پاکستان،دو بھارتی صحافیوں کے ویزوں میں توسیع نہ کرنے کا فیصلہ، ویزے میں توسیع نہ کرنے کی وجہ نہیں بتائی گئی، 20 مئی سے قبل ملک چھوڑنے کے لیے کہا گیا ہے، صحافی سنیش فلپ کی امریکی نشریاتی ادارے سے گفتگو

جمعرات 15 مئی 2014 07:31

اسلام آباد(اُردو پوائنٹ اخبار آن لائن۔15مئی۔2014ء) پاکستان نے دو بھارتی صحافیوں کے ویزوں میں توسیع نہ کرتے ہوئے اْنھیں ایک ہفتے میں ملک چھوڑنے کے لیے کہا ہے۔صحافی سنیش فلپ نے امریکی نشریاتی ادارے سے گفتگو کرتے ہوئے بتایا کہ ویزے میں توسیع نہ کرنے کی وجہ نہیں بتائی گئی اور اْنھیں 20 مئی سے قبل ملک چھوڑنے کے لیے کہا گیا ہے۔ان دونوں بھارتی صحافیوں کو پاکستان میں آئے ہوئے ایک سال سے بھی کم وقت ہوا ہے۔

پی ٹی آئی کے صحافی سنیش فلپ اور اخبار دی ہندو کی صحافی مینا مینن کو گزشتہ شب وزارت اطلاعات کے ’ایکسٹرنل پبلیسٹی ونگ‘ سے ایک خط کے ذریعے مطلع کیا گیا ہے کہ اْن کے ویزوں میں توسیع نہیں کی جا رہی ہے۔وزارت اطلاعات کی جانب سے بھارتی صحافیوں کے ویزوں کے اجرا میں توسیع نہ کرنے سے متعلق کوئی وجہ نہیں بتائی گئی اور نہ ہی بھارت کی جانب سے اس بارے میں کوئی ردعمل سامنے آیا ہے۔

(جاری ہے)

پریس ٹرسٹ آف انڈیا (پی ٹی آئی) اور بھارتی اخبار ’دی ہندو‘ سے منسلک یہ صحافی اسلام آباد میں مقیم تھے۔ واضح رہے کہ پاکستان کی موجودہ حکومت بھارت سے اچھے دوستانہ تعلقات استوار کرنے کے حق میں بیانات دیتی آئی ہے اور دونوں ملک تعلقات میں بہتری کے لیے عوامی رابطے بڑھانے کی تجاویز بھی دیتے رہے ہیں۔یہ امر بھی قابل ذکر ہے کہ صحافیوں کی بین الاقوامی تنظیمیں پاکستان کو شعبہ صحافت سے وابستہ افراد کے لیے ایک خطرناک ملک قرار دیتی آئی ہیں جہاں اس شعبے سے وابستہ افراد کو کئی طرح کے خطرات کا سامنا ہے اور 2008 سے اب تک 34 صحافیوں کو ہلاک کیا جا چکا ہے۔

حکومت پاکستان، خاص طور پر وفاقی وزیر اطلاعات یہ کہہ چکے ہیں کہ صحافیوں کے تحفظ کے لیے ہر ممکن اقدامات کیے جا رہے ہیں اور جہاں ضروری ہوا اس ضمن میں قانون سازی بھی کی جائے گی۔

Facebook Twitter Google + Share on Whatsapp

مزید متعلقہ خبریں پڑھئیے‎ :

طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب

جمعہ 19 اپریل 2024 - 00:16

گندم کٹائی مہم کا افتتاح، مریم نواز نے گندم کی کچی فصل ہی کاٹ دی

جمعہ 19 اپریل 2024 - 23:53

اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں

جمعہ 19 اپریل 2024 - 23:49

وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت

جمعہ 19 اپریل 2024 - 23:47

عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ

جمعہ 19 اپریل 2024 - 23:03

بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ ..

جمعہ 19 اپریل 2024 - 23:02

مزید متعلقہ خبریں پڑھئیے‎ :

متعلقہ عنوان :

جمعرات 15 مئی 2014 کی مزید خبریں