کے آئی ڈی پیز کے اہم معاملہ پر نواز حکومت وفاق کا کردار ادا کرنے میں بری طرح ناکام رہی ہے حالانکہ یہ کسی ایک صوبہ یا علاقہ کا نہیں پورے پاکستان کے عوام کا مسئلہ ہے۔
وہ یہاں اپنی رہائش گاہ پر ایک اعلیٰ سطحی اجلاس سے خطاب کر رہے تھے جو چودھری شجاعت حسین کی زیر صدارت منعقد ہوا۔انہوں نے اس بات پر سخت تشویش کا اظہار کیا کہ فوجی آپریشن سے قبل وفاقی حکومت نے پیشگی اقدامات نہیں کیے اور نہ ہی بعد میں اس حساس اور فوری اقدامات کے متقاضی مسئلہ پر چاروں صوبوں کو اعتماد میں لینے اور ایک پلیٹ فارم پر یکجا کرنے کیلئے کوئی موثر یا نتیجہ خیز اقدام کیا کیونکہ اسے شمالی وزیرستان میں فوجی آپریشن سے زیادہ پنجاب حکومت سے مل کر ماڈل ٹاؤن میں آپریشن کرنے میں زیادہ دلچسپی تھی تاکہ ڈاکٹر طاہر القادری کی آمد سے قبل یہاں اتحادی جماعتوں کو سبق سکھایا جا سکے لیکن وہ اپنے اس مقصد میں اتنی زیادہ خونریزی کے باوجود ناکام رہے۔
(جاری ہے)
مزید متعلقہ خبریں پڑھئیے :
متعلقہ عنوان :
