سعودی عرب کا ترسیلات زر پر ٹیکس عائد نہ کرنے کا فیصلہ

پیر 23 جنوری 2017 12:00

ریا ض (اُردو پوائنٹ اخبارتازہ ترین - آن لائن۔ 23 جنوری2017ء) سعودی وزارت خزانہ نے تارکین وطن کی جانب سے اپنے ممالک کو بھیجی جانے والی رقم پر ٹیکس عائد کرنے کی تجویز مسترد کردی۔اس سے قبل سعودی عرب کی مجلس شوریٰ نے غیر ملکی افراد کی جانب سے اپنے آبائی ممالک کو بھیجی جانے والی رقوم پر چھ فیصد ٹیکس عائد کرنے کی تجویز دی تھی۔

(جاری ہے)

مجلس شوریٰ کی جانب سے یہ تجویز تیل کی کم قیمتوں کے باعث بجٹ کا خسارہ پورا کرنے کے لیے دی گئی تھی تاہم اتوار کے روز سعودی وزارت خزانہ سے جاری بیان میں یہ واضح کیا گیا ہے کہ فی الحال تارکین وطن کی ترسیلات زر پر ٹیکس عائد کرنے کا کوئی منصوبہ زیر غور نہیں ہے۔سعودی عرب میں اس وقت ایک کروڑ کے قریب تارکین وطن ملازمت کی غرض سے مقیم ہیں ۔

متعلقہ عنوان :