کیا ولی کی اجازت کے بغیر شادی جائز ہے سوڈان میں تنازع

نیا ترمیمی بل پارلیمنٹ میں پیش،پاس ہونے کی صورت میں لڑکی ،لڑکا قانونی عمر کو پہنچے کے بعد شادی کرسکیں گے

منگل 21 فروری 2017 13:01

خرطو(اُردو پوائنٹ اخبارتازہ ترین - این این آئی۔ 21 فروری2017ء) سوڈان میں ان دنوں ایک آئینی ترمیم کے منصوبے کے حوالے سے شدید تنازع کھڑا ہو گیا۔ اس ترمیم کے نتیجے میں نوجوان لڑکا اور لڑکی قانونی عمر کو پہنچنے کے بعد ولی کی اجازت کے بغیر شادی کر سکیں گے۔غیرملکی خبررساں ادارے کے مطابق سوڈان میں 2005 کے آئین میں مجوزہ ترمیم کو بحث کے لیے پارلیمنٹ میں پیش کر دیا گیا ۔

(جاری ہے)

اس میں آزادی عامہ ، سیاسی اور جماعتی سرگرمیوں اور خواتین اور بچوں کے حقوق سے متعلق قانونی مواد شامل ہے۔ تاہم شادی کے حوالے سے شامل تجاویز سماجی سطح پر متنازع شکل اختیار کر گئی ہیں۔سوشل میڈیا بالخصوص فیس بک پر سرگرم حلقوں میں یہ سوالات اٹھائے جا رہے ہیں کہ آیا سوڈان میں نوجوان اس ترمیم کو قبول کریں گے یا مکمل طور پر مسترد کر دیں گے۔ موجودہ طریقہ کار میں ولی اور گواہوں کی موجودگی لازمی ہوتی ہے۔