جماعت اسلامی کے قبائلی جرگے کا حکومت اور طالبان سے فوری جنگ بندی کامطالبہ،یہی صورتحال رہی تو مزاکرات کو آگے بڑھانا مشکل ہوجائے گا،سمیع الحق ،امن کی کنجی اسلام آباد کے پاس ہے اگر اسلام آباد بھی جانا پڑا تو جائیں گے،سراج الحق، کہ قوتیں آپریشن چاہتے ہیں وہ ملک کے خیر خواہ نہیں ،مولانا یوسف شاہ،مشرف کی پالیسیاں زرداری کے بعد نواز شریف نے بھی جاری رکھی ہوئی ہیں،پروفیسر ابراہیم
پشاور(اُردو پوائنٹ اخبار آن لائن۔2مئی۔ 2014ء)جماعت اسلامی کے زیر اہتمام قبائلی جرگے نے حکومت اور طالبان سے فوری طور پر جنگ بندی کامطالبہ کیا ہے ۔یہ مطالبہ نشتر ہال پشاور میں جماعت اسلامی فاٹا کے زیر اہتمام قبائلی جرگے کا اہتمام کیا گیاجس میں طالبان کمیٹی کے سربراہ مولانا سمیع الحق سمیت امیر جماعت اسلامی سراج الحق پروفیسر ابراہیم اور مولانا یوسف شاہ نے بھی شرکت کی مولانا سمیع الحق نے خطاب کرتے ہوئے کہا کہ غاروں میں رہنے والے طالبان سے ہمارا رابطہ ہوجاتا ہے لیکن اسلام آباد میں رہنے والوں سے ملنا مشکل ہے اگر یہی صورتحال رہی تو مزاکرات کو آگے بڑھانا مشکل ہوجائے گا جرگے سے امیر جماعت اسلامی سراج الحق نے خطاب کرتے ہوئے کہا کہ ہمیں بتایا جائے کہ خلاف ورزی کس نے کی لاپتہ افراد کیس سے ملک کی بدنامی ہورہی ہے امن کی کنجی اسلام آباد کے پاس ہے اگر اسلام آباد بھی جانا پڑا تو جائیں گے یہ آخری جرگہ نہیں اس کے بعد بھی امن کے قیام کے لیے جرگہ بلائیں گے طالبان کمیٹی کے ارکان مولانا یوسف شاہ نے خطاب کرتے ہوئے کہا ہم آخری حد تک امن کے قیام کے لیے جائیں گے بیرونی قوتیں نہیں چاہتی کہ ملک امن ہو اور جو چاہتے کہ آپریشن ہوں وہ ملک کے خیر خواہ نہیں طالبان کمیٹی کے رکن پروفیسر ابراہیم نے خطاب کرتے ہوئے کہا کہ مشرف کی پالیسیاں زرداری کے بعد نواز شریف نے بھی جاری رکھی ہوئی ہیں مزاکرات کی کامیابی کے لیے دونوں فریقین کو آپس میں بیٹھنا ہوگا مزاکرات کے حوالے سے ہماری ڈی جی آئی ایس آئی سے بھی ملاقات کرانی چاہیے تاکہ ان کا موقف بھی سامنے آئے ہمیں یہ اختیار نہیں کہ حکومت اور طالبان پر اپنا فیصلہ مسلط کرا سکیں حکومت اور طالبان سے اپیل ہے کہ آج ہی جنگ بندی میں توسیع کی جائے۔
(جاری ہے)
مزید متعلقہ خبریں پڑھئیے :
متعلقہ عنوان :
