شہر قائد میں بھائی کی فائرنگ سے بہن جاں ، ملزم فرار

منگل 21 فروری 2017 11:11

کراچی(اُردو پوائنٹ اخبارتازہ ترین - آئی این پی۔ 21 فروری2017ء) کراچی میں بھائی نے فائرنگ کرکے بہن کوموت کے گھاٹ اتار دیا اورفرار ہوگیا۔ تفصیلات کے مطابق کراچی کے علاقے بنار س پٹھان کالونی میں بھائی نے بہن پر گولیوں کی بارش کردی جس کی زد میں آکر وہ شدید زخمی ہوگئی اور زخموں کی تاب نہ لاتے ہوئے موقع پر دم توڑ گئی۔

(جاری ہے)

اطلاع ملتے ہی پولیس کی نفری موقع پر پہنچ گئی اور لاش کو اپنی تحویل میں لیتے ہوئے ملزم کے والد کو گرفتار کر لیا جس نے ابتدائی تحقیقات میں پولیس کو بیان دیتے ہوئے کہا کہ شادی کے بعد مقتولہ ہم سے ملنے حیدر آباد سے کراچی آئی تھی ،دونوں بہن بھائیوں میں کسی بات پر تلخ کلامی ہوئی جس پر میرا بیٹا مشتعل ہوگیا اور فائرنگ کرکے فرار ہوگیا۔

پولیس نے ملزم کیخلاف قتل کا مقدمہ درج کرکے لاش کو پوسٹ مارٹم کیلئے ہسپتال منتقل کر دیا ۔

متعلقہ عنوان :