اگر میرے استعفے سے حادثات رک سکتے ہیں تو میں مستعفی ہونے کیلئے تیار ہوں ‘ وزیر ریلوے کی پیشکش
صوبائی حکومتوں نے اًن مینڈ کراسنگز کو مینڈ اور سگنلائز کرنے کیلئے مالی تعاون نہ کیا تو تمام کراسنگز لاک کردیں گے ْپورے ملک میں 2470ان مینڈکراسنگز ہیں جنہیں مینڈ کرنے کے لئے 25ارب روپے کی خطیر رقم درکار ہے جائے حادثہ پر انتباہی بورڈ آویزاں ہونے کے ساتھ سپیڈ بریکر بھی تھا ،کار ٹرین کے ساتھ چلتی رہی اور جلدی میں ٹریک عبور کرنے کی کوشش میں حادثہ رونما ہوا خواجہ سعدرفیق کی ریلوے ہیڈکوارٹرزمیں ہنگامی پریس کانفرنس
اتوار 22 جنوری 2017 21:20
لاہور (اُردو پوائنٹ اخبارتازہ ترین - این این آئی۔ 22 جنوری2017ء) وفاقی وزیر ریلویز خواجہ سعد رفیق نے کہا ہے کہ اگر میرے استعفے سے حادثات رک سکتے ہیں تو میں مستعفی ہونے کے لئے تیار ہوں ،صوبائی حکومتوں نے اًن مینڈ کراسنگز کو مینڈ اور سگنلائز کرنے کے لئے مالی تعاون نہ کیا تو تمام کراسنگز لاک کردیں گے ،پورے ملک میں 2470ان مینڈکراسنگز ہیں جنہیں مینڈ کرنے کے لئے 25ارب روپے کی خطیر رقم درکار ہے جبکہ اس کے بعد تنخواہوں کی مد میں سالانہ ڈھائی ارب روپے خرچ ہوں گے ۔
ان خیالات کا اظہار انہو ں نے گزشتہ روز پا کستان ریلوے ہیڈ کو ارٹرز میں ہنگامی پریس کانفرنس سے خطاب کے دوران کیا ۔ انہو ں نے گوجرہ میں پیش آنے والے حادثے پر افسوس کا اظہار کرتے ہوئے کہا کہ شور کو ٹ سیکشن پر ان سگنل کراسنگ پر شالیمار ایکسپریس کے سامنے کا ر آجانے سے افسوسنا ک سانحہ ہوا جس میں 6افراد جاں بحق ہوگئے ۔(جاری ہے)
مذکورہ کراسنگ پر انتباہی بورڈ آویزاں ہونے کے ساتھ سپیڈ بریکر بھی بنا ہوا تھا ۔
وہاں پر دیگر ٹریفک رکی ہوئی تھی جبکہ کار ٹرین کے ساتھ چلتی رہی اور جلدی میں ٹریک عبور کرنے کی کوشش میں حادثہ رونما ہوا ۔ انہوں نے کہا کہ گزشتہ ساڑھے تین سالوں میں اًن مینڈ اور اًن سگنل کراسنگز پر حادثات کی وجہ سے 80افراد جاں بحق اور 118زخمی ہو چکے ہیں۔ملک بھر میں 2470اًن مینڈ کراسنگز موجود ہیں جن میں پنجاب میں 1195،خیبر پختونخواہ میں 133،سندھ میں 504اور بلوچستان میں 86اًن مینڈ کراسنگز ہیں ۔ریلوے ٹریک کراسنگز پر گیٹ اور سگنلز نصب کروانا صوبائی حکومتوں کی ذمہ داری ہے جس کیلئے تمام صوبائی حکومتوں کو خطوط لکھے اور ذاتی حیثیت میں وزرائے اعلیٰ سے ملاقاتیں بھی کیں لیکن افسوس کہ آج تک پنجاب کے سوا کسی صوبے نے تعاون نہیں کیا۔پنجاب نے 61کروڑ دئیے جس سے ہم نے 70مینڈ کراسنگز بنائیں جبکہ اس سال پنجاب نے 65کرو ڑدیا ہے جس سے ہم مزید75 مینڈ کراسنگز بنادیں گے ۔قائم علی شاہ نے کبھی ہماری بات پر کان نہیں دھرا لیکن مراد علی شاہ نے تعاون کیا ہے اور 10کروڑ روپے سے اوپر رقم دی جس سے 17کراسنگز کو مینڈ بنائیں گے۔ پیپلزپارٹی کے پانچ سالہ دور میں صرف 7کراسنگز کو مینڈ کیا گیا لیکن ہم نے اب تک 80کراسنگز کو مینڈ کردیا ہے اور کل ملاکر مجموعی طورپرمزید 102کے قریب کراسنگز پائپ لائن میں ہیں جن کو عنقریب مینڈ کردیا جائے گا۔ انہو ں نے کہا کہ ریلوے انجنوں میں جی پی ایس ٹریکر سسٹم لگانے کے لئے پیشرفت کر رہے ہیںجبکہ ریلوے کے عملے کے درمیان باہمی رابطے تیز کرنے کیلئے وائرلیس ،واکی ٹاکی منصوبے پر بھی کام جا ری ہے ، اًن مینڈ کراسنگز کو مینڈ بنانے کیلئے نجی کمپنیوں کے اشتراک سے پائلٹ پراجیکٹ کے طور پر50لیول کراسنگز بنانے کا منصوبہ بہت جلد شروع کریں گے ۔ انہوںنے کہا کہ مخالفین ریلوے پر سیاست نہ کریں بلکہ حقیقی تصحیح کیلئے مشورہ دیں ،ایک صاحب منہ اور زبان لمبی کر کے ہر وقت ریلوے پر تنقید کر تے ہیں انہیں چاہیے کہ وہ اپنی صوبائی حکومت کو آئینہ دکھائیںکہ وہ کراسنگز کو مینڈ کرنے کیلئے رقم جا ری کرے ۔ ایک سوال کے جواب میں انہو ں نے کہا کہ اگر میرے استعفیٰ دینے سے حادثات رک سکتے ہیں تو میں اس کے لئے تیار ہوں ۔ صوبائی حکومتوں سے گزارش کر تا ہوں کہ کراسنگز کو مینڈ بنانے کیلئے تعاون کریں ورنہ ہم تمام کراسنگز کو لا ک کردیں گے ۔انہوں نے کہا کہ ریلوے ڈرائیوروں ،اسسٹنٹ ڈرائیوروں اور گیٹ کیپرز کودوران ڈیوٹی چاک وچوبند رکھنے کے لئے ان کے میڈیکل ٹیسٹوں کی تعداد میں کافی اضافہ کر دیا گیاہے۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.