کرائسٹ چرچ کے جنگلوں میں آگ؛ دوسرا ون ڈے خطرے سے دوچارہوگیا

ہم نے ابھی تک کوئی حتمی فیصلہ نہیں کیا، ترجمان نیوزی لینڈ کرکٹ بورڈ

جمعہ 17 فروری 2017 14:29

کرائسٹ چرچ کے جنگلوں میں آگ؛ دوسرا ون ڈے خطرے سے دوچارہوگیا

کرائسٹ چرچ (اُردو پوائنٹ اخبارتازہ ترین - آن لائن۔ 17 فروری2017ء) کرائسٹ چرچ کے جنگلوں میں لگی آگ نے نیوزی لینڈ اور جنوبی افریقہ کے درمیان شیڈول دوسرے ون ڈے کو خطرے سے دوچار کردیا ہے۔

(جاری ہے)

نیوزی لینڈ اور جنوی افریقا کے درمیان شیڈول دوسرا ایک روزہ میچ کرائسٹ چرچ میں ہونا تھا لیکن قریبی علاقے پورٹ ہلزپر لگی آگ شہر کے قریب پہنچ چکی ہے۔ یہ آگ پیر کو شروع ہوئی تھی جس کی لپیٹ میں اب تک کئی گھر آچکے ہیں، نیوزی لینڈ کرکٹ کے ترجمان کا کہنا ہے کہ ہم نے اگرچہ ابھی تک کوئی حتمی فیصلہ نہیں کیا مگر صورتحال پر نظر رکھے ہوئے ہیں، حالات بہتر نہ ہونے پر یہ میچ بھی منتقل کیا جاسکتا ہے۔