کالعدم تحریک طالبان کے دو گروہوں میں اختلافات کھل کر سامنے آگئے،خان سید سجناں جنوبی وزیرستان کی عمارت پر قبضہ کرنا چاہتے ہیں جس سے ہمیں اختلاف ہے،حاجی داؤد،مُلا عمر کی محسود کمانڈروں میں جنگ بندی اور اختلافات کے خاتمے کیلئے دعاکی اپیل،حکومت کی جانب سے تاحال کوئی عسکری قیدی نہیں چھوڑا گیا،پچیس قیدیوں کی چھان بین مکمل ہوچکی ، ہم اپنے ساتھ لے کر جا کر طالبان کے حوالے کرینگے،مولانا یوسف شاہ،قوم امن چاہتی ہے ،امن جنگ سے نہیں بات چیت سے آئے گا،پروفیسر ابراہیم
پشاور(اُردو پوائنٹ اخبار آن لائن۔15اپریل۔2014ء)کالعدم تحریک طالبان کے دو گروہوں میں اختلافات کھل کر سامنے آگئے،حکیم اللہ محسود گروپ کے ترجمان حاجی داؤد کا کہنا ہے کہ خان سید سجناں جنوبی وزیرستان کی عمارت پر قبضہ کرنا چاہتے ہیں۔میڈیا رپورٹس کے مطابق تحریک طالبان گروپ کے حکیم اللہ محسود گروپ اور ولی الرحمان گروپ میں اختلافات ہیں،حکیم اللہ گروپ کی سربراہی مقامی کمانڈر شہریار کر رہے ہیں جبکہ ولی الرحمان گروپ کی قیادت ولی الرحمان کے جانشین خان سید سجناں کر رہے ہیں۔
نجی ٹی وی سے گفتگو کرتے ہوئے حکیم اللہ محسود گروپ کے ترجمان حاجی داؤد محسود نے الزام عائد کیا کہ خان سید سجناں جنوبی وزیرستان کی عمارت پر قبضہ کرنا چاہتے ہیں،تاہم ان کے گروپ کو خان سید سجناں کے قبضہ کے اقدام سے بھرپور اختلاف ہے،حاجی داؤد کا کہنا ہے کہ انہیں ملافضل اللہ کی قیادت پر اعتماد ہے،اگر وہ جنوبی وزیرستان کا متفقہ امیر طے کر دیں تو ان کے گروپ کو قبول ہوگا،میڈیا رپورٹس کے مطابق طالبان کے متحارب گروہوں میں حالیہ تصادم میں اب تک50کے قریب ہلاکتیں ہو چکی ہیں۔
(جاری ہے)
آرمی چیف کے بیان کو میڈیا نے غلط انداز میں لیا، طالبان اور حکومت دونوں جنگ کے حق میں نہیں اور دونوں امن چاہتے ہیں،انہوں نے بتایا کہ سارے کے سارے عسکری گروپ ٹی ٹی پی کے کنٹرول میں ہے اور جنگ بندی کے بعد جو دہشت گردی ہوئی اس میں بیرونی عناصر کا ہاتھ ہے، ایک سوال کے جواب میں انہوں نے کہا کہ مولانا فضل الرحمن مذاکرات بارے اب ہمارے طریقہ کار پر راضی ہوچکے ہیں اور وہ اب ہمارے حق میں ہی مسلسل بیانات دے رہے ہیں جو نیک شگون ہے، انہوں نے بتایا کہ مذاکرات کی طوالت کا افغانستان سے امریکی افواج کے انخلاء سے کوئی تعلق نہیں۔
مزید متعلقہ خبریں پڑھئیے :
متعلقہ عنوان :
