عدلیہ مخالف مہم کیس ،سپریم کورٹ کا ملزمان کیخلاف کارروائی کے حوالے سے وزارت داخلہ کی رپورٹ پر عدم اطمینان کا اظہا ر ، ایک ہفتے میں ملزموں کی گرفتاری کے حوالے سے رپورٹ طلب ،کیا ریاست اتنی بے بس ہے کہ جو شخص مرضی آئے ریڈ زون میں جو کچھ کرکے چلا جائے ،جسٹس جواد ایس خواجہ
اسلام آباد(اُردو پوائنٹ اخبار آن لائن۔26جون۔2014ء) سپریم کورٹ نے عدلیہ مخالف مہم میں ملزمان کیخلاف کارروائی کے حوالے سے وزارت داخلہ کی رپورٹ پر عدم اطمینان کا اظہار کرتے ہوئے ایک ہفتے میں ملزموں کی گرفتاری کے حوالے سے رپورٹ طلب کرلی جبکہ عدالت میں عدلیہ مخالف بینرز اور پوسٹرز کے حوالے سے مقدمے کی سماعت کے دوران جسٹس ناصرالملک نے ریمارکس دیتے ہوئے کہا ہے کہ ہمیں خالی رپورٹ نہیں چاہئے‘ بتایا جائے کہ رپورٹ کا نتیجہ کیا ہے‘ کتنے ملزمان گرفتار اور ان سے کیا راہنمائی ملی‘ سکیورٹی اہلکار ہر جگہ موجود ہیں کیا انہوں نے بھی کسی کو بینر لگاتے نہیں دیکھا جبکہ جسٹس جواد ایس خواجہ نے ریمارکس دئیے ہیں کہ وزارت داخلہ کا جواب تسلی بخش نہیں ہے اس کا مطلب تو یہ ہے کہ عدلیہ غیر محفوظ ہے‘ کیا سی سی ٹی وی کیمرے نہیں ہیں‘ ناکوں پر اندراج نہیں ہوتا‘ کیا ریاست اتنی بے بس ہے کہ جو شخص مرضی آئے ریڈ زون میں جو کچھ مرضی کرکے چلا جائے جبکہ ڈپٹی اٹارنی جنرل احمد سعید نے عدالت میں آئی بی اور وزارت داخلہ کی جانب سے رپورٹ پیش کرتے ہوئے واضح کیا ہے کہ حکومت نے سکیورٹی کے حوالے سے سیلف سٹی پراجیکٹ بنایا تھا جسے سپریم کورٹ نے ختم کردیا تھا۔
(جاری ہے)
مزید متعلقہ خبریں پڑھئیے :
متعلقہ عنوان :
