پانامہ لیکس تحقیقات میں 67پاکستانیوںکا تاحال کوئی سراغ نہ مل سکا

ایف بی آر نے آف شور کمپنیوں کی شناخت کیلئے نادرا سے رابطہ کر لیا‘نجی ٹی وی

اتوار 22 جنوری 2017 18:00

لاہور(اُردو پوائنٹ اخبارتازہ ترین - این این آئی۔ 22 جنوری2017ء) فیڈرل بورڈ آف ریو نیو کی پانامہ لیکس کے تناظر میں شروع کی گئی تحقیقات میں 67پاکستانیوںکا تاحال کوئی سراغ نہ مل سکا، ایف بی آر نے آف شور کمپنیوں کی شناخت کیلئے نادرا سے رابطہ کر لیا ۔نجی ٹی وی نے ذرائع کے حوالے سے کہا ہے کہ ایف بی آر نے پانامہ لیکس میں شامل 944 کمپنیوں کو نوٹسز جاری کیے تھے۔

(جاری ہے)

تحقیقات کے دوران 68مالکان نے اپنی آف شور کمپنیوں کی ملکیت تسلیم کر لی ہے جبکہ نوٹسز کے جوابات کے مطابق 15 کمپنیوں کے مالکان فوت ہو چکے ہیں۔ذرائع کا مزید کہنا ہے کہ 31کمپنیوں کے مالکان نے بتایا ہے کہ وہ اب پاکستان میں نہیں رہتے جبکہ 29 کمپنیوں کے مالکان کو شوکاز نوٹسز بھی جاری کیے جا چکے ہیں۔بتایاگیا ہے کہ اب تک کی تحقیقات میں67پاکستانیوں کا تاحال کوئی سراغ نہیں مل سکا جس کے باعث ایف بی آر نے شناخت کے لئے نادرا سے رابطہ کر لیا ہے۔

متعلقہ عنوان :