افغانستان سے آئے متاثرین شمالی وزیرستان کے 300خاندان اپنے علاقوں میں پہنچا دیئے گئے

پیر 6 فروری 2017 22:04

بنوں (اُردو پوائنٹ اخبارتازہ ترین - این این آئی۔ 06 فروری2017ء) افغانستان سے آئے ہوئے متاثرین شمالی وزیرستان کے تین سو خاندان اپنے علاقوں کو پہنچا دیئے گئے یہ سلسلہ آٹھ فروری تک جاری رہے گا ۔

(جاری ہے)

تفصیلات کے مطابق شمالی وزیرستان میں آپریشن ضرب عضب سے ہزاروں خاندانوں نے افغانستان نقل مکانی کی تھی جن کی دو بارہ پاکستان آنے کاعمل جاری ہے 30جنوری تک کل 871خاندان پاکستان ٹی ڈی پیز کیمپ بکاخیل منتقل ہوئے جن کی شمالی وزیرستان کے اپنے علاقوں کو واپسی کا عمل شروع کیا گیا ہے اور مزید تین سو گھرانے اپنے علاقوں کو پہنچا دیئے گئے واپسی کایہ عمل آٹھ فروری تک جاری رہے گا متاثرہ خاندانوں کو مفت ٹرانسپورٹ اور آئی ڈی پی پیکج فراہم کیا جا رہا ہے ۔