ٹرمپ کی عائد کردہ سفری پابندیاں ظالمانہ اور متعصبانہ ہیں، میئر لندن

ْ ٹرمپ کے متنازع فیصلے سے امریکی سلامتی کے تحفظ کے بجائے اسے مزید نقصان پہنچے گا،صادق خان

بدھ 1 فروری 2017 12:10

ٹرمپ کی عائد کردہ سفری پابندیاں ظالمانہ اور متعصبانہ ہیں، میئر لندن

لندن (اُردو پوائنٹ اخبارتازہ ترین - آن لائن۔ 01 فروری2017ء) لندن کے میئر صادق خان نے امریکی صدر ڈونلڈ ٹرمپ کی جانب سے سفری پابندیوں کو ظالمانہ اور متعصبانہ قراردیتے ہوئے ان کا دورہ برطانیہ منسوخ کرنے کا مطالبہ کردیا۔

(جاری ہے)

لندن کے میئر کا کہنا ہے کہ صدر ٹرمپ کے متنازع فیصلے سے امریکی سلامتی کے تحفظ کے بجائے اسے مزید نقصان پہنچے گا، انہوں نے کہا کہ وہ جلد ہی اعلیٰ امریکی سفارت کاروں سے مل کر اپنی تشویش سے آگاہ کریں گے۔صادق خان نے برطانوی وزیراعظم سے بھی درخواست کی ہے کہ ڈونلڈ ٹرمپ کو اس وقت تک برطانیہ کے دورے کی اجازت نہ دی جائے جب تک سفری پابندیاں ختم نہیں کی جاتیں ، ورنہ لندن کے عوام ٹرمپ کا خیر مقدم نہیں کریں گے۔