رمضان مقدس مہینے کی آمد،حکومت کے خلاف احتجاج کا سلسلہ ٹھنڈا پڑنے کا امکان، عید کے بعد ملک میں سیاسی بھونچال آسکتا ہے، سیاسی ذرائع کا حکومت کو پیش بندی کا مشورہ
اسلام آباد(اُردو پوائنٹ اخبار آن لائن۔26جون۔2014ء) رمضان المبارک کے مقدس مہینے کی آمد کے باعث امکان ہے کہ حکومت کے خلاف مختلف جماعتوں کی طرف سے شروع کیا گیا احتجاج کا سلسلہ ٹھنڈا پڑنے کا امکان ہے تاہم سیاسی ذرائع کا کہنا ہے کہ عیدالفطر کے بعد ملک میں سیاسی بھونچال آسکتا ہے جس کے لئے حکومت کو پہلے سے ہی پیش بندی کرنا ہوگی۔ملک بھر کی سیاسی جماعتیں مختلف ایجنڈوں کیساتھ ایک دوسرے کے قریب آرہی ہیں جس سے مسلم لیگ (ن) کیلئے مشکلات پیدا ہوسکتی ہیں‘ مذہبی جماعتیں بھی ایک پلیٹ فارم پر اکٹھی ہوسکتی ہیں۔
ذرائع نے ”خبر رساں ادارے“ کو بتایا کہ عوامی نیشنل پارٹی‘ تحریک انصاف‘ جے یو آئی (ف)‘ عوامی تحریک‘ مسلم لیگ (ق)‘ تحریک ہزارہ اور پاکستان پیپلزپارٹی سمیت دیگر سیاسی جماعتوں نے عیدالفطر کے بعد اپنے کارکنوں کو متحرک کرنے کا فیصلہ کیا ہے اور اپنے صوبائی راہنماؤں کو لوگوں سے زیادہ قریبی رابطوں کی ہدایت کی ہے۔
(جاری ہے)
مزید متعلقہ خبریں پڑھئیے :
