چین بحرالکاہل تجارتی معاہدہ کا حصہ بن سکتا ہے ، آسٹریلوی وزیراعظم

منگل 24 جنوری 2017 20:58

سڈنی (اُردو پوائنٹ اخبارتازہ ترین - آئی این پی۔ 24 جنوری2017ء) آسٹریلیا نے کہا ہے کہ امریکہ کی جانب سے بحرالکاہل تجارتی معاہدہ سے علیحدگی کے بعد چین کیلئے تجارتی معاہدے کا حصہ بننے کے واضح امکانات موجود ہیں ۔

(جاری ہے)

آسٹریلوی وزیراعظم مالکوم ٹرنبال نے امریکہ کی جانب سے بحرالکاہل تجارتی معاہدے سے علیحدگی اختیار کرنے کے اعلان کے بعد ردعمل میں کہا کہ وہ جاپان ،نیوزی لینڈ اور سنگاپور سمیت متعلقہ ممالک کیساتھ براہ راست رابطے میں ہیں تاکہ تجارتی معاہدے کے مستقبل کے حوالے سے لائحہ عمل اختیار کیا جا سکے ۔

انہوں نے کہا کہ امریکہ کی جانب سے مزید غیر متوقع فیصلے سامنے آسکتے ہیں ۔بحرالکاہل تجارتی معاہدے میں شامل ممالک امریکہ کے بغیر بھی آگے بڑھ سکتے ہیں اور اب چین اس تجارتی معاہدے کا یقیناً حصہ بن سکتا ہے ۔