حکومت کا طالبان سے مذاکرات میں تعطل اور سیکورٹی فورسز کو اپنے دفاع کیلئے ہر قسم کی کارروائی کا اختیار دینے کا باقاعدہ اعلان،مذاکرات اور دہشتگردی ایک ساتھ نہیں چل سکتے، چوہدری نثار،وزیراعظم نے آپریشن کا فیصلہ کرلیا تھا اور تقریر بھی تیار ہوچکی تھی لیکن اس کے باوجود پورے خلوص کے ساتھ مذاکرات کی کوشش کی گئی،اب بھی زیر زمین رابطے ہیں،اسلام آباد میں القاعدہ یا ٹی ٹی پی کا کوئی وجود نہیں، 8ماہ کے دوران صرف ایک دہشتگردی کا واقعہ پیش آیا جس کا نیٹ ورک تین دن میں توڑ دیا گیا،اسلام آباد کیلئے ریپڈرسپانس فورس بنائی گئی ہے جو جدید اسلحہ ٹیکنالوجی سے لیس ہے اور اس کی بہترین تربیت کی گئی ہے ، فورس نیٹ ورک کو پورے پاکستان میں پھیلایا جائے گا،دارالحکومت میں 1500کیمروں کو سینٹرل نیٹ ورک کے ساتھ نصب کیا جائے گا ،یہ تاثر بالکل بے بنیاد ہے کہ اسلام آباد غیر محفوظ ہوچکا ہے،اسے مکمل محفوظ بنانے کیلئے سیف سٹی پراجیکٹ جلد شروع کیا جائے گا جو ایک سال میں مکمل ہوگا،ہم پر تنقید کرنے والے اپنے دور حکومت کے حالات کو بھی یاد رکھیں،وزیرداخلہ چوہدری نثار علی خان کی پریس کانفرنس
جمعہ 21 فروری 2014 07:38
اسلام آباد(اُردو پوائنٹ اخبار آن لائن۔21فروری۔2014ء)حکومت نے طالبان سے مذاکرات میں تعطل اور سیکورٹی فورسز کو اپنے دفاع کیلئے ہر قسم کی کارروائی کا اختیار دینے کا باقاعدہ اعلان کردیا ہے جبکہ وزیرداخلہ چوہدری نثار علی خان نے کہا ہے کہ مذاکرات اور دہشتگردی ایک ساتھ نہیں چل سکتے،وزیراعظم نے آپریشن کا فیصلہ کرلیا تھا اور تقریر بھی تیار ہوچکی تھی لیکن اس کے باوجود پورے خلوص کے ساتھ مذاکرات کی کوشش کی گئی،اب بھی زیر زمین رابطے جاری ہیں اور امید ہے کہ مذاکراتی عمل بحال ہوجائے گا۔
قومی اسمبلی قائمہ کمیٹی نے وفاقی دارالحکومت سمیت ملک کو دہشتگردی کے خطرات بارے غلط اعداد وشمار فراہم کئے گئے جو گزشتہ کئی برس کے تھے،اسلام آباد میں القاعدہ یا ٹی ٹی پی کا کوئی وجود نہیں،گزشتہ 8ماہ کے دوران صرف ایک دہشتگردی کا واقعہ پیش آیا جس کے نیٹ ورک کو تین دنوں میں بریک کردیاگیا۔(جاری ہے)
نیشنل کاؤنٹر ٹیررز اتھارٹی(نیکٹا) کو انسداد دہشتگردی کا پریمےئر ادارہ بنایا جائے گا اور اندرونی سلامتی پالیسی کی منظوری کے بعد یہاں ایک جوائنٹ انٹیلی جنس ڈائریکٹوریٹ قائم کیا جائے گا جو 26چھوٹی اور بڑی انٹیلی جنس کا ڈیٹا اکٹھا کرکے دہشتگردی کا تدارک کرے گا۔
اسلام آباد کیلئے ریپڈرسپانس فورس بنائی گئی ہے جو جدید اسلحہ ٹیکنالوجی سے لیس ہے اور اس کی بہترین تربیت کی گئی ہے اور اس فورس کے نیٹ ورک کو پورے پاکستان میں پھیلایا جائے گا اور انہیں ہیلی کاپٹرز اور جدید ترین ٹیکنالوجی فراہم کرکے چاروں صوبوں کے ساتھ شےئر کیا جائے گا۔دارالحکومت میں 1500کیمروں کو سینٹرل نیٹ ورک کے ساتھ نصب کیا جائے گا اور راولپنڈی کے اہم مقامات کو بھی اس سے کور کرکے جدید ٹیکنالوجی سے دہشتگردی اور شدت پسندی پر قابو پایا جائے گا۔یہ تاثر بالکل بے بنیاد ہے کہ اسلام آباد غیر محفوظ ہوچکا ہے،اسے مکمل محفوظ بنانے کیلئے سیف سٹی پراجیکٹ جلد شروع کیا جائے گا جو ایک سال میں مکمل ہوگا،ہم پر تنقید کرنے والے اپنے دور حکومت کے حالات کو بھی یاد رکھیں۔وہ جمعرات کو یہاں ایک پرہجوم پریس کانفرنس سے خطاب کررہے تھے جس میں وزیر مملکت برائے امور داخلہ بلیغ الرحمن اور دیگر اعلیٰ حکام بھی موجود تھے،وزیرداخلہ نے اسلام آباد کو محفوظ بنانے کیلئے ایک منصوبے پر تفصیلی روشنی ڈالی اور بتایا کہ اسلام آباد بھر میں ایک ایک گھر میں موجود لوگوں کا ریکارڈ اکٹھا کیا جارہا ہے اور آج ہم یہ بتا سکتے ہیں کہ کس گھر میں کون کون رہتا ہے،اعداد وشمار اکٹھا کرنے کے بعد ان لوگوں کے انخلاء کا عمل شروع ہوگا جنہیں وفاقی دارالحکومت میں نہیں رہنا چاہئے،انہوں نے بتایا کہ اسلام آباد میں 24سے زائد کچی آبادیاں ہیں جن میں ہزاروں لوگ بستے ہیں،ہم نے ان آبادیوں میں بھی 84,000لوگوں کو رجسٹرڈ کیا ہے اور اب اس مرحلے میں پہنچ چکے ہیں کہ کس کے ساتھ کس طرح ڈیل کرنا ہے،یہ تمام تر اعداد وشمار کمپیوٹرائزڈ کئے جائیں اور میں اسلام آباد کے شہریوں کو یقین دلاتا ہوں کہ یہ اعداد وشمار صرف سیکورٹی مقاصد کیلئے استعمال ہوں گے۔انہوں نے گزشتہ روز مجلس قائمہ برائے امور داخلہ میں انٹیلی جنس اداروں کی طرف سے اسلام آباد میں القاعدہ،طالبان اور لشکر جھنگوی کی موجودگی کے بارے میں رپورٹ پر شدید رد عمل کا اظہار کرتے ہوئے کہا کہ یہ رپورٹ کئی سالوں پر مبنی ہے مگر اس میں پورے اعداد وشمار نہیں دئیے گئے اور نہ ہی سالانہ بنیادوں پر یہ بتایا گیا ہے کہ یہاں خطرے کی سطح کیا تھی اور اب کہاں تک پہنچ چکی ہے،انہوں نے کہا کہ 2011ء میں اسلام آباد میں میریٹ پر حملہ اور سفارتکار کے قتل جیسے بڑے واقعات ہوئے،اس وقت خطرے کا لیول بھی بہت اونچا تھا لیکن آج وہ حالات نہیں ہیں،آج اسلام آباد میں القاعدہ اور طالبان کا کوئی وجود نہیں تاہم فرقہ وارانہ تنظیم کی موجودگی ہوسکتی ہے،اسلام آباد کو محفوظ بنانے کیلئے کئی سالوں سے سیف سٹی پراجیکٹ کی باتیں ہورہی تھیں لیکن ہم نے عملی طور پر اس میں پیش رفت کی ہے اور اب یہ منصوبہ شروع کیا جارہا ہے جو ایک سال میں مکمل ہوگا۔انہوں نے کہا کہ سٹینڈنگ کمیٹی میں رپورٹ کے بعد نہ صرف اندرون ملک بلکہ بیرون ملک سے بھی مجھ سے رابطہ کیا گیا ہے اور ان لوگوں نے معلومات حاصل کی ہیں جو آنے والے دنوں میں اسلام آباد آنے والے ہیں اور اس رپورٹ پر شدید تشویش کا اظہار کیا ہے کہ اسلام آباد غیر محفوظ ہو چکا ہے۔وزیرداخلہ نے کہا کہ سیف سٹی پراجیکٹ کے تحت ہزاروں سی سی ٹی وی کیمرے لگائے جائیں گے اور ہر گھر کا ریکارڈ جمع کیا جائے گا،اس منصوبے میں راولپنڈی بھی شامل ہے،انہوں نے کہا کہ ہم نے جب اعداد وشمار اکٹھے کرنے کا عمل شروع کیا تو اس کے دوران 1500گھروں نے اعداد وشمار دینے سے انکار کردیا،حتی کہ درجنوں گھروں کے مالکان تالے لگا کر فرار ہوچکے ہیں اور ہم ان کا پیچھا کر رہے ہیں۔انہوں نے کہا کہ میں نے سیکورٹی اداروں کا بھی اجلاس بلایا ہے اور ان سے دریافت کیا ہے کہ اسلام آباد میں القاعدہ کہاں ہے اور ہدایت کی ہے کہ انہیں یہ اعداد وشمار ان کیمرہ جاری کرنے چاہئے تھے لیکن انہوں نے رپورٹ عام کردی اور میڈیا نے اسے اپنے انداز میں شائع کیا۔وزیرداخلہ نے کہا کہ حکومت کے تمام فیصلے اتفاق رائے سے ہوتے ہیں اور تمام متعلقہ حکام کو مکمل اعتماد میں لیا جاتا ہے۔انہوں نے کہا کہ وفاقی دارالحکومت ملک کا محفوظ شہر ہے جہاں بسنے والے ہر شہری ،کرایہ دار،غیر ملکی اور سفارتکاروں کا مکمل ڈیٹا وزارت داخلہ کے پاس موجود ہے اور یہ کام ہم نے حکومت میں آنے کے بعد سرانجام دیا ہے۔ان کا کہنا تھا کہ اندرونی سیکورٹی کی پالیسی اگلے ہفتے اجلاس میں دوبارہ پیش کی جائے گی اور اس کی منظوری کے بعد اسے فوری طور پر نافذ کیا جائے گا۔اس سیکورٹی کے نیٹ ورک کو پورے پاکستان میں پھیلایا جائے گا جس کیلئے فورس کو گزشتہ چار ماہ سے ٹرین کیا جارہا ہے،ان کا کہنا تھا کہ فیڈرل لیول پر اور جدید آلات اسے فراہم کئے جائیں گے اور ہیلی کاپٹر کے ذریعے بھی مدد کی جائے گی،انہوں نے بتایا کہ نیکٹا کو انسداد دہشتگردی کا پریمےئر ادارہ بنایا جائے گا جہاں جوائنٹ انٹیلی جنس ڈائریکٹوریٹ قائم ہوگا اور ون پوائنٹ ایجنڈے انسداد دہشتگردی کے تحت ملک میں کام کرنے والی 26چھوٹی بڑی ایجنسیوں کا ڈیٹا اکٹھا کرکے دہشتگردی کا انسداد کیا جائے گا،ایک سوال کے جواب میں ان کا کہنا تھا کہ سیکورٹی ایجنسیز کیلئے چائنا سے سیف سٹی کے تحت ہی جدید سامان اسلام آباد پہنچ گیا ہے لیکن ہیلمٹ بلٹ پروف جیکٹس ،سکینرز اور دیگر سامان شامل ہے جبکہ آئندہ چند ماہ میں 50جدید ترین گاڑیاں بھی سیکورٹی ایجنسیز کے حوالے کی جائیں گی اور انہیں مزید مضبوط بنایا جائے گا،ان کا کہنا تھا کہ دہشتگردی کو جڑ سے اکھاڑ پھینکا جائے گا اور اس کیلئے تمام ممکنہ اقدامات اٹھائے جائیں گے،ایک سوال کے جواب میں انہوں نے بتایا کہ کراچی میں جاری ٹارگٹڈ آپریشن کے دوران ہزاروں کی تعداد میں ٹارگٹ کلرز اغواء برائے تاوان اور بھتہ خوری کے ملزمان اور سنگین جرائم میں ملوث کریمنلز کو گرفتار کیا گیا ہے جبکہ کوئٹہ میں گزشتہ برسوں کی نسبت حالات میں بہت حد تک بہتری آئی ہے اور ناکوں کی تعداد بھی کم ہوئی ہے۔ملٹری آپریشن کا بار بار طعنہ دینے والوں نے پانچ برس میں ملٹری آپریشن کیوں نہیں کیا،دہشتگردی کا واحد حل مذاکرات ہیں،جس پر ہم یقین رکھتے ہیں اور سابق آرمی چیف نے بھی بتایا تھا کہ اگر پورے ملک میں بھی آپریشن شروع کردیا جائے تو اس میں صرف40فیصد تک کمی آسکتی ہے،مگر دہشتگردی اور مذاکرات ایک ساتھ نہیں چل سکتے،طالبان بار بار سیز فائر کا کہتے ہیں مگر ستمبر 2013ء سے لیکر ابھی تک کسی قسم کا چھوٹا بڑا آپریشن نہیں کیا گیا اور دستوں کی معمولی نقل وحرکت بھی 5ماہ سے تعطل کا شکار ہے تاکہ اس سے یہ تاثر نہ جائے کہ آپریشن کیلئے نقل وحرکت کی جارہی ہے مگر اس کے باوجود دہشتگردی کے واقعات ہوتے رہے۔اس حوالے سے تمام ادارے متحد اور متفق ہیں اور ان میں کوئی اختلاف نہیں،انہوں نے کہا کہ جب سے موجودہ حکومت آئی ہے،ہم نے کوئی بڑی فوجی کارروائی نہیں کی،اس سے زیادہ ہمارا خلوص اور ہماری طرف سے فائر بندی کیا ہوسکتی ہے جبکہ دوسری جانب مذاکرات کے ساتھ ساتھ ہمارے جوانوں کے گلے کاٹے جارہے ہیں،یہ صورتحال کسی صورت برداشت نہیں کی جاسکتی اور حکومت نے سیکورٹی اداروں کو یہ اختیار دیا ہے کہ وہ اپنے دفاع میں ضروری کارروائی کرسکتے ہیں جس کا سلسلہ گزشتہ 24گھنٹوں میں شروع کیا گیا ہے۔ایک سوال کے جواب میں وزیر داخلہ نے کہا کہ ہم نے امریکہ اور برطانیہ سے علیحدگی پسندوں کو بھرپور پروٹوکول دینے پر بھی احتجاج کیا ہے جس پر امریکی دفتر خارجہ نے بیان بھی جاری کیا جبکہ برطانیہ نے بھی یقین دلایا ہے کہ آئندہ ان لوگوں کو پارلیمانی یا ریاستی سطح پر کوئی پروٹوکول نہیں دیا جائے گا۔ایک اور سوال کے جواب میں انہوں نے کہا کہ ایف سی کے اہلکاروں کی شہادت کے واقعہ پر افغان حکومت اور نیٹو فوج سے بات چیت کی ہے اور مشیر خارجہ سرتاج عزیز نے بھی مالدیپ میں افغان وزیر خارجہ سے ہونے والی ملاقات میں اس پر احتجاج کیا ہے۔ایک اور سوال کے جواب میں انہوں نے امریکی اخبار میں چھپنے والی خبر کی سختی سے تردید کرتے ہوئے کہا کہ کراچی یا کوئٹہ میں کوئی ایسا علاقہ نہیں جہاں طالبان کا 30فیصد کنٹرول ہو،یہ خبر کسی شخص کی ذہنی استراع تو ہوسکتی ہے مگر اس میں کوئی حقیقت نہیں،کراچی میں کوئی نوگوایریا نہیں۔انہوں نے کہا کہ میں میڈیا کو ساتھ لے جانے پر تیار ہوں اور وہ جہاں جانا چاہیں جا سکتے ہیں۔چوہدری نثار علی خان نے کہا کہ بلوچستان میں 2سال پہلے سکولوں میں قومی ترانہ نہیں پڑھا جاتا تھا اب وہاں کی رپورٹ لیں اور اگر چاہیں تو میں آپ کے ساتھ کوئٹہ جانے کیلئے بھی تیار ہوں۔ایک اور سوال کے جواب میں انہوں نے کہا کہ عمران فاروق قتل کیس کے بارے میں برطانوی حکومت کی طرف سے قانونی معاونت کیلئے 5ماہ پہلے درخواست دی گئی تھی لیکن پھر وہ واپس لے لی گئی،چند ہفتے پہلے ایک اور درخواست آئی ہے جس پر حکومتی اور قانونی سطح پر صلاح مشورہ جاری ہے اور ہم یقین کرتے ہیں کہ اس کا شفاف انداز میں جواب دیں گے اور عوام کو بھی اس سے آگاہ کیا جائے گا۔مزید متعلقہ خبریں پڑھئیے :
جمعہ 21 فروری 2014 کی مزید خبریں
-
شاہد آفریدی جنید خان کی بال منہ پر لگنے سے زخمی ہوگئے ، قذافی سٹیڈیم میں پریکٹس سیشن کے دوران جنید خان کی بال کلین سویپ کرتے ہوئے منہ پر جا لگی ،پریکٹس چھوڑ کر چلے گئے ، آفریدی کی چوٹ معمولی نوعیت ... مزید
-
پاکستان کرکٹ بورڈ کے نئے سینٹرل کنٹریکٹ کیلئے فہرست تیار کرلی گئی،کھلاڑیوں کے معاوضوں میں اضافے کا امکان
-
سری لنکا نے دوسرا ون ڈے میں بنگلہ دیش کو ہرا کر سیریز2-0سے جیت لی ،290رنز کے تعاقب میں بنگالی ٹیم 228رنز بنا کر آؤٹ ہوگئی، مشفیق الرحمان کے 79رنز بھی ٹیم کو شکست سے نہ بچا سکے ، کمارا سنگاکا کار کو شاندا ... مزید
-
سوچی اولمپکس میں میڈلز کی دوڑ دلچسپ مرحلے میں داخل، ناروے سونے کے 9تمغوں کے ساتھ پہلے،جرمنی 8 تمغوں کے ساتھ دوسرے نمبر پرپہنچ گیا
-
بگٹی قتل کیس کی تحقیقات جاری ،سابق ڈی جی ایم آئی کوشامل تفتیش کئے جانے کاامکان،آپریشن ان کی نقصان دہ اطلاعات پرکیاگیاتھا،جس میں کئی فوجی افسربھی مارے گئے
-
میرپورماتھیلو، گیس پائپ لائن میں دھماکہ سے بندہونیوالی گیس سپلائی41گھنٹے بعد بحال کردی گئی
-
وفاقی وزیر پٹرولیم کی صوبے میں قائم ہونے والے تمام پارو پراجیکٹس کو گیس کی فراہمی کی یقین دہانی ،وزیر اعلیٰ خیبر پختونخواہ سے وفاقی وزیر شاہد خاقان عباسی کی ملاقات،ضروری فیصلے کئے گئے
-
سپریم کورٹ کا پنجاب میں اقلیتوں کی عبادت گاہوں کو سیکورٹی فراہم کرنے پر اطمینان کا اظہار،کراچی کے ہندو جم خانہ سے متعلق ہندو کونسل سے اب تک ہونیوالی عدالتی کارروائی کی رپورٹ طلب
-
امن و امان کا اہم اور تشویش ناک مسئلہ ہے جس کو سنجیدگی سے لینا ہو گا،مولانا لطف الرحمن، کراچی سے پشاور تک دہشت گردی کے جو واقعات ہو رہے ہیں اس کی شدید مذمت کرتے ہیں ،کوئی مذہب کسی کو گلے کاٹنے کا حکم ... مزید
-
سینٹ کی مواصلات کمیٹی کا آئی جی موٹروے کی عدم حاضری پر شدید برہمی کا اظہار،ڈی آئی جی موٹر وے سے بریفنگ لینے سے انکار کردیا،بلوچستان کے لیے مختص بارہ ارب میں سے صرف 2.9 ارب روپے جاری کرنے اور موٹر وے ... مزید
-
پا نچ لاپتہ افراد حافظ محمد جمیل ، ہدایت شاہ ،عتیق الرحمن،خاور محمود اور حما د عا مر کا پتہ چلا لیا گیا،ایڈیشنل اٹارنی جنرل کا سپریم کو رٹ میں بیا ن ،ہم کیسے لوگ ہیں کہ زبردستی اٹھائے جانے والے شخص ... مزید
-
پشاور،بلدیاتی الیکشن کے حوالہ سے طے اے این پی،پی پی پی اور جمعیت علماء اسلام کا سہ فریقی اتحاد طے پاگیا ہے،مولانا عطاء الرحمن
-
دہشتگردوں کے حملوں کاجواب فوری دیاجائیگا،عبدالقادربلوچ،مذاکرات مزیدنہیں چل سکتے ،دہشتگردجہاں بھی موجودہوگاپاک فوج ایکشن کریگی ،عبدالقادربلوچ
-
کنٹریکٹ ملازمین کی برطرفی، خورشید شاہ کا وزیراعظم کو خط، سرکاری محکموں سے کنٹریکٹ ملازمین کی برطرفی کے بجائے انہیں مستقل کیا جائے،اپوزیشن لیڈ ر کا مطالبہ
-
للَہ ، پنڈ دادنخان جہلم روڈ پر ٹرک حادثے کا شکار ،تین خواتین اور ایک بچے سمیت پانچ افراد موقع پر جاں بحق
-
لاہور میں قتل ہونے والے8 افراد کی پوسٹمارٹم رپورٹ باضابطہ طور پر پولیس کو موصول ہوگئی
-
کوئٹہ ، مسلح گروپوں میں تصادم ،آٹھ افراد جاں بحق ، متعدد زخمی
-
کوئٹہ،بیلہ کے ملحقہ علاقے میں فرنٹیئر کور بلو چستان کا ،سرچ آپریشن کے دوران شدید فائرنگ کے تبا دلے میں5 شرپسند ہلاک،بی ایل ایف کے چند انتہائی مطلوب کمانڈرز گرفتار،گرفتار بی ایل ایف کمانڈر کے قبضے ... مزید
-
قیدیوں کے تبادلے پر امریکا کے ساتھ بالواسطہ مذاکرات ہوئے، افغان طالبان،ہم طالبان کے ساتھ فعال مذاکرات کا حصہ نہیں ہیں،امریکہ محکمہ خارجہ
-
سعودی عرب:مشرقی صوبے میں جھڑپ،چار افراد ہلاک ،مظاہروں اور ریاست مخالف سرگرمیوں پر سات مجرموں کو 20 سال تک قید کی سزائیں
-
امریکا آنے والی پروازوں میں بم دھماکوں کے خطرے کی وارننگ جاری ، دہشت گرد جوتوں میں دھماکا خیز مواد چھپاکر امریکا آنے والی پروازوں کو نشانہ بناسکتے ہیں‘ ہوم لینڈ سکیورٹی
-
ایران اور چھ عالمی طاقتوں کے مابین متنازعہ جوہری پروگرام کے طویل المدتی حل کے لیے مذاکراتی عمل کے فریم ورک پر اتفاق رائے طے پا گیا ، فریقین کے مابین مذاکرات کا اگلا دور سترہ تا بیس مارچ ویانا میں ... مزید
-
روسی وزیر خارجہ کا دورہ بغداد، عراق و شام بارے تبادلہ خیال،السیسی کے دورہ ماسکو کے بعد دورے کی اہمیت بڑھ گئی
-
یوکرائن میں تازہ جھڑپیں، اپوزیشن کے مطابق 60 مظاہرین ہلاک ہوئے ،لوگ گھروں سے باہر نہ جائیں،وزارت داخلہ
-
یانکووچ مخالفین کیساتھ مذاکرات کے لیے یورپی یونین اور جرمنی کی مدد قبول کریں، انجیلا مر کل
-
راجیو قتل کیس ، بھارتی سپریم کورٹ کا مجرموں کی رہائی کا عمل روکنے کا حکم،تامل ناڈو حکومت کو نوٹس جاری، اگلی سماعت چھ مارچ کو ہوگی
-
شمالی لبنان میں بشارالاسد کا حامی لبنانی رہنما قتل
-
یوکرائن پر پابندیاں بلیک میل کے مترادف ہیں، سرگئی لاوروف
-
تین سال کے وقفے بعد کوریائی منقسم خاندانوں کی ملاقات ، ملاقاتوں کا سلسلہ آج بھی جاری رہے گا،جذباتی مناظر دیکھنے کو ملے
-
نافتا کا اجلاس، امریکا، میکسیکو اور کینیڈا کا پائیدار اقتصادی ترقی، باہمی تجارت سمیت متعدد شعبوں میں اقدامات کے فیصلے
-
یمن ڈرون حملہ، دلہن سمیت ہلاک باراتیوں کی تحقیقات کا مطالبہ،امریکا اوباما کی تقریر اور عالمی قوانین کے تحت جائزہ لے، ہیومن رائٹس واچ
-
حکومت کا طالبان سے مذاکرات میں تعطل اور سیکورٹی فورسز کو اپنے دفاع کیلئے ہر قسم کی کارروائی کا اختیار دینے کا باقاعدہ اعلان،مذاکرات اور دہشتگردی ایک ساتھ نہیں چل سکتے، چوہدری نثار،وزیراعظم نے آپریشن ... مزید
-
شمالی وزیرستان فضائی حملوں میں 40 سے زائد دہشت گردہلاک ، ما رے جا نے والو ں کمانڈر عبدالستار اور عبدالرزاق سمیت غیر ملکی عسکریت پسند شا مل ہیں‘ ذرائع ،شمالی وزیر ستان میں کارروائی کے بعد مذاکراتی ... مزید
-
پاکستان کا افغان سرزمین پر 23مغوی اہلکاروں کی شہادت پر افغان حکومت سے شدید احتجاج،بہیمانہ کارروائی میں ملوث افرادکیخلاف کارروائی اور سزا کا مطالبہ،سرتاج عزیز کی افغان وزیرخارجہ سے ملاقات،دوطرفہ ... مزید
-
سپریم کورٹ نے کیلاش اور چترال کے عوام کو دھمکیوں کے معاملے کا ازخود نوٹس لے لیا،خیبرپختونخوا حکومت کو تفصیلی رپورٹ ایک ہفتے میں پیش کرنے کی ہدایت، اسلام امن اور برداشت کا دین ہے، انتہاء پسند چاہتے ... مزید
-
سابق گورنرسلمان تاثیرکابیٹاطالبان نہیں ازبک کی قید میں ہے ، رحیم اللہ یوسفزئی ،طالبان کے پاس کئی قیدی ہیں ،طالبان نے مارے جانے والے لوگوں اورخواتین اوربچوں کی قیدکی تفصیلات نہیں دیں،نجی ٹی وی پروگرام ... مزید
-
صدر مملکت ممنون حسین کی چینی وزیراعظم لی چیانگ سے ملاقات ، دوطرفہ تعلقات ، اسٹرٹیجک پلان سمیت علاقائی اور عالمی امور پر تبادلہ خیال،پاک چین سمندر سے گہری اور ہمالیہ سے اونچی دوستی کو مزید وسعت دینے ... مزید
-
کراچی ، اورنگی ٹاورن ایم پی آر کالونی میں نامعلوم افراد کی فائرنگ ،عوامی نیشنل پارٹی کے مقامی رہنمااور بچے سمیت5افراد جاں بحق،بلاول بھٹو پرخودکش حملے کامنصوبہ ناکام ، حساس اداروں اورسی آئی ڈی نے ... مزید
-
بلوچستان سے 8 لاپتہ افراد کے اغوا کا الزام انٹیلی جنس ایجنسیوں پر ہے، اہلکار مجرم ثابت ہوئے تو ان کی کسی صورت پشت پناہی نہیں کی جائے گی، وزارت دفاع ، اجتماعی قبروں کے افراد کا ڈی این اے ٹیسٹ ہونے دیا ... مزید
-
شمالی وزیرستان اور خیبر ایجنسی میں جیٹ طیاروں کی بمباری قابل افسوس ہے، آپریشن کسی مسئلہ کا حل نہیں ، پروفیسر ابراہیم ،جیٹ طیارے یہ نہیں دیکھتے کہ مرنے والے دہشت گرد ہیں یا عام شہری، ہندوستانی افواج ... مزید
-
سرتاج عزیز کی بھارتی وزیرخارجہ سے ملاقات، باہمی تعلقات کو بہتر بنانے کے اقدامات پر اطمینان کا اظہار،اقدامات جاری رکھنے اور ایک دوسرے کے خدشات کا تعمیری انداز میں جائزہ لینے پر ااتفاق
-
وزیر اعلی پنجاب محمد شہباز شریف کی چینی وزیر اعظم سے ملاقات،استقبالیے میں شرکت، چین کی مدد سے شروع کئے جانیو الے منصوبوں کو اسی تیز رفتاری سے مکمل کیا جائے گا جیسے میٹرو بس پراجیکٹ مکمل کیا گیا،بیجنگ ... مزید
-
سپریم کورٹ نے بلدیاتی حلقہ بندیوں سے متعلق کیس میں میاں نوازشریف اوربے نظیربھٹوشہید کے درمیان ہونے والے میثاق جمہوریت کی نقل طلب کر لی، آئین کے آرٹیکل ایک سوچالیس اے کے تحت صوبائی حکومت نے مالی ... مزید
-
نجکاری کمیشن کا اجلاس، فیسکو، ہیسکو اور مظفر گڑھ پاور جنریشن کمپنی کی نجکاری کی منظوری دی گئی،سٹیل مل کی نجکاری کا معاملہ ابھی ملتوی کر دیا گیا
-
پاکستان نے بھارتی آرمی چیف کے پاکستان کے حوالے سے بیان کو اشتعال انگیز قرار دیدیا، پاکستان کالعدم تنظیموں پر نظر رکھے ہوئے ہے ،یہ پاکستان کا اندرونی معاملہ ہے دفتر خارجہ ، سعودی عرب میں ایک لاکھ ... مزید
-
طالبان سے ان ہی کی زبان میں بات کریں گے ،امن اورمذاکرات پریقین رکھنے والوں کیلئے دروازے کھلے ہیں ، پرویز رشید ، پاک فوج حکومت کا ساتھ دے گی،طالبان کی کارروائیوں کا جواب بھرپور انداز میں دیا جائے ... مزید
-
ہماری جنگ نظریاتی ہے طاقت کے ذریعے کمزور نہیں کیا جا سکتا، سربراہ تحریک طالبان مہمند، کسی بھی طاقت سے نہیں ڈرتے، ہر عمل کا درعمل ضرور ہوتا ہے۔ بیان
-
سینیٹرز کو ’بکاؤمال ‘ کہنے پر پورے ایوان استحقاق مجروح ہواہے،سینٹ استحقاق کمیٹی،چیئرمین سینیٹ کی منظوری کے بعد 8 روزمیں عمران خان کو طلب کرینگے،طاہر مشہدی، کسی کو ایوان کا تقدس پامال کرنے کی اجازت ... مزید
-
شمالی وزیرستان میں فضائی حملہ وزیراعظم کی اجازت سے کیا گیا‘ ذرائع،”سبق سکھاؤ“وزیر اعظم نے طالبان کیخلاف حملوں کی منظوری دیدی، برطانوی میڈیا کا دعویٰ،طالبان کو سخت پیغام دینے اور انہیں سبق سکھانے ... مزید
-
مسلح افواج‘ سکیورٹی ادارے ظلم و بربریت اور دہشت گردی کے واقعات کا بھرپور جواب دینگے‘ خواجہ آصف،ملک و قوم کی سلامتی کیلئے ہر قدم اٹھائیں گے‘ وزیر دفاع
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.