Live Updates

نواز شریف کا سارا کیس تباہی کی طرف جارہاہے ،ْ عمران خان

پیر 23 جنوری 2017 15:26

نواز شریف کا سارا کیس تباہی کی طرف جارہاہے ،ْ عمران خان
اسلام آباد(اُردو پوائنٹ اخبارتازہ ترین - این این آئی۔ 23 جنوری2017ء) پاکستان تحریک انصاف کے سربراہ عمران خان نے کہاہے کہ نواز شریف کا سارا کیس تباہی کی طرف جارہاہے ۔

(جاری ہے)

سپریم کورٹ کے باہر میڈیا سے بات چیت چیئر مین پاکستان تحریک انصاف عمران خان نے کہا کہ (ن) لیگ ثبوتوں کے بجائے بحث میں پڑ گئی ہے، دستاویزات سے ثابت ہوگیا کہ مریم نواز لندن فلیٹ کی اصل مالک ہیں لہذا قطری شہزادے کا خط فراڈ ہے کیونکہ خط کہتا ہے کہ مے فئیر اپارٹمنٹ حسین نواز کے ہیں لہذا خط غلط ثابت ہونے کے بعد ان کی منی ٹریل ختم ہوگئی۔

انہوں نے کہا کہ نواز شریف نے پارلیمنٹ میں کہا ہمارے پاس منی ٹریل کے سارے ثبوت ہیں تاہم ان کا سارا کیس تباہی کی طرف جارہا ہے۔عمران خان نے کہا کہ اگر شریف خاندان سچا ہے تو آئی سی آئی جے اور بی بی سی کو عدالت میں لیکر جائے، انہوں نے جھوٹ بولا کے بی بی سی پر تحقیقات ہورہی ہیں لہذا یہ میری تعریفیں کرنے کے بجائے آئی سی آئی جے کو نوٹس بھجوائیں، یہ خبریں میں نے ایجاد نہیں کیں یہ لوگ پکڑے گئے ہیں اور ان کی پکڑ اوپر جو امپائر ہے اس کی پکڑ ہے۔
Live عمران خان سے متعلق تازہ ترین معلومات