طالبان اور حکومتی کمیٹیوں میں ڈیڈ لاک جلد ختم ہو جائیگا، قوم مایوس نہ ہو ، مولانا سمیع الحق ،عمرے کا آغاز قیام امن کی دعا سے کیا ہے ،امید ہے اللہ تعالیٰ ہمیں کامیابی سے ہمکنار فرمائیں گے،مولانا یوسف شاہ سے ٹیلیفونک گفتگو،مولانا سمیع الحق عمرہ کی ادائیگی کے بعد آج وطن پہنچ رہے ہیں، مولانا یوسف شاہ ،طالبان قیادت اور سیاسی شوریٰ سے مولانا اور میرا رابطہ ہوا ہے آج جنگ بندی کی نوید قوم کو سنانے کی امید ہے،طالبان قیادت جنگ بندی کروانے پر راضی ہیں،جنگ بندی کا اعلان مشاورت کے بعد کیا جائے گا،مذاکرات میں ڈیڈلاک بھی جنگ بندی کے اعلان کے بعد خود بخودختم ہوجائے گا،رکن طالبان مذاکراتی کمیٹی
نوشہرہ کینٹ (اُردو پوائنٹ اخبار آن لائن۔1مارچ۔2014ء) جمعیت علماء اسلام اور طالبان کمیٹی کے سربراہ مولانا سمیع الحق نے کہا ہے کہ طالبان اور حکومتی کمیٹیوں میں ڈیڈ لاک جلد ختم ہو جائے گا قوم مایوس نہ ہو ان خیالات کا اظہار انہوں نے طالبان مذاکراتی کمیٹی کے کورڈینٹر مولانا یوسف شاہ سے مکہ مکرمہ سے فون پر بات چیت کرتے ہوئے کیے انہوں نے کہا کہ میں نے اپنے عمرے کا آغاز قیام امن کی دعا سے کیا ہے اور مجھے امید ہے کہ اللہ تعالیٰ ہمیں کامیابی سے ہمکنار فرمائیں گے واضح رہے کہ مولانا سمیع الحق نے عمرہ سے پہلے مذاکراتی کمیٹی کا اجلاس کیا اور ڈیڈ لاک ختم کرنے کیلئے تجاویز مرتب کرکے طالبان کو بھیج دی ہیں جس کا جواب آج یا کل آئے گامولانا سمیع الحق نے فریقین سے اپیل کی ہے وہ صبر وتحمل کا مظاہرہ کر کے مذاکرات دوبارہ شروع کرنے لیے راستہ ہموار کریں وہ چار روزہ دورے کے بعد آج وطن واپسی کریں گے ۔
(جاری ہے)
مزید متعلقہ خبریں پڑھئیے :
متعلقہ عنوان :
