افتخار چوہدری کیخلاف سپریم کورٹ میں آئینی پٹیشن دائر ، سابق چیف جسٹس نے اپنے اختیارات،عہدے کا ناجائز استعمال کیا ، درخواست گزار

منگل 15 اپریل 2014 06:46

کراچی(اُردو پوائنٹ اخبار آن لائن۔15اپریل۔2014ء) سابق چیف جسٹس آف پاکستان افتخار محمد چوہدری کے خلاف سپریم کورٹ میں آئینی پٹیشن دائر کردی گئی۔ سپریم کورٹ کراچی رجسٹری میں دائر پٹیشن میں درخواست گزار اقبال کاظمی نے موٴقف اختیار کیا ہے کہ سابق چیف جسٹس افتخار محمد چوہدری نے اپنے اختیارات اورعہدے کا ناجائز استعمال کیا۔

(جاری ہے)

سابق چیف جسٹس نے آئین کے آرٹیکل 186 اے کو قرار دیا کہ یہ آئین کا حصہ نہیں جب کہ پارلیمنٹ نے اس آرٹیکل کو آئین سے خارج قرار نہیں دیا ہے۔

درخواست گزار نے عدالت سے استدعا کی ہے کہ سابق چیف جسٹس کے خلاف آرٹیکل 6 کے تحت آئین توڑنے کے الزام میں کارروائی کی جائے اور جس خصوصی عدالت میں سابق صدر پرویز مشرف کا کیس چل رہا ہے افتخار محمد چوہدری کے خلاف بھی کارروائی اسی عدالت میں کی جائے۔