رحمان بھولا کا جے آئی ٹی کے سامنے بلدیہ فیکٹری جلانے کا اعتراف

کیمیکل پھینک کر بلدیہ فیکٹری میں آگ لگائی تھی، رحمان عرف بھولا کا چودہ افراد کو قتل کرنے کا انکشاف

منگل 24 جنوری 2017 11:37

رحمان بھولا کا جے آئی ٹی کے سامنے بلدیہ فیکٹری جلانے کا اعتراف
کراچی (اُردو پوائنٹ اخبارتازہ ترین - آئی این پی۔ 24 جنوری2017ء) کراچی میں سانحہ بلدیہ کے مرکزی ملزم رحمان بھولا سے جے آئی ٹی کی تفتیش مکمل کر لی گئی۔ ملزم رحمان بھولا نے جے آئی ٹی کے سامنے بلدیہ فیکٹری جلانیکا اعتراف کر لیا۔

(جاری ہے)

میڈیا رپورٹس کے مطابق جے آئی ٹی رپورٹ کے مطابق ملزم رحمان عرف بھولا نے اعتراف کیا ہے کہ اس نے کیمیکل پھینک کر بلدیہ فیکٹری میں آگ لگائی تھی، جبکہ رحمان عرف بھولا نے چودہ افراد کو قتل کرنے کا بھی انکشاف کیا ہے اور بھتہ نہ دینے پر کئی افراد کو قتل بھی کیا۔

ملزم نے بلدیہ اور اورنگی ٹاؤن میں بھتے کا منظم نیٹ ورک چلانے کا بھی اعتراف کیا ہے۔تفتیشی حکام کے مطابق رحمان بھولا کی گرفتاری دو مقدمات میں ڈالی جا چکی ہے جبکہ جے آئی ٹی رپورٹ جلد اعلیٰ حکام کو ارسال کر دی جائے گی۔ واضح رہے کہ سانحہ بلدیہ فیکٹری کے مرکزی ملزم رحمان بھولا کو بینکاک سے گرفتار کیا گیا تھا۔

متعلقہ عنوان :