پاک فضائیہ کے سربراہ ائیر چیف مارشل سہیل امان سے تر کی کے ڈپٹی چیف آف جنرل سٹاف جنرل عمیت دندار کی ملاقات

جمعرات 26 جنوری 2017 14:53

اسلام آباد ۔ (اُردو پوائنٹ اخبارتازہ ترین - اے پی پی۔ 26 جنوری2017ء) پاک فضائیہ کے سربراہ ائیر چیف مارشل سہیل امان سے تر کی کے ڈپٹی چیف آف جنرل سٹاف جنرل عمیت دندارنے جمعرات کو یہاں ائیر ہیڈ کوارٹرز میں ملاقات کی۔ترجمان پاک فضائیہ کے مطابق ایئر ہیڈ کوارٹر اسلام آبادآمد پر پاک فضائیہ کے سربراہ ائیرچیف مارشل سہیل امان نے معزز مہمان کا استقبال کیا۔

(جاری ہے)

پاک فضائیہ کے ایک چاق وچوبند دستے نے انہیں سلامی پیش کی ۔پاک فضائیہ کے سربراہ نے پرنسپل سٹاف آفیسر ز کا معزز مہمان سے تعارف کرایا گیا۔جنرل عمیت دندار نے پاک فضائیہ کے سربراہ سے انکے دفترمیں ملاقات کی اور پیشہ ورانہ دلچسپی کے امور پر تبادلہ خیال کیا۔ اس گفتگو میں دونوں ممالک کے مابین باہمی تعاون میں مزید اضافے سے متعلق امور بھی زیر بحث آئے ۔ اس موقع پر دونوں نے تحائف کا تبادلہ بھی کیا۔